Qələmsiz yazılanlar - Rəşad Məcidin status-esseləri
Söz adamı 17 Dekabr 2025, 11:16
2608
Rəşad MƏCİD
"525-ci qəzet"in baş redaktoru, Azərbaycan Yazıçılar Birliyinin sədr müavini
İndi "Euronews" kanalında Azərbaycan haqda verilişləri tez-tez görmək mümkündür. Bu verilişlərdə müsahiblərin doğma dilimizdə danışığını eşitmək, təbiətimizin, mətbəximizin fərqli və səviyyəli şəkildə təqdimatını seyr etmək qürurvericidir.
Bu yaxınlarda "Euronews"un Bakı ofisinin açılış mərasimində qurumun İdarə Heyətinin sədri Pedro Vargas David Azərbaycana qarşı həmişə balanslı mövqe nümayiş etdirdiklərini söyləyib, ölkəmizi dünyəvi, müasir, sürətlə inkişaf edən və özünə inamla dolu ölkə adlandırıb.
Təsadüfi deyil ki, mütəxəssislər Avropanın ən məşhur kanalının Azərbaycanda ofis açmasını ölkəmizin media sahəsində son 5 ildə qazandığı ən böyük uğurlardan biri hesab edirlər.
Ofisin açılışından qısa müddət keçməsinə baxmayaraq ölkəmiz haqqında maraqlı verilişlərin davamlı nümayişi bu addımın necə vacib və düzgün olduğunun təsdiqidir.
lll
Bu, Anardır! Azərbaycanın qürur duyacağı böyük şəxsiyyət! 88 yaşında da kübar, sağlam, yaddaşı yerində, yazıb-yaradan, səfərlərə gedən, yorulmadan çalışan Anar.
Bu şəkil 3 noyabrda Azərbaycan Milli Elmlər Akademiyasının yubileyindən çıxanda çəkilib. Akademik Zemfira Səfərova AMEA-nın yubiley medalıyla təltif olunmuşdu. Anar kübarcasına həyat yoldaşının qoluna girib maşına sarı gəlirdi.
O ki qaldı Anarın arabada sosial şəbəklərdə yayılan şəklinə, özü ilə indicə danışdım, dedi ki, bir müddət əvvəl ayağım ağrıyanda klinikaya gedəndə çəkilib. Səfərlərdə olarkən İstanbulun uzun aeroportunda hava alanının bu xidmətindən ara-sıra istifadə edib Anar. Özünün dediyinə görə, qocalıq, şəkər xəstəliyi birinci ayaqdan başlayıb.
Anar müəllim bir azdan işdə olacaq, narahat olanlar Azərbaycan Yazıçılar Birliyinə gəlib Anar müəllimə şəkil çəkdirə bilərlər!
Allah Anar müəllimə cansağlığı, sağlam ömür versin, yazıb-yaratmaq şövqü heç zaman tükənməsin!
lll
Bir müddətdən sonra yaradıcı adamlar ömürlərini başa vurmaq üçün ucqar kəndlərə çəkiləcəklər.
Süni intellekt, ChatGPT dövründə onlara ehtiyac olmayacaq, özlərini lazımsız hiss edəcəklər.
lll
Köhnə bazara təzə nırx qoymaq təşəbbüsü əksərən iflasa uğrayır.
lll
Şəhərimizdə möhtəşəm mədəni hadisə baş verdi.
Azərbaycan Dövlət Akademik Musiqili Teatrında Xalq yazıçısı Kamal Abdullanın pyesi əsasında hazırlanmış "Əsgər və Gülçöhrə" tamaşasının premyerası böyük anşlaqla keçdi. Tamaşanın quruluşçu rejissoru Əməkdar incəsənət xadimi Əsgər Əsgərovdur. Musiqisi isə Əməkdar incəsənət xadimi Cavanşir Quliyevindir. Böyük rəğbətlə qarşılanan tamaşanın bütün yaradıcı heyətinə səmimi təbriklərimizi çatdırırıq.
lll
Heç nə arzulama, heç nə istəmə ki, xoşbəxt olasan.
lll
Zaman keçir, gözəl musiqilər sadəcə sənət əsərinə çevrilir. İlk eşitdiyindəki hissiyyat, duyğu, xəyal, həyəcan təəssüf ki, unudulur.
lll
"Kəklikotu qayalarda dua kimi açır!
...Orada buludlar dağlardan aşağıda olur.
...Gecələr ulduzların sıxlığından göy üzünü görmək mümkün deyil".
Gərək doğulduğun kəndi dəlicəsinə sevəsən ki, belə gözəl vəsf edə biləsən!
Gözəl hisslərlə qələmə aldığı bu təsirli məqaləsinə görə Elşad Eyvazlını təbrik edirəm!
Kəlbəcər Günümüz mübarək!
lll
Deyir, ürəyi təmiz insana sataşan xeyir tapmaz!
lll
Bu gün Azərbaycan milli mətbuatının banisi Həsən bəy Zərdabinin anım günüdür. 1907-ci ilin noyabrın 28-də dünyaya gözünü əbədi yuman Həsən bəyin dəfni iki gün sonra, noyabrın 30-da böyük izdihamla keçirildi.
Həmçinin oxuyun
Hörmətli Vilayət Quliyevin "Həsən bəy Zərdabi: ölümdən sonra ölümsüzlük" yazısında həmin günlər ən xırda detalınacan, təfərrüatıyla təsvir olunub:
"Zərdabilərin mənzilindən başlayaraq Qasım bəy məscidinə qədər, habelə Bazar küçəsi ilə "Kaspi" redaksiyasına (indiki Sabir bağı) qədər Bakıdakı bütün rus-müsəlman məktəblərinin (o dövrdə şəhərdə əsasını Həsən bəyin qoyduğu 11 belə məktəb vardı) şagirdləri yolun hər iki tərəfində sıra ilə düzülmüşdülər".
"İlk izdihamlı mitinq məscidin həyətində keçirildi".
"İkinci matəm mitinqi Sabir bağında, "Kaspi" redaksiya binasının önündə keçirilmişdi".
"Nikolay küçəsi ilə üzüyuxarı hərəkət edən izdiham Bakı Dumasının qarşısında bir daha ayaq saxlamışdı".
"Mərhumu torpağa tapşırmaq üçün Bakının Şıx qəbiristanlığına yollanan mərasim iştirakçıları indiki Azneft meydanında bir neçə dəqiqəliyə ayaq saxlamışdılar. Əhməd bəy Ağayev camaata Zərdabi ailəsi adından təşəkkürünü bildirmiş, havanın soyuq, yolun uzaq olduğunu nəzərə alaraq, Bibiheybət məzarlığına getməyə imkanı olmayanların mərhumla burada vidalaşa biləcəklərini xatırlatmışdı. Lakin mərasimə qatılanların əksəriyyəti Həsən bəyi son mənzilə yola salmaq üçün təxminən 5 kilometrə yaxın məsafəni piyada qət etmək əziyyətindən çəkinməmişdi!"
Sosial şəbəkələr, yüngül-ötəri xəbərlər və informasiya axını imkan versə, həftə sonunun asudə vaxtından oğurlayıb bu araşdırmanı oxuyun.
Mətbuatımızın banisinin ruhu şad olsun!
Vilayət müəllimə hədsiz minnətdarlıq da öz yerində.
lll
Siz - kiçik məmur, naziriniz bu qədər sadə ikən siz niyə özünüzü dartıb dağ başına qoyursuz ki?!
lll
Ürəyinin səsini eşitməmək üçün çönüb sağ böyrü üstə yatdı.
lll
Aqil Abbasla Qarabağa, Ağdama getmək zövqdür. Böyük sənətkarımız Qədir Rüstəmov barədə xatirələri Aqilin dilindən eşitmək isə daha da gözəldir.
lll
Eyni vaxtda 5 tədbirə dəvət edirlərsə, neyləməli? Hansına getməli?
lll
Bütün dövrlərdə ədalətli, ağıllı, qərəzsiz insanlar tapılacaq.
lll
Ağdaşda Xalq şairi Fikrət Qoca barədə danışdım:
"Fikrət Qocanın şeirləri insana güc və möhkəmlik verir. Onun sözlərində bir saflıq və təmizlik var. Elə buna görə də şeirlərinə mindən çox mahnı bəstələnib.
Bir misralıq "İntihar fərarilikdir!" şeirini xatırlatdım və şairə haqq qazandırdım. Gəncliyimdən əzbər bildiyim "Cəsarət" və "Risk" şeirlərindən misralar səsləndirdim.
...Ötən əsrin 80-ci illərində Fikrət müəllim Moskvada əməliyyat olunanda Ulu Öndər Heydər Əliyev onun səhhəti ilə şəxsən maraqlanmışdı. Cənab Prezident İlham Əliyev də onun yaradıcılığına xüsusi diqqət göstərib. Fikrət Qocanın 90 illik yubileyinin keçirilməsi barədə cənab Prezidentin imzaladığı sərəncam da həmin diqqət və qayğının davamıdır".
lll
Cavad Heyətin 100 illik yubileyinə həsr olunmuş tədbirdə həm də Məhəmməd Füzulinin "Hədiqətüs-süada" əsərinin 16-cı əsrə aid əlyazması Milli Kitabxanaya hədiyyə olundu.
lll
Robot kimi, hissiz-duyğusuz durub baxırlar. Nazir gəlib görüşən kimi üzlərinə xoş ifadə verib sırayla mehribanlıq göstərirlər. Sadə reallıq!
lll
Gəncliyini - ömrünün ən qaynar, ən enerjili illərini öyrənməyə, savad almağa, özünü formalaşdırmağa həsr etməkdənsə, xalqın yetişdirdiyi, əfsanəyə çevrilmiş, toxunulmaz dəyərlərə ağız büzməklə, qara yaxmaqla keçirənlərin bir gün səhvlərini anlayıb düzələcəyinə inamım hələ də itməyib. Belə tövbə edənləri çox görmüşəm.
Keçmişi bəyənməmək gəncliyə xas məziyyət kimi təbii hissdir. Amma bu məziyyət həyat tərzinə çevriləndə, amansızcasına, sürətlə ötüb keçən illərdə müsbət, fərqli nəsə yaza bilməyəndə və bir gün ayılıb ömrünü bihudə xərclədiyini görəndə artıq gec olur.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Firuz Mustafa: Xəlil Köçərli dolğun və bərəkətli ömür sürmüş “xalq adamı” olub
Əməkdar incəsənət xadimi və yazıçı Firuz Mustafa tarixçi-alim, professor Xəlil Köçərlinin xatirəsinə sosial şəbəkədə paylaşım edib.Citypost.az xəbər verir ki, Firuz Mustafa bildirib ki, o, heç kəsə “sənə yüz yaş arzu edirəm” deməmişdir, əksinə, “Sənə ürəyin istəyən qədər, amma yüz faizli ömür arzulayıram” deyir. Onun sözlərinə görə, Xəlil Köçərli dolğun və bərəkətli ömür yaşamış, yüz il ömür sürərək gənc nəsillər üçün nümunə olmuşdur.Əməkdar incəsənət xadimi qeyd edib ki, bu gün Xəlil Köçərlinin “yeddi” mərasimi keçirilmişdir. Alim uşaqlıq və gənclik illərini çətinliklərlə keçirmiş, sözün əsl mənasında “xalq adamı” olmuşdur. Firuz Mustafa Xəlil Köçərlinin ailəsinin məşhur ədəbiyyatşünas Firudin bəy Köçərli ilə mənəvi bağlılığından...
19 Mart 2026, 11:03
"Bütövlük nəğməsi" - Sayman Aruzun ŞEİRİ
Savalan dağından qopan çay kimi,Axmışam Xəzərə Xəzərləşmişəm.Arazın üstündən baxan ay kimi,Sizlərin həsrətin, qəmin çəkmişəm.Mənə yaxşı baxın, yaxşı tanıyın,Nəbiyəm, Babəkəm, dinəm, imanam.Öpüm qəlbinizdən, məni anlayın,Mən də sizin kimi Azərbaycanam.Dilim sizin dildir, dərdim sizinki,Soyları kəsilsin, sizin soydanam.Məni düşmən deyil, lap özümünki,Qoymur vətən boyda uca boylanam.Yüz ildir “iranlı” deyirlər bizə,Biz isə bilmədik bu iran nədir!Fars dili, Fars donu geyilir bizə,Hansı ki, yüz ildir bizə dar gəlir.Bu nədir ilahi, bu nədir axı,Tanış insanlarda ögey kölgələr.Dost kimi gəlirlər çıxırlar yağı,Dilləri dilimdən, özü özgələr.Sahildən sahilə uçan bir quşam,Dostun yaxasına vurulan güləm.“Mən gərək sahili sahilə qoşam”,Qeyrətim götürmür sürünüb öləm.Bir gün çıxacaqdır günəş Güneydən,Bütöv Azərbaycan nurlanacaqdır.Tanrı da enəcək...
19 Mart 2026, 10:56
Maskalar Düşəndə: Həmid Herisçi Fenomeni: Dil, Kimlik və Rejim Diskursu Arasında Bir Fiqur
Güney Azərbaycan mübarizəsində təhlükə təkcə açıq repressiya deyil — bəzən “bizdən danışan, amma bizə qarşı işləyən” diskurslardır.Bir Yazardan Daha ArtıqSon illərdə Güney Azərbaycan məsələsi yalnız siyasi müstəvidə deyil, həm də mədəni və ideoloji müstəvidə ciddi müzakirələrə səbəb olur. Bu müzakirələrin mərkəzində tez-tez çəkilən adlardan biri də Həmid Herisçidir.Lakin Herisçi ətrafında formalaşan polemika sadəcə bir yazıçının şəxsi ədəbi seçimi ilə izah edilə bilməz. İran mediasında sistemli şəkildə yayımlanan açıqlamaları, Azərbaycan türkcəsinə qarşı aşağılayıcı münasibəti və İran rejimini legitimləşdirən fikirləri onu fərdi fikir sahibi olmaqdan çox, müəyyən ideoloji diskursun daşıyıcısı kimi təqdim edir.Bu kontekstdə Herisçi fenomeni üç istiqamətdə qiymətləndirilir:İran mədəni–təhlükəsizlik diskursunun daşıyıcısıGüney...
17 Mart 2026, 16:05
DAHİ – Şəmsi Vəfadarın YAZISI
Mən ona nə müəllim deyirdim, nə də bəy. Elə ilk ünsiyyətimiz yaranan gündən ona belə müraciət edirdim... Dahi. Sonralar müştərək dostlarımız hamısı – Oqtay Rza, Qulu Məhərrəmov, Ənvər Əhməd, Ramiz Məmmədzadə, Fazil Rəhmanzadə, Sərvaz Hüseynoğlu, Dayandur Sevgin, Sabir Abdin, Yusif Nəğməkar, Ramiz Bahadıroğlu,Mübariz Süleymanlı və digərləri də onu öz adı ilə deyil, mənim dilimlə elə Dahi deyə çağırırdılar. Amma, sözün əsl mənasında kişi doğrudan da elə dahi idi. O, dahiliyini bütün tərəfləri ilə sübut etmişdi. Söhbət Dövlət Mükafatı Laureatı, filologiya elmləri doktoru, professor Nizaməddin Şəmsizadədən gedir. Yaxşı xatırlayıram, Xalq şairi Zəlimxan Yaqubun 65 illik yubliyi idi. N.Şəmsizadə və mən də rəsmi...
16 Mart 2026, 15:17
Əlövsət Ağalarov mərhum İlbər Ortaylıdan YAZDI
Əməkdar jurnalist Əlövsət Ağalarov görkəmli türk tarixçisi İlbər Ortaylı ilə bağlı xatirəsini bölüşüb.Citypost.az xəbər verir ki, Onun sözlərinə görə, alimlə görüş Bakı Beynəlxalq Kitab Sərgisi zamanı baş tutub. Həmin vaxt İlbər Ortaylı sərgi çərçivəsində Elçin Əfəndiyev və Rəşad Məcid ilə birlikdə Azərnəşr nəşriyyatının pavilyonunu ziyarət edib.Əlövsət Ağalarov bildirib ki, görüş zamanı qonaqları Kəlbəcərdən gətirilmiş İstisu ilə qonaq edib. Onun sözlərinə görə, türk tarixçisi sudan çox məmnun qalıb və ayrılarkən xüsusi təşəkkürünü bildirib.Ə.Ağalarovun sözlərinə görə, İlbər Ortaylı həmin suyun müqəddəs Zəm-Zəm quyusu suyunun müqəddəsliyinə bərabər olduğunu deyərək Kəlbəcərə getmək arzusunu dilə gətirib. O, Kəlbəcəri “möcüzələr diyarı” adlandırıb və yollar normallaşdıqdan sonra...
16 Mart 2026, 10:16
Seyran Səxavət: Ədəbiyyat, sevgi və “paralel reallıqlar”ın səksəninci mərtəbəsi
Bahəddin HƏZİ yazır.. 80 yaşlı cavan oğlan, Sizi təbrik edirəm! "Daha bir 80 il də yaşayın" desəm... sözümü yerə salmazsınız, doğrudurmi?! Bu esse də Sizə yubiley hədiyyəmdir. Bizimləsiniz...Ədəbiyyat-adamdan niyə "şübhələndim"?!Albert Eynşteyn: "reallıq - illüziyadır" desə də, hər halda real dünya var. Biz bu real dünyada yaşayırıq. İosif Brodskinin dediyi kimi, bütün gözəllikləri ilə yanaşı, çətinlikləri ilə də sevilməyə layiqdir bu dünya. Və... biz onu sevməyə məhkumuq. Bəlkə buna "xoşbəxt məhkumluq" da deyə bilərik. Əslində bütün sevgilərin anlamı elə budur - xoşbəxtliyə məhkumluq. Sən sevdiyin qədər xoşbəxt edirsən, sevildiyin qədər xoşbəxt olursan və əksinə. Bir anlıq qırağa çıxıb demək istəyirəm: azadlıqdan məhrum olunmaq ağır cəzadır,...
13 Mart 2026, 11:38
