Uşaqlarda sidik qaçırma: Nevroloq Qalib Əsədov izah edir  

Nevroloq Qalib Əsədov bildirir ki, uşaqlarda sidik ifrazı sistemi beynin nəzarəti altında fəaliyyət göstərir və bu proses iradi idarəetməyə bağlıdır.

Citypost.az xəbər verir ki, həkim bildirib ki, uşaqlarda sidik mərkəzi 5 yaşadək tam formalaşmadığından, bu yaşa qədər sidik ifrazının tam idarəsi mümkün olmur. 5 yaşdan sonra isə uşaqlar artıq sidiklərini iradə ilə tənzimləyə bilirlər.

Həkim qeyd edir ki, bəzi hallarda 5 yaşdan sonra da sidik qaçırma müşahidə oluna bilər. Bunun səbəbləri arasında:

Sinir sistemi xəstəlikləri – onurğa və ya beyin şişləri nəticəsində beyindən gələn siqnallar sidik kisəsinə çatmaya bilər;

Hormon pozuntuları – gecə sidik ifrazını tənzimləyən vazopressin hormonunun kifayət qədər sintez olunmaması, şəkərli və şəkərsiz diabet hallarında poliuri və gecə sidik qaçırma ilə nəticələnir;

Uroloji problemlər – bakterial infeksiyalar, uretrit və digər xəstəliklər;

Psixogen və stress faktorları – Q. Əsədovun sözlərinə görə, konfliktli ailələrdə yaşayan uşaqlarda sidik qaçırma halları normal ailələrdə yaşayan uşaqlara nisbətən 6 dəfə daha çox müşahidə olunur.

Nevroloq vurğulayır ki, gecə sidik qaçırma həm fizioloji, həm də psixoloji səbəblərlə bağlı ola bilər. Valideynlərə tövsiyə olunur ki, uşaqların bu problemləri ciddi qəbul olunsun və vaxtında mütəxəssislə məsləhətləşərək tibbi və psixoloji dəstək təmin edilsin.

Həmçinin oxuyun

"Bütövlük nəğməsi"  - Sayman Aruzun ŞEİRİ

DAHİ – Şəmsi Vəfadarın YAZISI  

Vüqar Qurbanovun gizli göstərişlərini Şahin Qurbanov icra edirmiş   

Həmid Herişçinin iç üzü açıldı