Cəfər Fətullayev: “Xalqın mənəviyyatı və qəhrəman övladlarımız unudulmamalıdır”

Niyə bu xalqın tanınmış  ziyalıları, adlı-sanlı  hər cür fəxri adlara layiq olan sənətkarları, mənəviyyatımız, mədəniyyətimiz, milli- mənəvi dəyərlərimiz, dini, əxlaqi ənənələr  haqqında   heç  nə danışmır, bütün münasibətlər, ənənələr  itir, batır, amma  onlar  susur. Sonra gec olar...Çox gec... 

Ulu Öndər Heydər Əliyev dövlətçiliyimizi qoruyaraq, dövləti  və xalqı parçalmaqdan qorudu. Ulu Öndər  Heydər  Əliyevin siyasətini  siyasətini layiqincə yerinə yetirən Ali Baş Komandan İlham Əliyev illərlə həsrətlə gözlədiyimiz   hicrana son  qoydu.

Bizi  butün  dünyada Müzəffər Xalq, Qalib Xalq! kimi tanıtdırdı.Fikirləşirdim ki, müharibədən sonra ölkə rəhbərinə dəstək olaraq , hər vətəndaş öz vətəndaşlıq borcunu yerinə yetirəcək. Bu xalq  üçün, bu millət üçün  canından  keçən  övladların  xatirəsini uca  tutacaq, daim  tele-məkanlarda   qəhrəman  övladlarımızın  qəhrəmanlıqından  bəhs  edən müxtəlif   verilişlər hazırlayaraq, vətənpərvərlik  tərbiyəsinə  xüsusi  önəm  verəcək . Yeni bir nəsil yetişəcək, ağıllı, savadlı, yaradıcı, ixtiraçı, amma belə olmadı...

Çünki, məktəbdə müəllimlər, ailədə valideynlər gecə-gündüz çalışsalarda ,amma şagirdləri, övladları  onların arzuladığı nə şagird,  nədəki  övlad olmadı. Bəs  niyə  olmadı?  Həm  müəllimlər, həm valideynlər  çalışırlar  ki, cəmiyyətə, Vətənə layiqli  Vətəndaşlar  versinlər. Son illər  valideynlər məktəbə, müəllimlərə  aqressiv  münasibət bəslədilər. Təcrübəli, hörmətli, nüfuzlu müəllimlər  bəzən şagirdlər  tərəfindən  məsqərəyə qoyuldu, müəllim əsəbləşib şagirdə  söz  deyəndə,valideyn uşaqının müdafiəsinə qalxıb, aidiyyəti  qurumlara  müraciət  etdi.  qurumlar  işə qarışandan  sonra, illərin  müəllimi işdən  qovuldu. 

 Bəli,  müəllimin nüfuzun qorumaq  indi ən böyük  prblemlərdən  biridir. Görənsən  harda  səhv etmişik, harda boşluq  var,axı  müharibənin  agrısısını,acısını, şəhid dəfnlərin görən uşaqlar  belə  olmalı  deyildi. Müharibə bitəndən  sonra  şəhid  ailələrinə  mənə  dəstək  olmaq üçün  Lənkəran  şəhid övladlarını  Heydər  Əliyev  Mərkəzinə  toplayaraq, şəhid  övladlarından ibarət  “Cəfər  müəllimin  nəvələri” qrupu  yaratdım. Ataları  Vətənə  qurban gedən  şəhid  övladlarının  həyata, insanlara  baxışı tamam  başğadır. Vaxtından qabaq müdriklik  yaşına  çatıblar, saatlarla  onlarla  həmsöhbət  oluram, hamı dərs əlaçısıdırlar. Həmdə  Şəhid atalarına  layiq  övlad olmaq  üçün  gecə-gündüz   var  gücü  ilə çalışırlar. Sağ olsun, “ADA” Universitetinin  prorektoru, millət  vəkili  Fariz  İsmayılzadə mənim xahişim nəzərə  alaraq,   daim   şəhid övladları  ilə   əlaqə  saxlayır, onların  evlərində  qonaq  olur, dərsləri  ilə maraqlanır. Keçən il  şəhid övladlarının  ibarət  “Cəfər  müəllin  nəvələri “ qrupunun  iştirakı  ilə Lənkəran  Heydər  Əliyevin direktoru  Reyhanə  Sadıxovanın,Cəfər  Cabbarlı adına  1nömrəli  uşaq  musiqi  məktəbin  dəstəyi  ilə  “ADA” –Universitetində  “Xocalı harayı” bədii –kompozisiyanı   təqdim   etdik.

15 noyabr 2025-ci il tarixində Lənkəran şəhər Heydər Əliyev Mərkəzinin, Gənclərin İnkişaf və Karyera Mərkəzinin Lənkəran-Astara Regional nümayəndəliyinin və Lənkəran şəhər R. Məmmədov adına 5 nömrəli tam orta məktəbin birgə təşkilatçılığı ilə cənab Prezident İlham Əliyev tərəfindən şəhid Pəncəli Teymurova "Milli Qəhrəman" adı verilməsi ilə əlaqədar şəhidin ev muzeyində “Adın mübarək, Şəhidim!” adlı tədbir keçirdik.

Tədbirdə millət vəkilləri, Lənkəran şəhər Heydər Əliyev Mərkəzinin əməkdaşları, Lənkəran Dövlət Universitetinin müəllimləri, Lənkəran şəhər R. Məmmədov adına 5 nömrəli tam orta məktəbin direktoru və müəllim kollektivi, təhsil işçiləri, Astara rayonunun Əzərüd kənd sakinləri, şəhid ailələri, qazilər,  Şəhid   övladlarından  ibarət  rəhbərlik  etdiyim  “Cəfər   müəllimin  nəvələri” qrupunun  və ictimaiyyət nümayəndələri iştirak etdilər.

Milli Qəhrəman, şəhid Pəncəli Teymurovun qəbri ziyarət edildikdən sonra, əvvəlcə ərazi bütövlüyümüz uğrunda canlarını fəda edən bütün şəhidlərimizin əziz xatirəsi bir dəqiqəlik sükutla yad edildi. Ardınca Azərbaycan Respublikasının Dövlət Himni səsləndirildi.Lənkəran şəhər Heydər Əliyev Mərkəzinin direktoru Reyhanə Sadıxova çıxış edərək şəhid Pəncəli Teymurovun qəhrəmanlığını, Vətən uğrunda göstərdiyi fədakarlığı vurğuladı. Tədbirdə millət vəkilləri Fariz İsmayılzadə,Anar İskəndərli, Rəşad Mahmudov, Vasıf Qafarov və Məşhur Məmmədov.  Qafqaz  Müsəlmanları  İdarəsinin  Cənub  bölgəsi  üzrə nümayəndəsi  Hacı Sədi Axundzadə  çıxış  edib, qəhrəman  Pəncəli   Teymurovun  qəhrəmanlığından   danışdılar.

Bəli, millət  vəkili  Fariz  İsmayılzadə  daim bizim cağırışımıza  səs verir, şəhid  uşaqlarına  xüsusi  diqqət  yetirir. Keçən iln  yayında   Fariz  müəllim, şəhid uşaqlarından  ibarət “Cəfər  müəllimin  nəvələri” üçün  Lənkəranda  istirahət  mərkəzlərinin  birində   bir  həftəlik  peşəyönümü  ilə  bağlı   təlimlər   təşkil  etdi. Bu il  inşallah yayda  millət  vəkili  Fariz İsmayılzadənin  təşəbbüsü  ilə “Cəfər müəllimim nəvələri”iştirakı  ilə  Şuşa  şəhərində  “Şuşa sən azadsan!”adlı  bədii –kompozisiya  ilə  çıxış  edəcək.

Artıq  zaman yetişdi, uşaqlarımızın, övladlarımızın, onların   tərbiyəsini pozan tele –məkanlara,zövqsüz şou –verilislərinə, bayağı mahnılara , özünü çox ağıllı sayan dırnaq arası aparıcılara, Tik –Tok platformasında gecə-gündüz dilənnən, həm varlanan, həm gündəm olub, gənc nəslin tərbiyəsini  pozan insanların ümidinə buraxdıq övladlarımızı...

Axı, kimsə deməlidir?  Kim  deyəcək? Hanı  xalq  şairləri Bəxtiyar Vahabzadə, Xılil Rza Ulutürk,Zəlimxan Yaqub,hanı böyük  zəka  sahibləri, akademiklər  Ziya  Bünyadov, İqrar Əliyev, Bəkir  Nəbiyev, Xudu  Məmmədov, hanı  xalq  artistləri   Habil Əliyev, Hacıbaba  Hüseynov,Əlibaba Məmmədov?  hanı  ustadım  olmuş  xalq  artist  Həsən  Məmmədov,  Mikayıl  Mirzə?  Yoxdur...Olmayacaq...  Onları  yaratdığı  mənəvi xəzinə  naşı adamlar   tərəfindən  məhv  edilir. Onlardan  dərs almış,tələbələri abrına sığınıb, heç bir tele-məkanda yoxdurlar? Bu dırnaqarası aparıcılar, bu xalqın  böyüklüyünü, nəyə qadir oduğunu bilmədilər,və ya bilmək istəmirlər.

 Mən  böyük sənətkar, vətənpərvər ziyalı, xalq  artisti, poeziyanı biz  tələbələrə sevdirən, canı  və qanı ilə bizim ruhumuza  köçürən  Mikayıl  Mirzənun ruhu şad  olun!deyirən.

Çox güçlü  yaddaşı  olan, poeziya ilə  nəfəs  alan Mikayıl  Mirzə, xalq  şairi  Məmməd  Arazdan  yanıqlı-yanıqlı  şeirlərini ürək ağrısı  ilə   ifa  edərdi. Bu  həyəcanı, hissi  indi də yaşayıram.

Ustadımız   Mikayıl  Mirzə  deyərdi:  

 Bu millətə nə verdik ki?

Kimsə qapdı ziyasını,

Kimsə pozdu sırasını,

Duzla yuduq yarasını,

Xörəyinə duz vermədik.

Bu millətə nə verdik ki?

İnamını noxtaladıq,

İnadını axtaladıq,

Var-yoxunu qarmaladıq,

Bir çeynəm saqqız vermədik.

Bu millətə nə verdik ki?

Halal tikə qənddi, - dedik,

Yoxsuluna dərdli, - dedik,

Kasıbına mərddi, - dedik,

Mərd kasıba qız vermədik.

Bu millətə nə verdik ki?

Çiyninə mindik, - öyrəşdi,

Bir dillə min dil öyrətdik,

Neçə fəndi-fel öyrətdik,

Milyon aldıq, yüz vermədik.

Bu millətə nə verdik ki?

Biz səhv etdik, batdı qana

Millət ata, millət ana,

İllacı qalsın bir yana,

Dərdi də ucuz vermədik.

Bu millətə nə verdik ki?

Bu millətin səbri böyük,

Dözür: dözüm həddinəcən,

Dözür: dözüm səddinəcən,

Dözür: dözüm xəttinəcən...

 Və günlərlə   ürəyimdə keçənləri,qubar  edənləri  kimə  deyəydim ki,  kim eşidər ki?  Bu  günlərdə dəyərli sənətkar,  klarnet ifaçısı Hüseyn  qardaşımızın  sənət adamlarına  müraciəti  qarşımıa çıxdı. Şükür Allaha, xalq  hər şeyi  görürmüş, amma, kimsə deməli  idi. Bütün  məsuliyyəti öz üzərinə götürərək, açıq –saqçıq hər kəsə öz adım ilə müraciət  etdi. 

Əziz və  dəyərli  Hüseyn qardaşım! 

iİlər keçəndə  sonra , indi sosial şou verilişlərin  bərpa  olunması üçün  çalışanlar, xalqın mənəviyyatından, mədəniyyətindən  xəbəri olmayan  aparıcıların müdafiəsinə  qalxanları  çox  böyük nifrətlə yada salacaqlar.

Amma, Siz  xalqımızın  yaddaşımına  övladlarımızı  böyük bəlalardan xilas edən  bir Şəxsiyyət! Bir İnsan olaraq, qalacaqsınız. Hər şeyə  görə öz  adımdan  və    dəstəkləyib  rəy yazan  insanlar  adından  təşəkkürümü  bildirirəm!

Həmişə  öz-özümlüyümdə fikirləşirdim ki, xalqımızın nənəvi xəzinəsi olan  bəstəkarlardan Üzeyir Hacıbəyovun, Müslüm Maqomayeavun, Fikrət Əmirovun, Tofiq Quliyevin ruhunun  “müqqənciklər” incitmirmi? Böyük bir sərvəti, böyük bir xəzinəni  qoyub  getdilər bəstəkar  babalarız.Çox primitiv bəstələrinizlə yaman-günə qoydunuz, mədəni –mənəvi  sərvətimizi Bu xəzinəni  gələcək  nəsillərə  siz  qorumalı idiniz, amma Siz nə etdiz? Heç düşünürsüz  ki, bu  xalqa necə zərbə  vurdunuz İstər TV -məkanında, tədbirlərdə, toylarda, şou-məkanlarda, restoranlarda, sadəcə ayıbdır, çox  ayıb..Niyə biz  bu günlərərə qaldıq? Niyə?

Axı, bu xalqı uçruma  aparırsınız, bu mədəniyyət  və mənəviyyatla. Dövlətin bütün imtiyazlarından istifadə edib, ən  ali mükafat alanlar  niyə bir həyəcan siqnalı çalmadınız? Niyə?

Axı, nə vaxta  qədər  sənət adamları  bir –birini  qıracaqlar?

Allah,Ulu Öndər Heydər Əliyevi qəni-qəni rəhmət eləsin, o xalqımızın  müsbət  və mənfi tərəflərini  çox  gözəl  bilirdi.

1991-ci il dekabrın 16-da Naxçıvan Muxtar Respublikası Ali Məclisinin sədri Heydər Əliyevin təşəbbüsü ilə azərbaycanlıların milli birlik şüarının simvolik günü olaraq  Dünya Azərbaycanlılarının Həmrəyliyi Günü hər il dekabrın 31-də  vətənpərvərlik və milli-mənəvi dəyərlərə hörmət rəmzi kimi qeyd olunur. Ümummilli Lider Heydər Əliyevin Azərbaycan xalqı qarşısındakı xilaskarlıq missiyasının mühüm nəticələrindən biri də onun Azərbaycan  xalqının  ağır böhrandan qurtarması oldu. 

 Onun rəhbərliyi ilə Azərbaycanın hərbi təhlükəsizliyinin, müstəqilliyinin və suverenliyinin zəmanətçisi olacaq ordunun formalaşdırılmasının dövlət səviyyəsində, mərkəzləşdirilmiş şəkildə həyata keçirilməsi üçün qəti və təxirəsalınmaz tədbirlər müəyyənləşdirildi. Xalqın və ölkənin bütün imkanları bu mühüm prosesə səfərbər edildi, ordu quruculuğu zərərli sapınmalardan təmizləndi. Bu proses dövlətçilik təcrübəsi və milli maraqlar üzərinə gətirildi və bununla da Silahlı Qüvvələrimizin quruculuğunun keyfiyyətcə yeni dövrü başlandı. Həmin dövrün başlanğıcının əsasını isə Heydər Əliyevin Azərbaycan xalqına radio və televiziya ilə 1993-cü il 2 noyabr tarixli müraciəti qoydu. Heydər Əliyev yaranmış vəziyyətin tezliklə aradan qaldırılması üçün, ilk növbədə, üzünü xalqa tutaraq onu səfərbər olmağa çağırırdı. Ulu Öndər qeyd edirdi ki, Azərbaycanın gələcək taleyi, mövcud olub-olmayacağı xalqımızın öz əlindədir və düşmənin işğal etdiyi torpaqlarımızı da azərbaycanlılardan başqa kimsə azad etməyəcək. O, yeni ordu qurulmasının və bunun Azərbaycanın ərazi bütövlüyü uğrunda aparılan döyüşlərə səfərbərliyinin mühüm şərtlərindən birini xalqın mübariz iradəsində görürdü.”Prezident, Ali Baş Komandan İlham Əliyevin respublikaya rəhbərliyi dövründə isə bu uğurlar daha böyük sürətlə artdı. Azərbaycan Silahlı Qüvvələri bölgənin lider ordusuna çevrilməklə, həm də dünyanın ən güclüləri sırasında yer aldı. Məhz Heydər Əliyevin 1993-cü il 2 noyabr tarixli müraciətindən sonra yenilənməyə başlanan bugünkü Azərbaycan Ordusu respublikanın ərazi bütövlüyünü və bütün ərazilərdə ölkəmizin suverenliyini təmin edən Silahlı Qüvvələrə çevrildi. 

Bəli, Qalib  Ölkənin qalib  Vətəndaşlarıyıq!

 Vətəndaş! Nə gözəl səslənir bu söz,

Yəni – bir Vətənin övladıyıq biz.

Anamız eynidir, qardaşıq demək,

Mən sənə arxayam, sən mənə kömək.

Vətəndaş! Nə gözəl səslənir bu söz,

Yəni – iki canda bir ürəyik biz.

Gücsüzük, bir heçik sən də, mən də tək,

Vətənə güvənib olduq Vətəndaş.

Mənim ürəyimi qanatsın gərək,

Sənin dırnağına dəyən çırtma daş.

Vətəndaş! Nə gözəl səslənir bu söz,

Yəni – bir iqlimdə böyümüşük biz.

Səni də, məni də böyüdən Vətən,

Sənə də anadır, mənə də ana.

Sən də cavabdehsən, mən də hər zaman

Vahid anamızın xoşbaxtlığına.

Vətəndaş! Nə gözəl səslənir bu söz,

Yəni – bir qaynaqdan su içmişik biz.

O su qəlbimizdə coşdu, qaynadı,

Eyni bir ad ilə tanıtdı bizi.

Vətənin ünvanı, Vətənin adı

Bizə xatırlatdı vəzifəmizi!

Vətəndaş! Nə gözəl səslənir bu söz,

Vətən əbədidir, gedəriyik biz.

İnsan qüvvətlidir öz vətənində.

Bilirik, dünyaya biz niyə gəldik.

O, bizi yaradan, biz ona bəndə,

Yaradan uğrunda ölməyə gəldik.

İllərlə (düz 40 il) Lənkəranda və ölkəmizin  ayrı –ayrı şəhərlərində mənim  ssenarim, rejissorluğum və təşkliatçılığımla müxtəlif  mədəni –kütləvi,  yubiley  tədbirlər keçirdim. 

Bir vətəndaş  olaraq məsuliyyətlə, vicdanla, təmənnasız, yuxusuz gecələrim hesabına,yorgun fasiləsiz işlədim,bəzən dostlar dedilər  ki, sən hər cür təltifə, ada layiqsən, niyə əlqədar təşkilatara müracət etmirsən.Dostlara dedim ki,  vətəndaş olaraq  əlimdə bu gəlir, onu  edirəm.Bu mənim  vətəndaşlıq  borcumdur!  

Haşiyyə: Lənkəranda İcra  Hakimiyyətinin başçıs işləmiiş  bütün  dövlət  məmurlarında  daim Fəxri Fərmanlar, qiymətli  hədiyyələr  verilib. Sağ olsunlar! 

Ustadım  Mikayıl  Mirzə  hər gün  bir şeir  bizdən soruşardı, Allah qəni-qəni rəhmət  eləsin Mikayıl  Mirzəni. Yaddaşımızda  poeziya   toplusu yarada bilmişdi.Çox  sevdiyim, Xalq şairimiz  Məmməd Araz  yazır:

Heç bir mükafatın yetmədi mənə,

Bircə "sağ olun" da bəsimdi, vətən!

Bəsimdir, hər səhər təltif yerinə

Qapımda küləyin əsibdi, vətən!

Qol verdin boynunu qucaqlamağa,

Göyünə baxmağa göz verdin, bəsim...

Kürək söykəyənin ana torpağa

Haqqı yox ayrı bir təltif istəsin.

Nə çiçək, nə sancaq oldum yaxanda,

Bir ömür yaşadım - əkinçi ömrü.

Qalır sel ağzında, çay qırağında

İkinci həyatım, ikinci ömrüm.

Nəsə qayalara yapışıb qalar,

Nəsə mamırlara dönüb göyərər,

Mən elə beləcə, göz qabağında

Gəzəri tabuta dönməsəm əgər...

Mən  də Vətənimi   ölməz  Məmməd  Araz kimi  sevdim.Heç kimdən soruşmadım, Vətən mənim üçün nə edib? Özümə sual verdim ki, mən Vətən üçün nə etmişəm?

Əgər mənim işimə qiymət  vermirlərsə, demək hələ bu Vətənə layiqli  övlad   olmamışam. 2020-ci  il Vətən müharibəsi  dövündə   hərbi  komissarlğa müracət etdim, məni cəbhəyə aparsınlar,yaşla əlaqədar aparmadılar.Müharibədə sonra canını  Vətənə  qurban  etmiş oğullarımızın  xatirəsini  uca tutaraq, saysız –hesabsız anım tədbirləri keçirdim, feyz və yutubdə paylaşımlar etdim. Amma, bəyənnənlər çox az  oldu, hətta  rəhmət  diləyənlərdə   az oldu. Mən Vətən Müharibəsindən  sonra tamam  yeni  nəsil görmək  istəyirdim, Qəhrəman Xalqın, Qəhrəman Övladları! kimi. Axı, onlar  bizim üçün,əziz canından keçdilər, nə ev, nə ailə, nə var dövlət  fikirləmədilər. Öncə Vətən  dedilər:

Dövlət  Himnimizdə  deyildiyi kimi:

 Azərbaycan! Azərbaycan!

Ey qəhrəman övladın şanlı Vətəni!

Səndən ötrü can verməyə cümlə hazırız!

Səndən ötrü qan tökməyə cümlə qadiriz!

Üçrəngli bayrağınla məsud yaşa!

Minlərlə can qurban oldu!

Sinən hərbə meydan oldu!

Hüququndan keçən əsgər,

Hərə bir qəhrəman oldu!

Sən olasan gülüstan,

Sənə hər an can qurban!

Sənə min bir məhəbbət,

Sinəmdə tutmuş məkan!

Namusunu hifz etməyə,

Bayrağını yüksəltməyə,

Cümlə gənclər müştaqdır!

Şanlı Vətən! Şanlı Vətən!

Azərbaycan! Azərbaycan!

Azərbaycan! Azərbaycan! 

Bəli,onlar “Namusumuzu  hif etməyə, Bayrağımızı  yüksətməyə!” getdilər.

Biz  isə Ali Baş  Komananda  İlham  Əliyevin   böyük sərdərdəlik  qabiliyyəti ilə  “Dəmir yumruq” əməliyyatı ilə  Qələbə qazandıq. Qələbədən  sonra Azərbaycan  tele-məkanında görünməyən  məkirli –siyasət   həyata  keçirildi. Dedi –qodular, bayağı  mahnılar  üstündə  məhkəmə  çəkişmələri, əndərbani  geyimlər, mədəniyyətsiz  hərəkətlər, efir mədəniyyətindən   uzaq  müştəbeh   sensurasız   çıxşları,kobud  danışıq  tərzi, ancaq   ailəsi haqqında  uzun –uzadı  yorucu  söhbətlər, biz  taşaşaşıların   icazəsi  olmadan,  efir  vasitəsilə  evimizin, ocağımızın  başına  gələn, özünü  ağıllı  sayan, daim  dəvət  etdiyi qonaqları,eyi  zamanda   evində  oturub onları  seyr  etməyə  məcbur  edən  tamaşaçını  təhqir  edən  dırnaqarası  aparıcılar  və  bayağı  verilişlər. Allah, Xalq  artist  Azərbaycan tele –məkanın  ustad  aparıcı Rafiq  Hüseynovu efirlərdə  görən tamaşaçılar, bunları görəndə  televiziyalardan  küsdülər...

Axı, bi  hara  gedirik? Necə olacaq  bizim  axırımız? Daim  bu suallar  məni  düşündürür... Dərdimi kimə   deyim, dünya  dolu adamdır.

Xalq  şairi Bəxtiyar  Vahabzadə demişkən  “Hara gedir sabahimiz?”

Uzun illər düşünmüşəm:

Millətlərin cərgəsində biz də varıq.

Yurdumuza qəsd edənin

Gözlərini oyanlarıq.

Biz o qədər nəcibik ki,

Bir balaca işarədən söz anlarıq.

Haqla zoru ayırd edib

öz yerinə qoyanlarıq...

***

Millətimin taleyini

Mən düşündüm zaman-zaman.

Keçdi zaman, keçəmmədik

Gördüm, əsrin sınağından

zaman yaman harın imiş.

Demə, əsrin şadarası

narından da narın imiş.

Keçəmmədik o taya biz.

Şadarada qaldı bütün kəsirimiz.

***

Əsrin böyük sınağına

Demə, hazır deyilmişik.

Yoxuşu düz yol bilmişik.

Indi ulu Yaradandan soruşuram:

- De, kimik biz?

Məzlumuq, ya zalımıq biz?

Vaxtla tələb arasındaBəlkə bir gün dolaşmışıq,

Vaxtın hansı döngəsində biz

qalmışıq?

Daş üstündə göyərməyən bir tumuq biz.

Özümüzə zalım ikən,

Başqasına məzlumuq biz.

Əldən gedən torpaq üçün

ürəyimiz çilik-çilik.

Zalım bizdən torpaq alıb,

Biz zalımdan sülh istərik.

Özümüzə dal çevirib

Özgəsinə qardaş dedik.

Biz yalanı körükləyib

Həqiqətə çıxdaş dedik.

***

Özgəsini yamsılayıb elə bildik:

Biz də dönüb ərən olduq.

Sərdiyimiz toxumların meyvəsini

Qarabağda dərən olduq.

***

Biz köhnənin xəstəsiydik,

Mərəzimiz bəlli idi

Sabirlərə, Cəlillərə.

Yaramızdan qan açıldı

Qarabağda birdən-birə.

***

Mədəmizi ağlımıza

Dəyişməyi şərə sandıq. 

Özgəsinin qabağında toyuq olub

Evimizdə xoruzlandıq.

Qonşumuzun aclığını

Bilib rahat yatırıqsa,

Ləyaqəti, dəyanəti

Vəzifəyə satırıqsa,

Dostumuzdan donos yazıb

Arzumuza çatırıqsa,

Demək, bizdən üz döndərib

Allahımız,

  Bəli, hamını  düşünsürən  sualdır “Hara gedir sabahımız?”

Azərbaycan  TV- məkanlarında, Tik-Tok platformasında məşhurlaşanlar, varlananlar  xalqımızın mənəvi, əxlaqı, dini dəyərlərə rişxənd etdilər. Vətən müharibəsi  sonrlarinda  hamımız   Azərbaycan televizyalarından  cəbhələrdən  son xəbərlərə, həmin dövründə vətənpərvərlik   ruhunda  olan  sosial  verlişlərə baxırdıq. Ali Baş Komandan, ölkə Prezidenti  cənab  İlham Əliyevin  diplomatik  koprusunun nümayəndələri  ilə görüşləri , müxtəlif ölkə media qrumların nümayənələrini   qəbul  edib, onların  məkirli suallarına peşəkar və təcrübəli  dövlət  başçısı  kimi cavab  verməyi, bir vətəndaş kimi   bizi   sevindirdi. Böyük sərkərdə həm Qarabağda  döyüşə   nəzarət  edir, qələbələr  əldə  edilir, həmdə diplomat və  jurnalistlərlə Azərbaycanın  haqlı olduğunu   faktlarla  sübut  edirdi.Televiziyada  müxtəlif kanallarda  yeni  informasiya  axtararkən, sosial  verilişlərin birində tele –məkanda  özünü “hegomon”  sayan tele-aparıcı  informasiya verib deyirdi: “...Hətta  Vətən  müharibəsində  talışlar   vuruşurdu...” Bu informasiyanı eşidəndə heyrətdən dondum, evdə tək idim, heç bilmədim, hirsimi necə soyudum. Gücüm televizora  çatdı, həmin  anda televizoru həyətə tulladım, o  gündən  Azərbaycan  tele –məkanına  heç  bir  verilişə  baxmadım. Axı, mənim valideynlərim talış olaraq, bu  Vətəni  sevməyi öyrədiblər! Gərək, o qədər kar və  kor olasan, Vətənin  qəhrəman  övladlarını  tanımayasan. 

Hörmətli  aparıcı, əsilli –nəsilli talış  olan, 2dəfə  Sovet  İttifaqı  Qəhrəmanı, general –mayor Həzi  Aslanov, Mill Qəhrəmanlar  Mübariz  İbrahimov,Pəncəli  Teymurov, general-mayor Fikrət  Məmmədov,  xalqın  igid oğlu  kimi hamının  hörmətini qazanmış  general –polkovnik  Hikmət Mirzəyev (2016-cı ilin aprelində və 2020-ci ildə Dağlıq Qarabağda aparılan hərbi əməliyyatların rəhbərlərindən olmuşdur. O, bundan öncə Cəbrayıl rayonunun 27 il davam edən işğaldan azad edilməsi əməliyyatına başçılıq edib. Bu münasibətlə dövlət başçısı Hikmət Mirzəyevə zəng edərək onu təbrik etmişdir.2016-cı ilin Aprel döyüşlərində işğal edilmiş torpaqların azad edilməsində əsas rol oynayan xüsusi təyinatlılar 2018-ci ildə Ordunun 100 illiyi münasibətilə keçirilən hərbi paradda general Hikmət Mirzəyevin başçılığı altında keçiblər.)Həmişə pafosla danışan, tele –məkanda  peşəkar rejissor kimi  şou  yaradan,  bu  aparıcı sonrakı aylarda bir tamaşaçı olaraq, məndən  saysız –sesabsız  Vətənini  sevən  və həmişə xalqının yolunda  canından  keməyə hazır  olan  tamaçılardan  üzür  istəmədi...Hələdə həmin üzrü səbirsizliklə gözləyirəm. Amma, sonrakı aylarda bir Lənkəranlı onu həyat yoldaşı  ilə  evinə qonaq  çağırdı və onu  talışlara  məxsus  qonaqpərvərliyi ilə  yola  saldı. 

Haşiyyə: Mən ömrümün 20 ilini  Bakı şəhərində  yaşadım, bu illər ərzində  Bakı  Mədəni Maarif  Texnikomunun “Kütləvi tədbirlər rejissorluğunu” fərqlənmə  diplomu ilə, daha  Azərbaycan Dövlət  Mədəniyyət və İncəsənət   Universitetinin  “Mədəni-Maarif  işinin təşkilatçı metodisti” fakültəsini, Azərbaycan Müəllimlər İnstitutunu bitirdim. Tələbəlik  illərində müxtəlif məzmunlu və formalı tədbirlətin təşkilatçısı  və ssenari müəllifi və rejissoru oldum.

İndi vəziyyətdə nə mədəniyyətimizi  və mənəviyyatımızın tənəzüllə ugradığı  görmədik. Axı  bizim bu Vətən uğrunda canından keçən  şəhid övladlarına nənəvi və vicdani  borcumuz  var. Bu arada qeyd  edim ki, Lənkəranda aprel döyüşlərində, Vətən müharibəsində, anriterror əməliyyalarında həlak  olan 80 –dən şox  şəhidin xatirəsi  Lənkəran şəhər  İcra  Hakimiyyətinin başçısı Taleh Qaraşov tərəfində  həmişə  yad  edilir, müxtəlif silsilə anım tədbirləri keçirilir. Daim  ölkə Prezidenti  İlham Əliyevin  siyasətini  layiqincə  həyata keçirən, həmişə xalqla  ünsiyyətdə  olan, vətəndaşların rifah  halını yaxşı  olması  üçün çalışan, təcrübəli  və  yerində olan Lənkəran  şəhər  İcra  Hakimiyyətinin  başçısı  Taleh   Qaraşovun natiqlik qabiliyyətinə, Vətənsevərliyinə,Ziyalılığına  heyran  olmuşam. Vətən müharibəsindən  sonra Lənkəran Şəhər İcra Hakimiyyətinin baçısı cənab Taleh  Qaraşovun  rəhbərliyi ilə şəhidlərin anım günlərində  iştirak etdik, Hörmətli Taleh müəllimin istəyi ilə şəhidlərə həsr  olunmuş  saysız- hesabsız  anım tədbirlərin, xatirə bulağların, şəhid muzeylərin, xatirə komplekslərin açılışıların ssenari müəllifi, rejissoru  oldum.Hörmətli Taleh müəllim, daim şəhid  ailələrin yanında  olur, ağır günlərdə dərdlərinə şərik olub kədərlənir, şəhidlərin qardaş,bacıların  toyunda sevinir, xeyir-dualar verir. Şair  Azad Rəhmanov  Lənkəran  ŞİH-başçısı Taleh  Qaraşova həsr  etsiyi şeirdə  yazır:

Səsim   dalğalansın yudumda  mənim,

Qələm qəlb isitsin, sevinsin ürək.

Adına  bağladım  mən bu şeirimi

Bu məğrur  insani  vəsf  edim  gərək .

 Sümşad  bir  palıdam, dəmir ağacam,

Böyük  vətənimdə  adım-sanım  var .

Qanad istəyirəm  quş kimi  uçam,

Bu yurdda  Həzitək  qəhrəmanım var .

Bir  yanı cənnətdir,bir  yanı gülüstan,

Düşübdür  bir  halal  ocağa  Taleh!.

Çiçəkli  yurduma təzə  verir  can,

Verib  sinəsini qabağa  Taleh! .

Sən  baş əyməmisən düşmənə,yada,

Şəninə  nə desəm, azdı  Lənkəran!

Babəklər,Həzilər  gəzən bu yurdda

  Taleh da adını  yazdı Lənkəran!

İllərlə  bütün varlığımla  şəhidlərimin xatirəsini əziz tutdum,

nəticəsi o  oldu ki, 15  il  mədəniyyət  sahəsində çalışan  həyat yoldaşımı işdən  çıxardılar. Taleh müəllim eşidən kimi  reaksiya  verdi, zəng elədi Lənkəran Regional Mədəniyyət  İdarəsinin əvvəlki  müdirinə, söz  verdilər işə bərpa  edəcəklər. Amma, bərpa  olunmadı????

Vallahi- billahi, əksər cənub  bölgəsinin  millət vəkilləri ilə  xoş münasibətim  var, Lənkəranda  işləmiş  İcra başçılarının  daim qapısı üzümə  açıq  olub, amma  heç kimdən, heç nə  xahiş  etmədim. 40 ildir  müəllim əmək  haqqınmla  tikdirdiyim evi tamamlayıb, qutara  bilmədim...Bəzən, öz-özümə  deyirəm,”Elmədiklərim, yandırır məni” Dövlət  tədbirlərin hazırlayanda  müxtəlif  tədbirlıərə xalq  artistləri, əməkdar artistlər   dəvət olunurdu. 2 və ya 3 mahnı fanoqrqmma ilə oxuyurdular, 2 və 3min manat  alıb gedirdilər. Mənə isə deyirdilər, “Xan Lənkəranının” dəyərli ziyalısınız çox  sağ  olun. Bütün əziyyəti və məsuliyyəti mən çəkirdim, amma, mənə quruca  çox sağ  olun deyirdilər. Mən özəl  xəstəxanada yatanda nə mənə verilən fəxri  fərmanlar, nə də “çox sağ ollar “  köməyə  çatdı. Bir daha  hamıya bəyan edirəm, mənim vəzifə   borcum  deyil  tədbirlər keçirmək, artıq  pensiyadam  dəyərli  Lənkəran şəhər  İcra  Hakimiyyətinin  başçısı Taleh Qaraşovun  daim  işgüzar və Lənkəranın  inkişafı naminə çalışdığını  görüb məndə  bu cür  dəstək olmaq  istədim. Bəlkədə  iki infaktdan sonra birinci   və axırıncı yazım  olacaq. Sağ  olsunlar, şəhid  valideynləri, şəhid övladları Sizi dualarınızla  yenidən  qayıtdım.İndi də “Cəfər  müəllimin nəvələri”nin sözləri qulağımda  səslənir.Mən xəstə yatanda  zəng  edib, bizə  gəlmək istədiyini bildirdilər. Mən  onlara  dedim, həkimlər icazə   vermir. Bilirsiz, şəhid yadigarları mənim “Cəfər müəllimin  nəvələri” telefonda   kövrələrək  dedilər”Cəfər müəllim, biz  atamızı  Vətənə qurban verdik, ən çətin məqamda   bizi toplayaraq, mənəvi dəstək oldun. Biz  atamızı itirdik,Səni  itirmək  istəmir ki...”  Mən isə onlara  dedim ki, çoxluca  dualar  edin ki, sağalım. Əgər dularınızı Allah eşitsə , yenədə Sizin yanınızda  olaram.” Şükürlər  olsun Allaha, sağalıram. Yenidə şəhidlərimizin  xatirəsini  uca  tutduq, Heydər Əliyev  Mərkəzi  və Lənkəran  Təhsil Sektorunun dəstəyi  ilə “Məktəbimizin  şəhidi “adlı layihəyəyə start verdik.   Bu  Vətəni mən təmənnasız, Fəxri adlar  üçün,pul, mükafat  üçün deyil, adi  Vətəndaş kimi  sevirəm!

Yadıma  düşmüşkən  deyim, bir arada televiziyaların  birində

 bat formasında Mirzə Cəlil dahidirmi?, Sabir dahidirmi? Rəşid Behbudov dahidirmi? Cingiz Abdullayev dahidirmi? hələ bunlar azmiş kimi Tik-tok platformasında Milli Qəhəman Mübariz İbrhahimov və digər şəhidlərimiz  haqqında qarayxaxma  kompaniyası başladı. Axı biz niyə bu gün qaldıq, Allahim!

Ürəyi yanıqlı  Mirzə  Ələkbər Sabir yazır:

Daş qəlbli insanları neylərdin, ilahi?!

Bizdə bu soyuq qanları neylərdin, ilahi?!

Artdıqca həyasızlıq olur el mütəhəmmil,

Hər zülmə dözən canları neylərdin, ilahi?!

Həyasızlıq,abırsızlıq  gün-gündən artdı... Toylarımız və dini məcislər israfçılıq, “Qonşudan qalma dala” əndərbani qaydalarla  idarə olundu.Hətta, toylarda son vaxtlar bəy-gəlin “Vağzalı№ havası ilə məclisə daxil olmurdular.

Dini məclislərdə şəhidin  anım  günündə  şəhid   haqqında  heç bir məlumat verilmirdi.

Bütün  bunları  nəzərə  alaraq, milli –mənəvi dəyərlərimizi qorumaq,toy-adətimizi gələcək  nəsillərə layiqincə  çatdırmaq, şəhidlərimizin xatirəsini daiım  uca  tutmaq, şair və yazıçıların  xatirə gecələrini, yubiley tədbirlərini, kitab  təqdimatlarlarını  keçirmək, istedadlı gəncləri  tanıtmaq  və  digər  layiqli layihələri  həyata  keçirmək istəyi ilə “LƏNKƏRAN  XƏZİNƏSİ” adlı yutub  kanalımızla  fəaliyyətə başladıq. Çox işgüzar və yaradıcı komandamız  var, tədbirlərin və çəkilişlərin  ssenari müəllifi və  rejissoru, Azərbaycan Teatr Xadimləri  İttifaqının  və Jurnalistlər  Birliyinin üzvi, ssenarist və rejissor   Cəfər  Fətullayev, operator və montaj Tural Əliyev, aparıcı  Lənkəran Dövlət  Universisitetin  tələbəsi Xamımgül  Bəşirova

Döstlar  bizimlə əməkfaşlıq  edin! 

                                             CƏFƏR    FƏTULLAYEV.

                Azərbaycan  Teatr  Xadimləri  İttifaqının, Jurnalistlər  birliyinin üzvü.

Həmçinin oxuyun

Bir sıra birinci instansiya məhkəmələrinə hakimlər təyin edilib - SİYAHI 

Prezident İlham Əliyev: Azərbaycan enerji ehtiyatlarının etibarlı tranziti ölkəsi rolunu oynayır 

Hacıbaba Bağırovun ailə həyatı barədə açılmamış sirlər  

Vüqar Qurbanovla iş birliyində olmuş baş həkim kimdir ?