Analiz vermədən qəbul oluna bilən vitaminlər hansılardır?
Tibb 30 Aprel 2026, 14:00
328
Bəzi hallarda insanlar vitamin qəbul etmək istəsələr də, əvvəlcədən laborator analiz verməyə üstünlük vermirlər.
Citypost.az-ın məlumatına görə, mütəxəssislərin fikrincə, bu zaman nisbətən təhlükəsiz hesab edilən və geniş istifadə olunan bəzi vitamin və minerallar mövcuddur, lakin yenə də dozaya diqqət vacibdir.
Ən çox tövsiyə olunanlardan biri Vitamin D-dir. Adətən gündə 1000–2000 IU aralığında qəbul edilən bu vitamin sümüklərin sağlamlığına, dərinin və saçların vəziyyətinə müsbət təsir göstərir.
Eyni zamanda immun sistemin dəstəklənməsində və hormonal balansda rol oynayan vacib bir prohormon kimi çıxış edir.
Digər mühüm əlavələrdən biri Omega-3 yağ turşuları-dır. Balıq məhsullarını az qəbul edən insanlarda Omega-3 ürək-damar sağlamlığını dəstəkləyir, beyin funksiyalarına müsbət təsir göstərir və orqanizmdə iltihabi proseslərin azalmasına kömək edir. Həmçinin “pis” xolesterinin azalmasına dəstək verə bilər.
Üçüncü vacib komponent isə Maqnezium-dur. Bu mineral sinir sisteminin normal fəaliyyətini tənzimləyir, yuxu keyfiyyətini yaxşılaşdırır, əzələ gərginliyini azaldır və enerji metabolizmasında iştirak edir. Bundan əlavə, Vitamin D-nin orqanizmdə aktiv formaya çevrilməsi üçün də maqneziuma ehtiyac var.
Həmçinin oxuyun
Bəzi preparatlarda, məsələn Maqnirot kimi əlavələrdə maqnezium orot turşusu ilə birləşdirilərək hüceyrə səviyyəsində daha yaxşı sorulmaya dəstək ola bilər.
Nəticə olaraq, bu əlavələr ümumi dəstək məqsədilə istifadə oluna bilsə də, mütəxəssislər uzunmüddətli və düzgün doza seçimi üçün fərdi yanaşma və həkim məsləhətini vacib sayırlar.
Yeganə
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Əlləri tez-tez yumaq həmişə faydalıdırmı?
Əllərin yuyulması gigiyena və infeksiyalardan qorunma baxımından ən vacib vərdişlərdən biridir.Citypost.az xəbər verir ki, gündəlik həyatımızda əllərimiz çoxsaylı səthlərlə təmasda olur və bu zaman müxtəlif bakteriya və viruslar dəriyə keçə bilir. Xüsusilə yeməkdən əvvəl, tualetdən sonra, ictimai yerlərdən gəldikdə və xəstə insanlarla təmasdan sonra əllərin yuyulması infeksiyaların qarşısını almaqda mühüm rol oynayır.Lakin bu faydalı vərdişin həddindən artıq tətbiqi də müəyyən problemlərə səbəb ola bilər. Əlləri çox tez-tez və ya düzgün olmayan vasitələrlə yumaq dərinin təbii qoruyucu qatını zəiflədir. Nəticədə dəri quruyur, çatlayır və qıcıqlanma yaranır. Bu zaman dəri daha həssas olur və əksinə, mikrobların daxil olması üçün daha əlverişli mühit...
30 Aprel 2026, 08:52
Sızanaqları sıxmaq niyə təhlükəlidir? – Mütəxəssis rəyi
Sızanaqları sıxmaq geniş yayılmış vərdişdir, lakin mütəxəssislər bunun dərinin vəziyyətini daha da ağırlaşdırdığını bildirirlər. Citypost.az-ın məlumatına görə, sızanaq əslində dəri altında gedən iltihabi prosesdir və onu sıxmaq bu iltihabın ətraf toxumalara yayılmasına səbəb olur.Bu zaman yalnız mövcud sızanaq yox, ətraf sahələr də zədələnir və yeni səpgilərin yaranma riski artır. Eyni zamanda, sıxma prosesi dəridə travma yaradır və nəticədə çapıq izləri və piqment ləkələri formalaşa bilər. Bu izlərin müalicəsi isə sızanağın özündən daha uzun və çətin olur.Mütəxəssislər vurğulayır ki, sızanaqların düzgün müalicəsi səbəbin müəyyən olunmasından başlayır. Dərinin təmiz saxlanması, uyğun qulluq vasitələrinin seçilməsi və lazım gəldikdə dermatoloqa müraciət edilməsi ən doğru yanaşmadır.Nəticə...
29 Aprel 2026, 13:22
Saç tökülməsi niyə artır? – Mütəxəssis rəyi
Son illərdə saç tökülməsi ilə bağlı müraciətlərin artması diqqət çəkir və mütəxəssislər bunu həm genetik, həm də həyat tərzi ilə əlaqələndirirlər. Ən çox rast gəlinən səbəblərdən biri androgenetik, yəni irsi tipli saç tökülməsidir. Bir çox insan düşünür ki, ailədə saç tökülməsi gec başlayıbsa, onda özündə də gec olmalıdır. Halbuki bu gün stres, qidalanma pozuntuları və ümumi həyat şəraiti səbəbilə bu proses xeyli erkən yaşlarda üzə çıxa bilir.Citypost.az-ın məlumatına görə, mütəxəssislərin fikrincə, genetik meyl varsa, onun aktivləşməsi üçün əlavə faktorlar da rol oynayır. Xroniki stres, hormonal dəyişikliklər, qeyri-düzgün qidalanma və yuxu rejiminin pozulması saç tökülməsini sürətləndirə bilər. Bununla yanaşı, hər saç...
29 Aprel 2026, 11:19
“Boğazımda nəsə var, amma udmur” hissi nədir? – Mütəxəssis rəyi
Bəzi insanlar tez-tez boğazda yad cisim varmış kimi hiss etdiklərini, lakin udqunma zamanı bunun keçmədiyini bildirirlər. Bu vəziyyət qida və ya su qəbulu ilə bağlı olmur və daha çox boğazda düyünlənmə, sıxılma hissi ilə özünü göstərir. Xüsusilə stress, həyəcan və emosional gərginlik zamanı bu şikayətlər daha da güclənir.Citypost.az-ın məlumatına görə, mütəxəssislərin sözlərinə görə, belə hallar çox vaxt Qloubus hissi kimi tanınan funksional pozuntu ilə əlaqəlidir. Bu zaman pasiyentdə real, yəni orqanik bir problem aşkar olunmur, lakin hisslər kifayət qədər real və narahatedici olur.Qeyd edilir ki, bu vəziyyət diqqət yayındıqda və ya istirahət zamanı azalır, lakin insan narahat olduqda və ya...
28 Aprel 2026, 12:17
Ağız qoxusu: səbəblər və həll yolları
Ağız qoxusu (halitoz) bu gün bir çox insan üçün həm tibbi, həm də sosial problemə çevrilib. Bəzi hallarda insanlar bu səbəbdən ünsiyyətdən çəkinir, hətta gündəlik fəaliyyətlərinə belə təsir göstərir.Citypost.az-ın məlumatına görə, mütəxəssislərin fikrincə, ağız qoxusunun təxminən 70%-i birbaşa ağız boşluğu ilə bağlı səbəblərdən qaynaqlanır.Ən çox rast gəlinən səbəblər sırasında diş çürümələri, diş əti xəstəlikləri və damaq problemləri dayanır. Bundan əlavə, ağız quruluğu da mühüm rol oynayır. Məsələn, burun çəpərinin əyriliyi və ya ağız açıq yatmaq vərdişi ağızda quruluq yaradır, bu da bakteriyaların çoxalmasına və xoşagəlməz qoxunun yaranmasına səbəb olur.Ağız boşluğundan kənar səbəblər də az deyil. Xroniki tonzillit, sinusit, burun-udlaq nahiyəsində...
28 Aprel 2026, 11:16
HPV: müalicə yox, nəzarət və qorunma vacibdir
İnsan papilloma virusu tam olaraq dərmanla orqanizmdən silinən virus deyil. Müalicə daha çox virusun yaratdığı fəsadların aradan qaldırılmasına və onun aktivliyinin azaldılmasına yönəlir. Burada əsas rol immun sistemin gücünə düşür.Citypost.az-ın məlumatına görə, əgər immunitet zəifdirsə, virus daha tez-tez aktivləşə və dəridə müxtəlif törəmələr (ziyillər və s.) yarada bilər. Bu səbəbdən:immunitetin gücləndirilməsi əsas prioritetdirtəkrarlayan hallarda dəri üzərindəki törəmələr mütləq təmizlənməlidirgigiyenik olmayan üsullardan (məsələn, ümumi istifadə olunan ülgüclərdən) uzaq durmaq lazımdırHəmçinin şəxsi münasibətlərdə də məsuliyyət önəmlidir. Virus bəzən heç bir əlamət vermədən də ötürülə bilər. Ona görə:yeni partnyorla münasibətdə məlumat vermək vacibdirqoruyucu vasitələrdən istifadə tövsiyə olunurTam qarşısını almaq hazırda mümkün olmasa da,...
27 Aprel 2026, 14:09
