Oynaq ağrısının növü bu xəstəliyin səbəbini göstərə bilər  

Mütəxəssislər bildirirlər ki, oynaq ağrıları hər zaman eyni səbəbdən yaranmır və ağrının xarakteri bir çox hallarda onun altında yatan xəstəliyin müəyyən edilməsinə kömək edir. Buna görə də ağrının nə zaman və hansı şəraitdə meydana çıxmasına diqqət yetirmək vacibdir.

Citypost.az xəbər verir ki, həkimlərin sözlərinə görə, ən çox rast gəlinən ağrı növlərindən biri hərəkətlə artan, yəni mexaniki ağrıdır. Bu tip ağrılar adətən oynaqların aşınması, artroz, menisk zədələnmələri və ya digər degenerativ problemlərlə əlaqədar olur. Belə ağrılar daha çox uzun müddət ayaq üstə qaldıqdan, çox hərəkət etdikdən və ya oynaqlara artıq yük düşdükdən sonra ortaya çıxır. Xəstə istirahət etdikdə ağrının azalması bu tip ağrıların əsas xüsusiyyətlərindən biridir.

Mütəxəssislər qeyd edirlər ki, mexaniki ağrılar zamanı düzgün diaqnozun qoyulması üçün rentgen, ultrasəs və ya maqnit-rezonans tomoqrafiyası kimi müayinələr tələb oluna bilər. Müalicə isə problemin səbəbindən asılı olaraq dərman preparatları, fizioterapiya, reabilitasiya proqramları və bəzi hallarda cərrahi müdaxiləni əhatə edə bilər.Digər geniş yayılmış ağrı növü səhərlər müşahidə olunan oynaq ağrıları və sərtlik hissidir. Bu zaman insanlar oyandıqdan sonra oynaqlarında hərəkət məhdudiyyəti, gərginlik və ağrı hiss edirlər. Bir müddət hərəkət etdikdən sonra isə şikayətlər azalır və ya tamamilə aradan qalxır.

Həkimlərin sözlərinə görə, bu cür əlamətlər daha çox revmatoloji xəstəliklər üçün xarakterikdir. Revmatoid artrit və digər iltihabi oynaq xəstəlikləri zamanı səhər sərtliyi və ağrı əsas əlamətlərdən hesab olunur. Belə hallarda xəstələrin revmatoloq müayinəsindən keçməsi, qan analizləri verməsi və uzunmüddətli müalicə alması lazım gələ bilər.

Həmçinin oxuyun

Şahin Qurbanovdan xəbər var...  

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Ən diqqət tələb edən ağrı növlərindən biri isə gecələr yaranan və ya gecə saatlarında güclənən oynaq ağrılarıdır. Mütəxəssislər bildirirlər ki, bu tip ağrılar bəzi hallarda daha ciddi xəstəliklərin xəbərçisi ola bilər. Xüsusilə səbəbi bilinməyən, uzun müddət davam edən və gecələr insanı yuxudan oyadan ağrılar diqqətlə araşdırılmalıdır.

Belə hallarda kompüter tomoqrafiyası (KT), maqnit-rezonans tomoqrafiyası (MRT) və digər görüntüləmə üsulları vasitəsilə ətraflı müayinələrin aparılması vacibdir. Çünki bəzi hallarda gecə ağrılarının altında şiş prosesləri və ya digər ciddi patologiyalar dayana bilər.

Mütəxəssislər vurğulayırlar ki, oynaq ağrısını sadəcə ağrıkəsici qəbul etməklə aradan qaldırmağa çalışmaq düzgün yanaşma deyil. Əsas məqsəd ağrının səbəbini müəyyən etmək və həmin səbəbə uyğun müalicəyə başlamaqdır.Vaxtında aparılan müayinə və düzgün diaqnoz bir çox xəstəliklərin erkən mərhələdə aşkarlanmasına imkan verir. Unutmaq olmaz ki, ağrının növü və xarakteri bəzən orqanizmdə gedən proseslər barədə mühüm məlumat verir. Ağrının səbəbini vaxtında öyrənmək isə uğurlu müalicənin ilk və ən vacib addımıdır.

Əli