Bronxit və pnevmoniya niyə uzanır? – Həkimdən vacib xəbərdarlıq
Tibb 09 İyul 2026, 09:30
370
Son aylarda həkimlərə müraciət edən xəstələrin əksəriyyətində oxşar şikayətlər müşahidə olunur. Uzun müddət davam edən öskürək, halsızlıq, təngnəfəslik, bəzən qızdırmanın keçməsinə baxmayaraq tam sağalmamaq hissi, xüsusilə bronxit və pnevmoniya hallarında artım diqqət çəkir. Mütəxəssislər bildirirlər ki, bunun əsas səbəblərindən biri virus infeksiyalarının əvvəlki illərlə müqayisədə daha uzunmüddətli iltihabi proseslər yaratmasıdır.
Citypost.az xəbər verir ki, həkimlərin sözlərinə görə, artıq "3-5 günə sağalacaq" düşüncəsi bir çox hallarda özünü doğrultmur. Müasir viruslar təkcə qısa müddətli infeksiya yaratmır, həm də orqanizmdə uzun müddət davam edən iltihabi reaksiyaları aktivləşdirə bilir. Nəticədə xəstələr həftələrlə öskürür, nəfəs almaqda çətinlik çəkir və bəzi hallarda bronxit pnevmoniyaya qədər ağırlaşır.
Mütəxəssislər vurğulayırlar ki, bu gün rast gəlinən bronxit və pnevmoniya hallarının əhəmiyyətli hissəsi virus mənşəlidir. Belə vəziyyətlərdə əsas problem yalnız virusun özü deyil, immun sisteminin infeksiyaya verdiyi cavabın pozulmasıdır. İmmunitet balanslı işləmədikdə iltihab prosesi uzanır, sağalma gecikir və xəstə uzun müddət özünü zəif hiss edir.
Həkimlər xəbərdarlıq edirlər ki, bu cür hallarda insanların ən çox yol verdiyi səhvlərdən biri özbaşına antibiotik qəbul etmələridir. Virus mənşəli xəstəliklərdə antibiotiklər təsir göstərmir. Əksinə, lazımsız antibiotik istifadəsi bağırsaq mikrobiotasını pozur, immun sistemini zəiflədir və gələcəkdə antibiotiklərə davamlı bakteriyaların yaranmasına səbəb ola bilər.
Mütəxəssislərin fikrincə, bəzən xəstənin sağalmasına mane olan əsas amil virusun özü deyil, immun sisteminin düzgün fəaliyyət göstərməməsidir. Bu səbəbdən müalicədə yalnız infeksiyanı deyil, orqanizmdə yaranmış iltihabı da nəzarət altına almaq, immun sisteminin fəaliyyətini düzgün balanslaşdırmaq vacibdir.
Həmçinin oxuyun
Həkimlər ev şəraitində də bəzi vacib qaydalara əməl etməyi tövsiyə edirlər. Özbaşına antibiotik qəbul edilməməli, öskürək sadəcə kəsilməyə çalışılmamalı, onun səbəbi araşdırılmalıdır. Gün ərzində kifayət qədər maye qəbul etmək, nəfəs yollarını açmağa kömək edən sadə tənəffüs məşqləri etmək, həkim məsləhəti ilə D vitamini, C vitamini və sink kimi mikroelementlərdən istifadə etmək sağalma prosesinə müsbət təsir göstərə bilər.Əgər öskürək bir neçə həftə davam edirsə, nəfəs darlığı artırsa, yüksək hərarət yenidən başlayırsa, sinədə ağrı yaranırsa və ya ümumi vəziyyət pisləşirsə, vaxt itirmədən həkimə müraciət etmək lazımdır. Erkən diaqnostika və düzgün müalicə bronxit və pnevmoniyanın xroniki formaya keçməsinin qarşısını almağa, xəstənin tam sağalmasına imkan verir.
Həkimlər xatırladırlar ki, virus infeksiyalarına qarşı mübarizədə ən vacib amil düzgün müalicə, güclü immun sisteminin qorunması və həkim tövsiyələrinə əməl etməkdir. Özbaşına dərman qəbulu isə xəstəliyin uzanmasına və ağırlaşmalara səbəb ola bilər.
Yeganə
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Osteopatiya nədir? Bədənin özünü bərpa etməsinə necə kömək edir?
Son illər dünyada olduğu kimi Azərbaycanda da osteopatiyaya maraq artmaqdadır. Bir çox insan bu üsulu sadəcə bel və boyun ağrılarının müalicəsi kimi tanısa da, əslində osteopatiya orqanizmə bütöv şəkildə yanaşan və bədənin özünü bərpa etmə mexanizmlərini aktivləşdirməyə yönəlmiş manual müalicə üsuludur.Citypost.az-ın məlumatına görə, inteqrativ tibbin əsas istiqamətlərindən biri hesab edilən osteopatiyanın əsas məqsədi yalnız ağrını aradan qaldırmaq deyil, həmin ağrının və ya narahatlığın yaranmasına səbəb olan amilləri müəyyənləşdirmək və onları aradan qaldırmağa kömək etməkdir. Çünki bəzən ağrının mənbəyi hiss olunan nahiyədən tamamilə fərqli bir bölgədə ola bilər.Osteopat həkim və ya bu sahə üzrə ixtisaslaşmış mütəxəssis xüsusi yumşaq manual texnikalar vasitəsilə...
09 İyul 2026, 10:45
Dizdə yanma menisk yırtığının əlaməti ola bilər – Ortopedlər xəbərdarlıq edir
Diz oynağında yaranan ağrı, yanma, batma hissi və hərəkət məhdudiyyəti bir çox insanın gündəlik həyat keyfiyyətini ciddi şəkildə aşağı salır. Xüsusilə pilləkən qalxarkən, oturub-durarkən və ya uzun müddət ayaq üstə qaldıqdan sonra dizdə yaranan narahatlıqların əsas səbəblərindən biri menisk yırtığı ola bilər.Citypost.az xəbər verir ki, mütəxəssislərin sözlərinə görə, menisk diz oynağında yerləşən və zərbələri yumşaldan, oynağın sabitliyini qoruyan qığırdaq toxumasıdır. Hər dizdə iki menisk yerləşir – daxili (medial) və xarici (lateral) menisk. Bu strukturlar oynağa düşən yükü bərabər paylayır, sürtünməni azaldır və dizin normal fəaliyyətini təmin edir.Menisk zədələndikdə isə insan hərəkət zamanı ağrı hiss edir, dizdə kilidlənmə, batma, şişkinlik və...
09 İyul 2026, 08:18
Həşərat sancması sadə görünə bilər, amma bəzi hallarda təhlükəli ola bilər
Yay aylarında insanların ən çox üzləşdiyi problemlərdən biri də müxtəlif həşərat sancmalarıdır. Ağcaqanad, qarışqa, arı, eşşəkarısı və digər həşəratların sancması əksər hallarda ciddi təhlükə yaratmasa da, bəzi insanlarda ağır allergik reaksiyalara və ya infeksiyaya səbəb ola bilər. Mütəxəssislər bildirirlər ki, sancmadan sonra yaranan əlamətləri düzgün qiymətləndirmək və lazım gəldikdə vaxtında həkimə müraciət etmək çox vacibdir.Citypost.az xəbər verir ki, dermatoloqların sözlərinə görə, həşərat sancmasından sonra sancılan nahiyədə qızartı, şişkinlik, qaşınma, yüngül ağrı və yanma hissi yaranması orqanizmin normal reaksiyası hesab olunur. Bu əlamətlər adətən bir neçə saat və ya bir neçə gün ərzində tədricən azalaraq tamamilə yox olur. Belə hallarda narahatlığa...
08 İyul 2026, 10:38
Adi boğaz ağrısı deyil: Müalicə olunmayan angina illər sonra ürək qapaqlarını zədələyə bilər
Boğaz ağrısı əksər insanlar tərəfindən sadə mövsümi narahatlıq kimi qəbul edilir. Lakin həkimlər xəbərdarlıq edirlər ki, bütün boğaz ağrıları eyni deyil. Xüsusilə A qrupu beta-hemolitik streptokok bakteriyasının törətdiyi angina vaxtında və düzgün müalicə olunmadıqda gələcəkdə ürək üçün ciddi təhlükə yarada bilər.Citypost.az xəbər verir ki, mütəxəssislərin sözlərinə görə, streptokok mənşəli anginanın əsas əlamətləri yüksək hərarət, qəfil başlayan güclü boğaz ağrısı, udqunma zamanı şiddətli ağrı, badamcıqların irinli və ya ağ ərplə örtülməsi, boyun limfa düyünlərinin böyüməsi və ümumi halsızlıqdır. Bu əlamətlər müşahidə olunduqda xəstəliyə ciddi yanaşmaq lazımdır.Həkimlər bildirirlər ki, təhlükə təkcə boğazda yaranan iltihabla məhdudlaşmır. Əgər streptokok infeksiyası tam müalicə olunmazsa, orqanizmin...
08 İyul 2026, 09:26
Anemiya ürəyə necə təsir edir? - Həkim AÇIQLADI
Anemiya, xüsusilə də dəmir çatışmazlığı nəticəsində yaranan qanazlığı təkcə halsızlıq və yorğunluq yaratmır, eyni zamanda ürəyin fəaliyyətinə də ciddi təsir göstərir. Kardioloqlar bildirirlər ki, orqanizmdə hemoglobinin azalması ürəyi normaldan daha çox işləməyə məcbur edir və bu vəziyyət uzun müddət davam etdikdə müxtəlif ürək-damar problemlərinin yaranma riskini artırır.Citypost.az-ın xəbərinə görə, mütəxəssislərin sözlərinə görə, hemoglobin qandakı oksigeni ağciyərlərdən bütün orqan və toxumalara daşıyan əsas zülaldır. Dəmir çatışmazlığı zamanı hemoglobinin səviyyəsi azalır və nəticədə orqanizm kifayət qədər oksigen ala bilmir. Oksigen çatışmazlığını kompensasiya etmək üçün ürək daha sürətli və daha güclü işləməyə başlayır.Həkimlər qeyd edirlər ki, belə hallarda ürək bəzən normaldan iki-üç dəfə...
08 İyul 2026, 08:22
“Ürəyinizin qidalanması zəifləyib” diaqnozu EKQ ilə qoyula bilərmi?
Kardioloqlar bildirirlər ki, pasiyentlər arasında ən çox rast gəlinən yanlış təsəvvürlərdən biri də “ürəyin qidalanmasının pozulması” diaqnozunun yalnız elektrokardioqramma (EKQ) əsasında qoyulduğunu düşünməkdir. Halbuki bu ifadə tibbi baxımdan daha dəqiq araşdırma tələb edən bir vəziyyətdir və sadəcə EKQ nəticəsinə əsasən belə diaqnoz qoymaq düzgün hesab edilmir.Citypost.az xəbər verir ki, mütəxəssislərin sözlərinə görə, qəbul zamanı bəzi xəstələr “həkim mənə dedi ki, ürəyiniz yaxşı qidalanmır” və ya “ürəyinizdə qidalanma zəifliyi var” kimi ifadələr işlədirlər. Lakin bu nəticənin hansı müayinəyə əsasən qoyulduğu soruşulduqda, əksər hallarda məlum olur ki, xəstəyə yalnız elektrokardioqramma çəkilib və şikayətləri dinlənilib.Kardioloqlar vurğulayırlar ki, ürəyin qidalanmasını təmin edən əsas strukturlar...
07 İyul 2026, 10:45
