Cinayətlərin dinamikasında azalma qeydə alınıb - VİDEO
Cəmiyyət 25 Aprel 2025, 18:22
10648
Aprelin 25-də Daxili İşlər Nazirliyinin müvəqqəti saxlama yerlərində saxlanılan şəxslərin hüquqlarının qorunması, cinayət işlərinin istintaqı və təhqiqat zamanı qanunçuluğa riayət edilməsi, polis-media əlaqələrinin təşkili sahəsində görülən işlərin vəziyyətinə və qarşıda duran vəzifələrə həsr olunmuş Kollegiya iclası keçirilib.
DİN-dən CityPost.az-a verilən məlumata görə, iclası giriş sözü ilə açan nazir general-polkovnik Vilayət Eyvazov bildirib ki, ictimai asayişin və təhlükəsizliyin qorunması sahəsində fəaliyyət digər hüquq mühafizə orqanları ilə qarşılıqlı əlaqədə 2025-ci ilin I rübündə də məqsədyönlü şəkildə davam etdirilib.
Daxili İşlər Nazirliyi və prokurorluq üzrə qeydə alınmış 7.829 cinayətin 87 faizi açılıb. Cinayətlərin dinamikasında 2024-cü ilin eyni dövrü ilə müqayisədə 12,3 faiz və ya 1.101 fakt azalma qeydə alınıb.
Ağır və xüsusilə ağır cinayətlər, şəxsiyyət əleyhinə olanlar, oğurluqlar, dələduzluqlar, soyğunçuluqlar, hədə-qorxu ilə tələb etmələr, xuliqanlıqlar, ictimai yerlərdə, qrup halında və ailə münaqişəsi zəminində baş verənlər, əvvəllər məhkum olunmuş şəxlər tərəfindən və odlu silahın tətbiqi ilə törədilən hüquqazidd əməllərin sayı azalıb.
Qeyri-aşkar şəraitdə baş verən cinayətlərin, qəsdən adam öldürmələrin, qəsdən sağlamlığa ağır zərər vurmaların, şəxsiyyət əleyhinə olanların, xuliqanlıqların, oğurluqların, dələduzluqların, soyğunçuluqların, hədə-qorxu ilə tələb etmələrin və avtonəqliyyat vasitəsini qaçırmaların açılması yaxşılaşıb.
Qeyri-leqal dövriyyədən 1 ton 662 kiloqram, ötən ilin analoji dövrü ilə müqayisədə isə 333 kiloqram çox narkotik vasitə çıxarılıb. Əllərdə qanunsuz saxlanılan 2.309 odlu silah aşkarlanıb.
Vətəndaş məmnunluğunun təmin edilməsi, o cümlədən müraciətlərə baxılması üzrə fəaliyyətin nəticələrinin müsbət olduğunu, cinayət yolu ilə şəxslərə vurulmuş maddi ziyanın 96 faizinin istintaq prosesində ödənildiyini nəzərə çatdırıb.
Daha sonra gündəlikdəki məsələlərlə bağlı Nazirliyin Baş idarə, idarə və ərazi polis orqanlarının rəislərinin görülmüş işlər, əldə olunmuş nəticələr, mövcud nöqsan və çatışmazlıqların aradan qaldırılması üzrə həyata keçirilən tədbirlər barədə çıxışları dinlənilib.
Kollegiya iclasına yekun vuran nazir qanunla müəyyən edilmiş vəzifələrin və qarşıya qoyulan tapşırıqların cari ilin birinci rübündə bütövlükdə layiqincə icra olunduğunu, cinayətkarlığa qarşı mübarizədə, qanunçuluğun və hüquq qaydasının möhkəmləndirilməsi sahəsində əldə olunan müsbət nəticələrin inkişaf etdirilməsini tələb edib.
Bütün ərazi polis orqanlarının rəislərindən tutulmuş və ya həbs edilmiş şəxslərin hüquqlarının qorunması işinin gündəlik nəzarətdə saxlanılmasının zəruriliyini və müvafiq sahədə fəaliyyətin nəticələrinə görə hər bir rəhbər vəzifəlinin şəxsən məsuliyyət daşıdığını nəzərə çatdırıb.
Törədilmiş əmələ görə cəzanın labüdlüyü prinsipinin reallaşmasında polis orqanlarının istintaq və təhqiqat qurumlarının mühüm rolunu, bu istiqamətdə işin düzgün təşkilinin cinayətlərin açılmasında və araşdırılmasında, onları doğuran səbəb və şəraitin aradan qaldırılmasında, vurulmuş maddi ziyanın ödətdirilməsində əhəmiyyətini də qeyd edib. Hər bir müstəntiqin və təhqiqatçının əsas vəzifəsinin insan hüquq və azadlıqlarının etibarlı müdafiəsi və vətəndaş məmnunluğunun təmin edilməsi olduğunu vurğulayıb və aidiyyəti üzrə konkret tapşırıqlar verib.
Ərizə və şikayətlərə baxılması, eləcə də qanunçuluğun qorunması vəzifələrinin icrası kimi vacib məsələlərə toxunaraq bu istiqamətlərdə görülən işlərin xüsusi nəzarətdə saxlanıldığını, müraciətlərin obyektiv və həssaslıqla araşdırıldığını, qaynar xətlərə daxil olmuş və sosial şəbəkələrdə yayımlanmış məlumatlara çevik reaksiya verildiyini, bütövlükdə əldə edilmiş nəticələrin müsbət olduğunu bildirib.
Dövlət-vətəndaş münasibətlərində şəffaflığın, operativliyin artırılmasına xidmət edən və fərdi məlumat mübadiləsini təmin edən “E-Polis” mobil tətbiqinin, o cümlədən əhaliyə göstərilən elektron xidmətlərin müasir tələblərə uyğun təkmilləşdirildiyini, “Elektron Xidmətlər Portalı” üzərindən göstərilən daha 31 adda dövlət xidmətinin mobil tətbiqlərinin hazırlandığını diqqətə çatdırıb. Cinayətkarlıqla mübarizədə, xüsusən informasiya texnologiyalarından istifadə edilməklə törədilən cinayətlərin açılması və belə hüquqazidd əməllərə yol verən şəxslərin müəyyən edilib məsuliyyətə cəlb olunması işinin gücləndirilməsinin vacibliyini də diqqətə çatdıraraq bu sahədə təbliğat işinin effektivliyinin artırılması, müasir dövrün tələblərinə cavab verən maarifləndirmə materiallarının hazırlanıb ictimaiyyətə çatdırılması ilə bağlı konkret tapşırıqlar verib.
Paytaxtda nəqliyyat sıxlığının mövcudluğuna və tıxacların yaranmasına da diqqət çəkən nazir aidiyyəti qurumlarla birgə bu cür halların, o cümlədən nəqliyyat vasitələrinin və piyadaların sərbəst, rahat, təhlükəsiz hərəkətinə mane olan qanunsuz parklanmaların, dayanma və ya durmaların qarşısının alınmasını, insanların həyat və sağlamlığının yol-nəqliyyat qəzalarından qorunması işinin effektivliyinin artırılmasını tələb edib, habelə yol hərəkəti təhlükəsizliyinin təmini sahəsində qarşıda duran vəzifələri müəyyən edib.
Yekunda polis-media əlaqələrinin vəziyyətinə toxunaraq Daxili İşlər Nazirliyinin mediaya ən açıq qurumlardan biri olduğunu qeyd edərək Mətbuat Xidmətinin fəaliyyətinin daha səmərəli təşkili, informasiya məkanında rolunun artırılması, görülən işlər və həyata keçirilən tədbirlər barədə məlumatların ictimaiyyətə operativ çatdırılması üçün tapşırıq və tövsiyələrini verib.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
İctimai Wi-Fi şəbəkələrindən istifadə edərkən təhlükəsizlik tədbirləri
Restoranlarda, kafelərdə, parklarda, hava limanlarında təklif olunan pulsuz ictimai Wi-Fi şəbəkələri böyük rahatlıq yaratsa da, rəqəmsal təhlükəsizlik baxımından ciddi risklər daşıyır. Açıq şəbəkələr kiberfırıldaqçıların istifadəçilərin şəxsi məlumatlarını, parollarını, bank kartı rekvizitlərini ələ keçirməsi üçün ən əlverişli vasitələrdən biridir. İctimai internet nöqtələrinə qoşularkən müəyyən təhlükəsizlik qaydalarına riayət etmək şəxsi informasiyaların sızmasının qarşısını almaq üçün vacibdir.Citypost.az xəbər verir ki, ictimai Wi-Fi şəbəkəsində olarkən atılmalı ən vacib addım Virtual Şəxsi Şəbəkələrdən (VPN) istifadə etməkdir. VPN ötürülən bütün məlumatları şifrələyərək kənar şəxslərin trafikə müdaxilə etməsini imkansız edir. Qoşulma zamanı cihazın parametrlərində "avtomatik qoşulma" funksiyasını söndürmək, həmçinin fayl mübadiləsi (File Sharing) funksiyasını dayandırmaq lazımdır. Bu,...
17 Avqust 2026, 20:35
Köhnə mənzillərdə səs izolyasiyası etməyin effektiv üsulları
Köhnə tikili mənzillərdə yaşayan sakinlərin qarşılaşdığı ən böyük çətinliklərdən biri qonşulardan, küçədən gələn kənar küylərdir. Mənzillərin tikintisində istifadə olunan panellərin nazikliyi, zamanla örtüklərdə yarana bilən çatlamalar akustik izolyasiya dərəcəsini kəskin şəkildə düşürür. Yaşayış sahəsində sakitliyi, dinc mühiti bərpa etmək üçün kompleks səs izolyasiyası tədbirlərinin həyata keçirilməsi böyük önəm daşıyır.Citypost.az xəbər verir ki, küyün mənzilə daxil olmasının əsas yollarından biri divarlardakı, tavanlardakı mikrоçatlamalar, boşluqlardır. İlk növbədə, elektrik rozetkalarının arxası, boru keçidlərinin ətrafı, divar birəşmələri səskeçirməyən hermetik materiallarla tamamilə bağlanmalıdır. Divarların səs izolyasiyasını artırmaq üçün xüsusi mineral yun ( daş yunu), səsuducu gips karton panelləri, akustik membranlar kombinası tətbiq olunur. Bu konstruksiya...
17 Avqust 2026, 19:45
Bakının iki küçəsində nəqliyyatın hərəkəti məhdudlaşdırılacaq
Bakı şəhərinin iki küçəsində aparılacaq təmir işləri ilə əlaqədar nəqliyyat vasitələrinin hərəkətinə müvəqqəti məhdudiyyət tətbiq ediləcək.Bu barədə Azərbaycan Avtomobil Yolları Dövlət Agentliyindən (AAYDA) məlumat verilib.Bildirilib ki, avqustun 18-dən etibarən Yasamal rayonunda Zahid Xəlilov küçəsinin Akim Abbasov küçəsindən Əbdürrəhim bəy Haqverdiyev küçəsinədək olan hissəsi saat 08:00-dan etibarən nəqliyyatın hərəkəti üçün bağlanacaq.Həmin tarixdən Nərimanov rayonunun Ceyhun Hacıbəyli küçəsində Hənifə Ələsgərov küçəsindən Mixail Kaveroçkin küçəsinədək olan hissədə də saat 20:00-dan etibarən hərəkət məhdudlaşdırılacaq.Məhdudiyyət təmir işləri başa çatanadək qüvvədə olacaq.Sürücülərdən sözügedən müddətdə alternativ hərəkət istiqamətlərindən istifadə etmələri və aparılan təmir işlərinə anlayışla yanaşmaları xahiş olunur....
17 Avqust 2026, 18:32
Azərbaycanda əcnəbi futbolçuların minimum maaşı açıqlandı - 5 min AZN
Azərbaycanda yerli oyunçular pulu əcnəbilərdən çox istəyirlər.Citypost.az xəbər verir ki, bunu “Şəfa” klubunun vitse-prezidenti Əfran İsmayılov deyib.“Azərbaycanlı futbolçular bizim sırf yerli futbolçularla oynamaq istəyimizin olduğuna görə elə qiymət deyirlər ki, ancaq 4-5 oyunçu ala bilərik. Bu səbəbdən klub prezidenti Kənan Sadıqlı ilə danışdım, bildirdim ki, bizə şərait yaratsınlar, heç olmasa bir neçə legioner gətirə bilək. Rəhbərlik də bu xahişimi isti qarşıladı. İndi onun müzakirəsi gedir”.Ə.İsmayılovun sözlərinə görə, əcnəbilərlə müqayisədə yerli oyunçular pulu həddən çox pul istəyirlər:“Yerli futbolçuların qiyməti 5-dirsə, 10 deyir. Ona görə də çətinliklə üzləşdik. Qərara gəldik ki, komandada bir qədər də legioner olsun. Klub rəhbəri ilə o barədə...
17 Avqust 2026, 14:59
Vüsal Nəsirli məşhur müğənninin qardaşına yüksək vəzifə verdi
Azərbaycan Avtomobil Yolları Dövlət Agentliyində (AAYDA) yeni kadr təyinatı olub.Citypost.az-ın əldə etdiyi məlumata görə, bununla bağlı AAYDA-nın İdarə Heyətinin sədri Vüsal Nəsirli Əmr imzalayıb.Əmrə əsasən, Kamran Kərimbəyov Media monitorinqi və təhlili departamentinin şöbə müdiri təyin edilib.Qeyd edək ki, müğənni Nərmin Kərimbəyova bir müddət əvvəl qaraciyərinin bir hissəsini qardaşı Kamran Kərimbəyovaya verib. Əməliyyat Türkiyədə gerçəkləşdirilib. Müğənni əməliyyatdan sonra reanimasiyaya düşüb, daha sonra palataya köçürülüb. Nərminin qardaşı uzun illərdir “Hepatit B” xəstəliyindən əziyyət çəkib./NOCOMMENT.az...
17 Avqust 2026, 14:55
Qaçaq Nəbi haqqında Sərdar Cəlaloğluna AÇIQ CAVAB
Son vaxtlar Sərdar Cəlaloğlunun Qaçaq Nəbi və Həcər xanım haqqında yenidən səsləndirdiyi fikirləri izləyirəm. Əvvəllər də bu mövzuda danışıb, Qaçaq Nəbini “qoyun-keçi oğrusu” adlandırıb, Həcər xanım haqqında xoşagəlməz fikirlər söyləyib. Mən uzun müddət bunlara münasibət bildirməmişəm.Amma məsələ artıq fikir ayrılığından çıxıb tarixi şəxsiyyətlərin adına ağır ittihamlar səsləndirmək həddinə çatanda cavab verməyi lazım bildim.Mən tarixçi olduğumu iddia etmirəm. Mən Qubadlıyam. Bizim tərəflərdə Qaçaq Nəbinin adı kitabdan əvvəl el yaddaşından eşidilib. Atalarımızdan, babalarımızdan, nənələrimizdən Nəbi və Həcər haqqında söhbətlər eşidə-eşidə böyümüşük. Bizdən əvvəlki nəsillər arasında Nəbinin dövrünü görmüş, onu şəxsən tanımış və ya onunla eyni dövrdə yaşamış adamlardan eşitdiklərini sonrakı nəslə danışan...
17 Avqust 2026, 13:49
