Hazırkı qəbul sistemi şagird üçün yükdür- Təhsil ekspertindən  ÇAĞIRIŞ

Azərbaycanda ali təhsil müəssisələrinə qəbul qaydaları və imtahan formatı ilə bağlı müzakirələr davam edir. Təhsil sistemində mövcud modelin dəyişdirilməsi və qəbul prosesinin sadələşdirilməsi ilə bağlı müxtəlif təkliflər irəli sürülür.

Citypost.az xəbər verir ki, təhsil eksperti Elçin Əfəndiyev hesab edir ki, ali məktəblərə qəbul qaydaları və imtahan formatı yenidən nəzərdən keçirilməlidir.

Ekspertin sözlərinə görə, dünyanın bir çox ölkələrində Azərbaycandakı kimi ixtisas qrupları sistemi tətbiq edilmir və abituriyentlərdən bu qədər çox fənn üzrə imtahan tələb olunmur. Onun fikrincə, hazırkı sistem həm şagirdlər, həm də valideynlər üçün ciddi yük yaradır. 6–7 fənn üzrə imtahana hazırlaşan abituriyentlər yalnız məktəb təhsili ilə kifayətlənə bilmir və əlavə hazırlıq üçün kurslara və repetitorlara müraciət etməli olurlar. Bu isə ailə büdcəsinə əlavə maliyyə yükü gətirir. Onun sözlərinə görə, bir fənn üzrə hazırlıq üçün aylıq ödəniş ən azı 70–80 manat, bəzi hallarda isə 100–200, hətta 250–300 manata qədər yüksəlir.

Ekspert qeyd edir ki, altı fənn üzrə hazırlıq alan bir abituriyentin ailəsi ay ərzində təxminən 400 manatdan 1500 manata qədər vəsait xərcləməli olur. O hesab edir ki, mövcud vəziyyət təhsilin məktəbdən kənara çıxmasına səbəb olur.Vahid qəbul modeli hazırlanmalı və qəbul qaydaları beynəlxalq təcrübə nəzərə alınaraq yenidən qurulmalıdır. O, təhsilin əsasən məktəblərdə verilməsinin təmin edilməsinin vacibliyini vurğulayır.

Həmçinin oxuyun

Vüqar Qurbanovun gizli göstərişlərini Şahin Qurbanov icra edirmiş   

Həmid Herişçinin iç üzü açıldı

Aydınlığa aydınlıq gətirən... Unudulmaz Aydın Səlimzadə - ŞƏMSİ VƏFADAR YAZIR

SSRİ dövründə İrana verilən Azərbaycan torpaqları  

Ekspert bildirir ki, hazırda yalnız məktəb təhsili ilə kifayətlənən bir çox şagird Dövlət İmtahan Mərkəzinin keçirdiyi buraxılış imtahanlarında 0–50 bal toplamaqda belə çətinlik çəkir. Onun sözlərinə görə, 50–300 bal aralığında nəticə göstərən şagirdlərin əksəriyyəti əlavə hazırlıq mərkəzlərinin və repetitorların köməyi ilə bu nəticəni əldə edir.Qəbul imtahanlarında fənlərin sayı azaldılmalı və qəbul prosesi 2–3 fənn əsasında aparılmalıdır. O, eyni zamanda qəbul imtahanlarının ildə bir dəfə keçirilməsini və nəticələrin ən geci 10–15 gün ərzində elan olunmasını təklif edir.

Ekspertin sözlərinə görə, hazırda qəbul prosesi mart ayından başlayaraq sentyabr ayına qədər davam edir və bu da abituriyentlər üçün uzun və yorucu bir mərhələ yaradır. Buna görə də qəbul sistemində dəyişikliklərin zəruri olduğu vurğulanır.

Əli