Tofiq Zülfüqarov: Şuşa Forumu erməni miflərini dağıtdı

Sabiq xarici işlər naziri Tofiq Zülfüqarov Şuşa Qlobal Media Forumunun əhəmiyyətindən bəhs edib.

Citypost.az xəbər verir ki, diplomat bildirib ki, Şuşada keçirilən beynəlxalq media forumunun yaradılması və həyata keçirilməsinin əsas, bəlkə də ən başlıca məqsədi ictimai, o cümlədən beynəlxalq şüurda bir sıra mühüm həqiqətlərin möhkəmləndirilməsi olub və bu missiya bu gün də davam edir.

Tofiq Zülfüqarovun sözlərinə görə, bunlara Ermənistanın işğal etdiyi ərazilərin azad olunmasının Azərbaycanın həm hüquqi, həm də mənəvi haqqı olması, Ermənistanın irəli sürdüyü "öz müqəddəratını təyin etmiş Dağlıq Qarabağa qarşı təcavüz" tezisinin əslində silahlı işğalı pərdələmək üçün istifadə edilən təbliğat vasitəsi olması, Qarabağdakı qondarma "erməni irsi" anlayışının, "Stepanakert" adı kimi, sovet dövrünün siyasi konstruksiyası olması, həmçinin işğal dövründə qondarma separatçı rejimin törətdiyi hərbi cinayətlərin, vandalizm və talançılıq faktlarının ifşa edilməsi daxildir.

Sabiq nazir qeyd edib ki, erməni təbliğatının yaratdığı miflərin dağıdılması baxımından mühüm əhəmiyyət daşıyan bu və digər həqiqətlər indiyədək keçirilən dörd Şuşa Qlobal Media Forumunda iştirak edən yüzlərlə beynəlxalq media nümayəndəsi vasitəsilə dünya ictimaiyyətinə çatdırılıb.

Onun fikrincə, bu gün jurnalistlərin Ermənistan–Azərbaycan münaqişəsi ilə bağlı suallarının azalması və ya demək olar ki, səslənməməsi onu göstərir ki, anti-Azərbaycan təbliğatının neytrallaşdırılması istiqamətində qarşıya qoyulan məqsədlərə nail olunub. Bununla da 2020-ci il Vətən müharibəsinin və 2023-cü il antiterror əməliyyatının nəticələri informasiya müstəvisində də tam şəkildə möhkəmləndirilib. O vurğulayıb ki, bu prosesdə artıq ənənəyə çevrilmiş Şuşa Qlobal Media Forumlarının xüsusi rolu olub.

Həmçinin oxuyun

Şahin Qurbanovdan xəbər var...  

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Tofiq Zülfüqarov xüsusilə qeyd edib ki, Prezident İlham Əliyevin forumlardakı çıxışları 2020-ci il Vətən müharibəsi dövründə xarici mediaya verdiyi çoxsaylı müsahibələrin məntiqi davamı kimi qiymətləndirilə bilər. Onun sözlərinə görə, dövlət başçısının açıq və birbaşa ünsiyyət formatının yüksək effektivliyi nəticəsində hətta rəqib tərəf də ictimaiyyət və media ilə daha açıq ünsiyyət formaları axtarmağa məcbur qalıb.

Sabiq xarici işlər naziri bildirib ki, onlayn rejimdə piroq və qarğıdalı yeyərək populist görüntülər yaratmaq sosial şəbəkələrdə daha çox "bəyənmə" toplaya bilər. "Lakin bunu yüksək siyasi və diplomatik peşəkarlığın nümayişi ilə müqayisə etmək mümkün deyil", – deyə Tofiq Zülfüqarov vurğulayıb.

Sonda o qeyd edib ki, bunlar təbliğat müharibəsinin cəbhəsindən əldə olunan təəssüratlardır.