Polad Həşimovun məzarı ilə bağlı iddialar araşdırılsın - Siyasi fəaldan ÇAĞIRIŞ

Aslan Həmidli: "Polad Həşimovun adı hər zaman uca tutulmalıdır"

Siyasi fəal Aslan Həmidli Milli Qəhrəman, general-mayor Polad Həşimovun xatirəsinə münasibətlə bağlı paylaşım edib.

O bildirib ki, Polad Həşimov təkcə ailəsinin deyil, bütün Azərbaycanın qürurudur və onun xatirəsinə göstərilən hər hansı laqeydlik cəmiyyəti narahat etməlidir:"Milli Qəhrəmanımız, General-mayor Polad Həşimov təkcə bir ailənin yox, bütün Azərbaycanın qürurudur. Onun xatirəsinə göstərilən hər hansı laqeydlik hər bir vicdanlı insanı narahat etməlidir."

Aslan Həmidli qeyd edib ki, əgər məzarla bağlı səsləndirilən iddialar doğrudursa, aidiyyəti qurumlar məsələyə dərhal aydınlıq gətirməlidir:"Əgər doğrudan da məzar daşının dəfələrlə dəyişdirilməsi, keyfiyyətsiz işlər, xatirəsinə layiq olmayan vəziyyət və digər nöqsanlar mövcuddursa, aidiyyəti qurumlar bunu dərhal araşdırmalı, ictimaiyyətə aydın izahat verməli və bütün problemləri aradan qaldırmalıdır. Şəhidlərimizin xatirəsi heç bir səhlənkarlığın və məsuliyyətsizliyin mövzusu ola bilməz."

O vurğulayıb ki, Polad Həşimovun Vətən qarşısındakı xidmətləri daim yüksək ehtiramla yad edilməlidir:"Polad Həşimov bu Vətən uğrunda canını fəda edib. Bizim borcumuz isə onun adını, ruhunu və xatirəsini ən yüksək ehtiramla yaşatmaqdır. Şəhid məzarlarına, dövlət rəmzlərinə və qəhrəmanlarımızın irsinə münasibətdə ən kiçik səhlənkarlıq belə qəbuledilməzdir."

Həmçinin oxuyun

Şahin Qurbanovdan xəbər var...  

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Siyasi fəal məsul qurumların operativ addım atacağına ümid etdiyini də bildirib:"Ümid edirəm ki, məsul qurumlar yaranmış vəziyyətə operativ reaksiya verəcək, faktlar araşdırılacaq, nöqsanlar aradan qaldırılacaq və bu işdə səhlənkarlığa yol verənlər qanun çərçivəsində məsuliyyət daşıyacaqlar."

Aslan Həmidli sonda əlavə edib:"Polad Həşimovun adı hər zaman uca tutulmalıdır. Bu, həm dövlətə, həm də cəmiyyətə düşən mənəvi borcdur. Allah bütün şəhidlərimizə rəhmət eləsin. Ruhları qarşısında baş əyirik."

Əli