Üç uşaq üçün alimentin məbləği necə müəyyən edilir?

Boşanma prosesində ən çox müzakirə olunan məsələlərdən biri də alimentin məbləğinin necə hesablanmasıdır. Xüsusilə bir neçə uşağın olduğu ailələrdə valideynləri düşündürən əsas suallardan biri budur: "Üç uşaq üçün nə qədər aliment təyin olunur?" Digər mühüm sual isə uşağın yanında qalan valideynin yüksək gəlir əldə etməsinin alimentin məbləğinə təsir edib-etməməsidir.

Citypost.az xəbər verir ki, hüquqşünasların sözlərinə görə, Azərbaycan qanunvericiliyinə əsasən, uşağın saxlanılması yalnız bir valideynin deyil, hər iki valideynin qanunla müəyyən edilmiş borcudur. Boşanma valideynlik hüquq və vəzifələrini aradan qaldırmır. Uşağın gündəlik qayğısını bir valideyn öz üzərinə götürsə də, digər valideyn də maddi təminatın həyata keçirilməsində iştirak etməlidir.

Mütəxəssislər bildirirlər ki, aliment əslində uşağın ehtiyaclarının ödənilməsi məqsədi daşıyır. Bu vəsait valideynin şəxsi təminatı üçün deyil, uşağın qidalanması, geyimi, təhsili, tibbi xidmətləri və digər zəruri xərclərinin qarşılanması üçün nəzərdə tutulur.Qanunvericiliyə əsasən aliment iki formada müəyyən edilə bilər. Birinci variant alimentin borclu valideynin qazancından faiz şəklində tutulmasıdır. Bu zaman bir uşaq üçün gəlirin dörddə biri, iki uşaq üçün üçdə biri, üç və daha çox uşaq üçün isə gəlirin yarısı aliment kimi müəyyən edilə bilər.Digər variant isə alimentin sabit pul məbləği şəklində təyin edilməsidir. Xüsusilə gəliri qeyri-sabit olan, rəsmi əmək müqaviləsi olmayan və ya qazancı dəyişkən olan şəxslərlə bağlı məhkəmələr daha çox sabit məbləğ formasında aliment təyin etməyə üstünlük verirlər. Bu, uşaqların maddi təminatının davamlı şəkildə qorunmasına xidmət edir.

Hüquqşünaslar qeyd edirlər ki, alimentin hansı formada müəyyən ediləcəyi konkret işin halları nəzərə alınmaqla məhkəmə tərəfindən qiymətləndirilir.Valideynlər arasında tez-tez mübahisə doğuran məsələlərdən biri də uşağın yanında qalan valideynin gəliridir. Mütəxəssislər bildirirlər ki, aliment öhdəliyi yalnız bir tərəfin üzərinə düşmür. Qarşı tərəf məhkəmədə uşağın himayəsində olan valideynin də yüksək gəlir əldə etdiyini əsas gətirərək bunun nəzərə alınmasını tələb edə bilər. Belə hallarda məhkəmə hər iki valideynin maddi vəziyyətini, gəlirlərini, yaşayış şəraitini və uşaqların real ehtiyaclarını qiymətləndirə bilər.Bundan əlavə, aliment ödəyən şəxsin sonradan yenidən ailə qurması, digər azyaşlı uşaqlarının olması və ya başqa şəxsləri dolandırmaq öhdəliyinin yaranması da müəyyən hallarda məhkəmə tərəfindən nəzərə alınan amillər sırasındadır.

Hüquqşünasların sözlərinə görə, aliment institutunun əsas məqsədi valideynlərdən birini çətin vəziyyətə salmaq və ya cəzalandırmaq deyil. Əsas məqsəd uşağın normal həyat şəraitinin, sağlam inkişafının və sosial təminatının qorunmasıdır. Buna görə də alimentlə bağlı hər bir mübahisəyə fərdi yanaşılır və məhkəmə bütün halları araşdırdıqdan sonra qərar qəbul edir.

Həmçinin oxuyun

Şahin Qurbanovdan xəbər var...  

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Mütəxəssislər hesab edirlər ki, valideynlər aliment məsələsində ilk növbədə uşaqların maraqlarını üstün tutmalı, mümkün olduğu halda qarşılıqlı razılığa gəlməyə çalışmalı, mübahisə yarandıqda isə hüquqi yardım almaq üçün peşəkar hüquqşünasa müraciət etməlidirlər.