10 mart Milli Teatr Günüdür
Sənət aləmi 10 Mart 2026, 08:00
224
Bu gün Azərbaycan teatrının yaranmasından 153 il ötür. Bu illər ərzində teatr sənəti qədim və zəngin tarixi yol keçib.
Citypost.az xəbər verir ki, 1873-cü il martın 10-da Bakı realnı məktəbinin teatr həvəskarları truppası tərəfindən M.F.Axundovun "Sərgüzəşti-vəziri-xani Lənkəran" komediyası nümayiş etdirilib. Bununla da Azərbaycanda milli teatrın əsası qoyulub.
Milli teatrın inkişafında məşhur xeyriyyəçi Hacı Zeynalabdin Tağıyevin böyük xidməti olub. O, Bakı şəhərində ilk teatr binası inşa etdirib. Nəticədə Cahangir bəy Zeynalov, Hüseynqulu Sarabski, Mirzağa Əliyev, Hüseyn Ərəblinski, Ülvi Rəcəb, Abbas Mirzə Şərifzadə, Mustafa Mərdanov, Məmmədrza Şeyxzamanov, Ağasadıq Gəraybəyli, Əliağa Ağayev, Lütfəli Abdullayev, Nəsibə xanım Zeynalova, Mərziyə xanım Davudova kimi yüzlərlə sima yetişib.
Teatrın inkişafında son illərdə yeni mərhələ başlayıb. Bu inkişaf özünü teatrların maddi-texniki bazasının müasir dünya standartlarına uyğun möhkəmləndirilməsində, kollektivlərin yaradıcılıq axtarışlarının bəhrəsi olaraq yeni maraqlı tamaşaların hazırlanmasında, nüfuzlu Qərb, o cümlədən Avropa teatrları ilə təcrübə mübadiləsinin genişləndirilməsində və s. göstərir.
Mədəniyyət ocaqlarının yeni inkişaf yoluna çıxmasında Azərbaycan xalqının ümummilli lideri Heydər Əliyevin xidmətləri misilsizdir. Ulu Öndərin bu siyasəti hazırda Azərbaycan Prezidenti İlham Əliyev tərəfindən uğurla davam etdirilir. Məhz Prezident İlham Əliyevin bilavasitə təşəbbüsü ilə son illərdə ölkədə teatr sənətinin inkişafı ilə bağlı bir sıra fundamental dövlət sənədləri qəbul olunub.
Həmçinin oxuyun
Azərbaycan teatrının 10 illik inkişaf perspektivlərini müəyyənləşdirən Dövlət Proqramı öz fəaliyyəti ilə milli-mədəni sərvətə çevrilən teatrımızın zəngin bədii irsinin və yaradıcılıq ənənələrinin qorunması, Avropa mədəniyyətinə inteqrasiya olunması, teatrların maddi-texniki bazalarının modernləşdirilməsi, teatr binalarının dünya standartlarına uyğun təmiri, informasiya və maliyyə resurslarından səmərəli istifadə edilməsi və repertuarın günün tələblərinə uyğun formalaşdırılması məqsədlərinə xidmət edir.
Ötən illər ərzində Azərbaycan teatrları dünyanın 30-dan çox ölkəsində, o cümlədən ABŞ, Almaniya, Türkiyə, Rusiya, Belarus, Gürcüstan, Fransa, Mərakeş, Finlandiya, İran, Misir, Hollandiya, Estoniya, Bolqarıstan, Ukrayna, Türkmənistan, Tacikistan, İsveçrə, Moldova, Serbiya, Rusiya Federasiyasının Başqırdıstan Respublikasında keçirilən beynəlxalq tədbirlərdə ölkəmizi layiqincə təmsil ediblər.
Qeyd edək ki, hər zaman sənət adamlarına diqqət və qayğı ilə yanaşan Prezident İlham Əliyevin 2013-cü il 1 mart tarixli Sərəncamı ilə ölkəmizdə "Milli Teatr Günü" təsis edilib. Sərəncama əsasən milli mədəniyyətin inkişafında və ölkənin mədəni həyatında milli teatrın əhəmiyyəti və rolu nəzərə alınaraq hər il martın 10-u Azərbaycan Respublikasında "Milli Teatr Günü" kimi qeyd edilməsi qərara alınıb.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Saleh Bağırovun bacısından ürəkdolusu ad günü təbriki
Tanınmış aparıcı Saleh Bağırov ad günü münasibətilə bacısı Cəmilə Rzayeva sosial şəbəkə hesabında təbrik yazıb.Citypost.az xəbər verir ki, Cəmilə Rzayeva təbrikində bildirib ki, həyatda insanın ən böyük xoşbəxtliklərindən biri güvənəcəyi bir qardaşının olmasıdır və onun üçün bu xoşbəxtlik daha da böyükdür, çünki mükəmməl bir qardaşa sahibdir.O qeyd edib ki, Saleh yalnız bacısının sevimli qardaşı deyil, eyni zamanda ailəsi üçün qayğıkeş bir oğul, övladları üçün nümunəvi ata və bacısının uşaqları üçün mehriban dayıdır. Həyatda və ailədə hər zaman dayaqları olan bir insan kimi onu fərqləndirir.Cəmilə Rzayeva vurğulayıb ki, Saleh Bağırov həm də səhnədə peşəkarlığı, səmimiyyəti və tamaşaçı ilə qurduğu əlaqə ilə...
10 Mart 2026, 12:18
Rza Xudiyev: “Teatr insan ruhunun güzgüsüdür”
10 mart – Milli Teatr Günü münasibətilə Naxçıvan Muxtar Respublikası Ali Məclisinin deputatı, Xalq artisti Rza Xudiyev paylaşım edib.Citypost.az xəbər verir ki, Rza Xudiyev qeyd edib ki, teatr insan ruhunun güzgüsüdür və səhnədə səslənən hər söz, hər addım, hər baxış həyatın özündən doğur. Onun sözlərinə görə, Azərbaycanda teatr sənəti zəngin tarixi, güclü ənənələri və böyük sənətkarları ilə mədəniyyətimizin ən parlaq sahələrindən biridir.Rza Xudiyev bildirib ki, milli teatrımızın əsası 1873-cü ildə qoyulub. Həmin il Bakıda Mirzə Fətəli Axundzadənin əsəri əsasında ilk teatr tamaşası nümayiş etdirilib və bununla da Azərbaycan professional teatrının təməli atılıb. O gündən etibarən teatr sənəti xalqın mədəni həyatında...
10 Mart 2026, 08:15
Madonna “Like a Virgin” dövrünə qayıtdı
Dünyaca məşhur müğənni Madonna Dolce & Gabbana-nın yeni reklam kampaniyasında “Like a Virgin” dövrünə qayıdıb.Citypost.az xarici KİV-lərə istinadən xəbər verir ki, Müğənni Milanda keçirilən təqdimatda cəsarətli gəlinlik obrazı ilə pərəstişkarlarını təəccübləndirib və kiçik səhnədə Patti Pravonun “La Bambola” mahnısını ifa edib.O, krujeva şort, balıq torlu tayt, ağ korset, uzun örtük və uyğun krujeva əlcəklərlə görünüşünü tamamlayıb, brilliant xaç, ağ xəz palto və laklı dəri hündürdaban ayaqqabılarla ikonik performansını xatırladıb. Madonna-nın yeni stili, 1984-cü ildə MTV Video Musiqi Mükafatlarında “Like a Virgin” ifası zamanı geyindiyi ağ korset, çoxqatlı mirvari boyunbağılar və “Boy Toy” kəməri ilə etdiyi görünüşə açıq istinad edir....
09 Mart 2026, 12:48
İllər sonra həmin məşhur səhnəni canlandırdı
Əməkdar artist Kübra Əliyeva və “Xəzər” muzeyinin təsisçisi Siyavuş Əlizadə maraqlı addıma imza atıblar.Citypost.az xəbər verir ki, onlar 1991-ci ildə lentə alınan sevilən “Şirbalanın Məhəbbəti” filmindən məşhur səhnəni yenidən çəkiblər.Belə ki, Kübra Əliyeva və mərhum sənətkar Hacıbaba Bağırovun birgə pul almaq səhnəsini bu dəfə öz tərzlərində canlandırıblar. Kübra Əliyeva eyni səhnədə dediklərini fərqli şəkildə Siyavuş Əlizadə ilə bölüşüb.Sosial şəbəkələrdə paylaşılan video izləyicilər tərəfindən maraqla qarşılanıb və böyük maraq doğurub. View this post on Instagram Shared post on...
06 Mart 2026, 12:20
1930-cu illərdə Mədəniyyət sahəsində kütləvi itkilər - Əməkdar artistdən FAKT
1937–1938-ci illər repressiyaları zamanı Azərbaycanda mədəniyyət sahəsində yalnız həbs və güllələnmələr yox, həm də kütləvi işdən çıxarmalar baş vermişdi.Citypost.az xəbər verir ki, bu barədə Əməkdar artist, Bakı Uşaq və Gənclər Teatrının direktoru İntiqam Soltan statusunda paylaşım edib. Əməkdar artist qeyd edir ki, arxiv materiallarına əsaslanan təxmini rəqəmlər göstərir ki, o dövrdə ölkədə mədəniyyət və incəsənət sahəsində çalışanların sayı təxminən 3000–4000 nəfər olub.Bu dövrdə repressiyaya məruz qalanların sayı isə belə qiymətləndirilir:Həbs edilən, güllələnən və ya sürgün olunanlar: təxminən 200–300 nəfər“Etibarsız”, “millətçi”, “xalq düşməninin qohumu” damğası ilə işdən çıxarılanlar: təxminən 800–1000 nəfərXüsusilə teatr sahəsi ağır itkilər verib. Həmin dövrdə güllələnən tanınmış teatr xadimləri...
06 Mart 2026, 12:08
Çopra musiqi karyerasını “tam uğursuzluq” kimi xatırlayır
Bollivud və Hollivud ulduzu Priyanka Çopra qısamüddətli musiqi karyerasını səmimi şəkildə “tam uğursuzluq” adlandırıb. 2010-cu illərdə pop musiqisinə qədəm qoyan Çopra, will.i.am ilə “In My City” və Pitbull ilə “Exotic” albomlarını çıxarsa da, beynəlxalq səviyyədə gözlənilən rezonansı əldə etməyib.Citypost.az ABŞ mətbuatına istinadən xəbər verir ki, 43 yaşlı müğənni Marie Claire-ə verdiyi müsahibədə zarafatla qeyd edib: “Əlbəttə ki, mən Pitbull və ya Dr. Dre ilə eyni nota çata bilmərəm. Tez başa düşdüm ki, bu mənim işim deyil və əsas peşəmə – aktyorluğa qayıtmalıyam.”O, hələ də təxminən 40 yayımlanmamış mahnısının “təhlükəsiz yerdə” olduğunu deyir və indi ailəsi və aktyorluğu ön planda tutur....
05 Mart 2026, 14:32
