Nadir Azəri: İran unudur ki, qarşısında Azərbaycan dayanır

“Cənub qonşumuz İran uzun illərdir, əslində isə əsrlərdir Azərbaycana qarşı cinayətkar, terrorçu və xain əməllərini davam etdirir. Hələ müstəqilliyimizin ilk illərində baş verən proseslərdə də İranın müəyyən rollar oynadığı məlumdur. Burada söhbət Ermənistanın işğal etdiyi Azərbaycan torpaqlarının talan olunması prosesində İranın bu və ya digər formada iştirakından gedir. Eyni zamanda 44 günlük Vətən müharibəsi dövründə də İran müxtəlif yollarla Azərbaycan Ordusunun uğurlarına mane olmaq cəhdləri göstərmişdi. Lakin bu cəhdlər nəticəsiz qaldı”.

Bunu Citypost.az-a “Orta Asiya və Güney Qafqaz Söz Azadlığı Şəbəkəsi” İctimai Birliyinin sədri, siyasi şərhçi Nadir Azəri deyib.

Onun sözlərinə görə, postmüharibə dövründə isə bütün dünya Azərbaycanın yaratdığı yeni reallıqlara uyğun olaraq Cənubi Qafqazda iqtisadi inkişafın və sabitliyin təmin olunmasına dəstək verdiyi halda, İranın molla rejimi və onun hərbi dairələri davamlı şəkildə hansısa “qırmızı xətlər” barədə bəyanatlar verərək Azərbaycana qarşı təzyiq siyasətini davam etdirdilər: “Lakin bununla da kifayətlənmədilər. Azərbaycanın hər addımda uğur qazanmasını həzm edə bilməyən cənub qonşumuz bu dəfə də səfirliyimizə qarşı terror aktı həyata keçirdi. Bu hadisə birbaşa İran dövlətinin məsuliyyət daşıdığı terror aktı idi. Cənab Prezident İlham Əliyevin martın 5-də keçirilən Təhlükəsizlik Şuraısnın iclasında bəyan etdiyi kimi, bu terror aktı İranın dövlət qurumlarının ən rəhbər mərtəbələrindən sifariş edilmişdir. Həmin vaxt Azərbaycan dövlətinin qətiyyətli mövqeyi qarşısında geri çəkilən İran bununla belə, düşmən mövqeyini dəyişmədi. Martın 5-də İran tərəfindən pilotsuz uçuş aparatları vasitəsilə Naxçıvan istiqamətində hücum həyata keçirildi və mülki obyektlər hədəf alındı. Bu fakt İranın molla rejiminin mahiyyətini, onun nə qədər təhlükəli və cinayətkar bir rejim olduğunu bir daha bütün dünyaya göstərdi”.

N.Azəri deyib ki, görünür, İran bu addımlarla nəyəsə nail olacağını düşünür: “Lakin unudur ki, qarşısında Azərbaycan dayanır. O Azərbaycan ki, 44 günlük Vətən müharibəsində dövlət-xalq-ordu birliyi ilə düşməni məğlub, düşmənin arxasında duran qüvvələrini xəyallarını isə puç etdi. Həmin dövrdə düşmən üzərinə enən “dəmir yumruq” bu gün də Azərbaycana qarşı düşmən mövqeyi sərgiləyən istənilən qüvvəyə qarşı tətbiq oluna bilər”. 

“Bir sözlə, Azərbaycan xalqının iradəsi və Azərbaycan Prezidentinin qətiyyəti düşmənlərin bütün planlarını ifşa edir. Cənab Prezidentin Təhlükəsizlik Şurasının iclasındakı çıxışı bir daha göstərdi ki, Azərbaycan rəhbərliyi baş verən bütün hadisələri açıq və prinsipial şəkildə qiymətləndirir və İranın qonşuluq münasibətlərinə zidd olan addımlarını ifşa edir. Bu, həm də onu göstərir ki, İran Azərbaycanın haqlı tələblərini yerinə yetirməli, törədilmiş cinayətlərə görə üzr istəməli və günahkarları cəzalandırmalıdır. Əks təqdirdə regionda baş verəcək proseslərə görə məsuliyyət də onların üzərinə düşəcək” deyə, N.Azəri sonda əlavə edib.

Turan

Həmçinin oxuyun

Bir sıra birinci instansiya məhkəmələrinə hakimlər təyin edilib - SİYAHI 

Prezident İlham Əliyev: Azərbaycan enerji ehtiyatlarının etibarlı tranziti ölkəsi rolunu oynayır 

Hacıbaba Bağırovun ailə həyatı barədə açılmamış sirlər  

Vüqar Qurbanovla iş birliyində olmuş baş həkim kimdir ?