Aqil Ələsgər: Naxçıvana hücum SEPAH-ın təxribatıdır 

Naxçıvan Muxtar Respublikasına qarşı həyata keçirilən dron hücumu ilə bağlı Citypost.az-aaçıqlama verən siyasi şərhçi Aqil Ələsgər bildirib ki, bu hadisə İran daxilində xüsusilə İnqilab Keşikçiləri Korpusu – SEPAH daxilində fəaliyyət göstərən anti-Azərbaycan qüvvələrin növbəti təxribatı kimi qiymətləndirilməlidir.

Onun sözlərinə görə, hazırkı vəziyyətdə İranda real hakimiyyət balansı ciddi şəkildə dəyişib və faktiki olaraq SEPAH təkcə hərbi strukturlara deyil, həm də ölkənin siyasi qərarlarına təsir edən əsas gücə çevrilib.

Aqil Ələsgər qeyd edib ki, formal olaraq SEPAH ali dini rəhbərə bağlı hesab olunsa da, mövcud vəziyyətdə bu struktur faktiki olaraq İranın daxili və regional siyasətində əsas söz sahibinə çevrilib.

Siyasi şərhçinin fikrincə, SEPAH daxilində uzun illərdir Azərbaycana qarşı düşmən münasibəti ilə seçilən radikal dairələr mövcuddur və bu dairələr regionda gərginlik yaratmaq, qonşu ölkələrə qarşı təxribatlar törətmək xətti ilə tanınırlar.

Aqil Ələsgər bildirib ki, SEPAH-ın region siyasəti uzun müddət general Qasım Süleymaninin idarə etdiyi “Şiə hilalı” strategiyası üzərində qurulub. Bu strategiyanın əsas məqsədi müxtəlif ölkələrdə İranın təsir dairəsini genişləndirmək və bölgədə ideoloji-siyasi nüfuz yaratmaq idi.

Onun sözlərinə görə, Azərbaycana qarşı illərdir düşmən ritorikası ilə çıxış edən bəzi dini fiqurlar – o cümlədən Seyid Həsən Amili və Azərbaycandan qovulmuş Ocaq Nejat kimi şəxslər də məhz SEPAH-a yaxın mövqeləri ilə tanınırlar və açıq şəkildə anti-Azərbaycan çağırışları ilə yadda qalıblar.

Həmçinin oxuyun

Bir sıra birinci instansiya məhkəmələrinə hakimlər təyin edilib - SİYAHI 

Prezident İlham Əliyev: Azərbaycan enerji ehtiyatlarının etibarlı tranziti ölkəsi rolunu oynayır 

Hacıbaba Bağırovun ailə həyatı barədə açılmamış sirlər  

Vüqar Qurbanovla iş birliyində olmuş baş həkim kimdir ?

Siyasi şərhçi hesab edir ki, Naxçıvana edilən hücum da SEPAH daxilindəki anti-Azərbaycan dairələrin Azərbaycana gözdağı vermək cəhdidir.

“Azərbaycan indiyədək öz ərazisinin üçüncü dövlətlər tərəfindən qonşularına qarşı istifadə olunmasına heç vaxt imkan verməyib. Əksinə, həm regionda humanitar məsələlərdə, həm də müsəlman dünyasında həssas mövzularda hər zaman məsuliyyətli mövqe nümayiş etdirib. Buna baxmayaraq, İran daxilindəki radikal qüvvələr fürsət düşən kimi Azərbaycana qarşı terror xarakterli addımlar atmaqdan çəkinmirlər”, – deyə Aqil Ələsgər vurğulayıb.

O əlavə edib ki, bu cür təxribatlar Azərbaycanı qorxutmaq və ya geri çəkilməyə məcbur etmək məqsədi daşısa da, əksinə regionda yeni reallığı daha da möhkəmləndirir.

“Bu hadisə bir daha göstərir ki, Azərbaycan və Türkiyə arasında strateji müttəfiqlik təsadüfi deyil. Naxçıvanla bağlı vəziyyət fonunda uçuşların Türkiyənin Iğdır şəhərinə yönləndirilməsi də qardaşlığımızın real və praktik gücünü nümayiş etdirir. Belə addımlar Azərbaycan-Türkiyə birliyini daha da möhkəmləndirir”, – deyə siyasi şərhçi bildirib.

Turan