Qidalanmada yağların balansı immun sisteminə birbaşa təsir edirmiş
Tibb 06 Mart 2026, 11:41
292
Mütəxəssislərin fikrincə, qidalanmada müxtəlif növ yağların düzgün balansı immun hüceyrələrinin gücünə və orqanizmin infeksiyalarla yanaşı, şiş hüceyrələri ilə mübarizə qabiliyyətinə mühüm təsir göstərir.
Citypost.az xəbər verir ki, qida rasionunda olan yağların tərkibi immun sisteminin əsas hüceyrələri sayılan T hüceyrələrinin quruluşunu və davamlılığını dəyişə bilir. T hüceyrələri orqanizmin müdafiə mexanizmində mühüm rol oynayır – onlar yoluxmuş hüceyrələri tanıyır və məhv edir, immun reaksiyanı koordinasiya edir, həmçinin anticisimlərin yaranmasına kömək edir.Mütəxəssislər qeyd edir ki, bu hüceyrələrin effektiv fəaliyyəti lipid mübadiləsi ilə sıx bağlıdır. Yəni hüceyrələrin yağları necə istifadə etməsi və emal etməsi onların fəaliyyətinə birbaşa təsir göstərir. Araşdırmalar göstərir ki, qəbul edilən yağ növləri immun hüceyrələrinin daxilindəki lipid tərkibini dəyişə bilir.Xüsusilə iki yağ turşusu qrupu – çox doymamış yağ turşuları (PUFA) və tək doymamış yağ turşuları (MUFA) arasındakı nisbətin əhəmiyyətli olduğu vurğulanır. Mütəxəssislərin sözlərinə görə, qidalanmada PUFA nisbətən az, MUFA isə daha çox olduqda T hüceyrələri daha davamlı olur və hüceyrə ölümünə qarşı müqaviməti artır. Bu hüceyrələr oksidləşdirici zədələnmələrə – hüceyrə membranının dağılmasına səbəb olan proseslərə qarşı daha dayanıqlı olur.
Qeyd olunur ki, T hüceyrələrinin davamlılığının artması onların funksiyalarının daha effektiv yerinə yetirilməsinə imkan yaradır. Belə halda immun sistemi anticisim istehsalını daha yaxşı stimullaşdırır ki, bu da peyvəndlərin qoruyucu təsirini gücləndirə bilər.Mütəxəssislər hesab edir ki, qidalanmada yağların tərkibinə diqqət yetirilməsi gələcəkdə immunoterapiyanın effektivliyinin artırılması və xərçəng müalicəsində daha yaxşı nəticələrin əldə olunmasına da kömək edə bilər.
Həmçinin oxuyun
Yeganə
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
DİQQƏT - Arıqlama iynələri dayandırıldıqdan sonra çəkinin 60%-i geri qayıda bilər
Arıqlama iynələri dayandırıldıqdan sonra itirilən çəkinin təxminən 60 faizi geri qayıda bilərCitypost.az xəbər verir kİ, mütəxəssislər bildirirlər ki, arıqlamaq üçün istifadə olunan GLP-1 reseptor agonistləri qrupuna aid preparatların qəbulunu dayandırdıqdan sonra itirilmiş çəkinin əhəmiyyətli hissəsi yenidən qayıda bilər. Araşdırmalar göstərir ki, müalicə dayandırıldıqdan sonra bir il ərzində insanlar orta hesabla itirdikləri çəkinin təxminən 60 faizini yenidən qazanırlar.Mütəxəssislərin sözlərinə görə, çəkinin artımı sonsuz şəkildə davam etmir. Zaman keçdikcə çəki artımının sürəti azalır və müəyyən mərhələdə sabitləşir. Hətta bir il sonra belə, insanların əksəriyyəti ilkin olaraq itirdikləri çəkinin təxminən dörddə birini qoruyub saxlaya bilir.Qeyd olunur ki, bu preparatlar orqanizmdə toxluq hissini və...
06 Mart 2026, 11:50
Uzun müddət oturmaq yaşlılarda diabet riskini artırır
Uzun müddət oturaq həyat tərzi yaşlı insanlarda xroniki xəstəliklərin, xüsusilə də diabet riskinin artmasına səbəb ola bilər. Mütəxəssislərin fikrincə, gün ərzində saatlarla televizora baxmaq, kitab oxumaq və ya planşetdən istifadə etmək kimi fəaliyyətlər sağlamlıq üçün ciddi təhlükə yaradır.Citypost.az xəbər verir ki, aparılan geniş araşdırmanın nəticələri göstərir ki, 60 yaşdan yuxarı insanların gün ərzində nə qədər çox oturması onların kardiometabolik göstəricilərinə bir o qədər mənfi təsir edir. Uzun müddət oturan şəxslərdə qanda şəkərin və xolesterinin səviyyəsi artır, bel çevrəsi genişlənir, eyni zamanda arterial təzyiq yüksəlir. Maraqlıdır ki, bu tendensiya müntəzəm fiziki məşqlə məşğul olan insanlarda belə müşahidə olunur.Mütəxəssislər qeyd edirlər ki,...
05 Mart 2026, 11:27
Gecə 7 saat 18 dəqiqə yatmaq diabet riskini azalda bilər
Gecə təxminən 7 saat 18 dəqiqə yatmaq insulin müqaviməti riskinin azalması baxımından ən optimal müddət hesab olunur. İnsulin müqaviməti isə 2-ci tip diabetin yaranmasına gətirib çıxaran əsas ilkin mərhələlərdən biri sayılır.Citypost.az xəbər verir ki, aparılan geniş müşahidə xarakterli araşdırmada 20–80 yaş aralığında olan 23 mindən çox insanın məlumatları təhlil edilib. Tədqiqat zamanı yuxu müddəti ilə insulin həssaslığını qiymətləndirən göstəricilər müqayisə olunub. Məlum olub ki, yuxunun müddəti ilə maddələr mübadiləsinin vəziyyəti arasında “U” formalı əlaqə mövcuddur.Araşdırma göstərir ki, gecə təxminən 7 saat 18 dəqiqə yatan insanlarda metabolik göstəricilər daha yaxşı olur. Daha az yatan şəxslərdə yuxu müddətinin artırılması maddələr mübadiləsinə müsbət...
05 Mart 2026, 10:29
Uşaqlıqda diş problemi gələcəkdə ürək riskini artırır
Mütəxəssislərin apardığı genişmiqyaslı araşdırma göstərir ki, uşaqlıq dövründə diş və diş əti problemləri yaşayan şəxslər yetkin yaşda ürək-damar xəstəlikləri ilə daha çox qarşılaşa bilərlər.Citypost.az xəbər verir ki, təxminən 570 min nəfərin məlumatları üzərində aparılan təhlil nəticəsində müəyyən edilib ki, 1960–1970-ci illərdə doğulan və uşaqlıqda çoxsaylı kariyes və ya ağır diş əti iltihabı yaşayan şəxslərdə 30 yaşdan sonra koronar ürək xəstəliyi, infarkt və insult riski daha yüksək olub.Araşdırma zamanı uşaqlıq dövründə qeydə alınmış stomatoloji problemlər – çoxsaylı çürüklər, qanama və ağrı ilə müşayiət olunan ağır gingivit halları – sonrakı illərdə qeydə alınmış ürək-damar xəstəlikləri göstəriciləri ilə müqayisə edilib. Nəticələr göstərib ki,...
04 Mart 2026, 10:25
Mütəxəssis rəyi: Miyokard infarktından qorunmanın yolları
Son illərdə ürək-damar xəstəlikləri arasında miyokard infarktı (ürək tutması) ən çox rast gəlinən və ölüm riski yüksək olan hallardan biridir. Sağlam həyat tərzi və düzgün qidalanma, eləcə də erkən xəbərdarlıq əlamətlərinə diqqət göstərmək, bu təhlükəli vəziyyətin qarşısını almaqda həyati əhəmiyyət kəsb edir.Citypost.az xəbər verir ki, kardiyoloqlar bildirirlər ki, infarkt riskini azaltmaq üçün qidalanmada yağlı, qızardılmış, fast-food və xəmir məhsullarından uzaq durmaq, həmçinin siqaret və spirtli içkilərin qəbulunu məhdudlaşdırmaq əsas şərtdir. Gündəlik duz qəbulu 5 qramı keçməməlidir. Meyvə və tərəvəzlər, xüsusən qoz, badam, ərik kimi quru meyvələr ürək sağlamlığı üçün faydalıdır. Enerji içkiləri və şirin içkilərdən uzaq durmaq, bədən çəkisini nəzarətdə...
03 Mart 2026, 15:41
Dirsəkdə ağrı və keyləşməyə diqqət – mütəxəssis izah edir
Uzun müddət kompüter qarşısında dirsəklərinizi eyni vəziyyətdə saxlayırsınızsa, kubital tunel sindromu riski yarana bilər. Ortopediya mütəxəssisi bildirir ki, bu sindrom dirsəkdəki ulnar sinirin sıxışması nəticəsində ortaya çıxır.Nəticədə qolunuzda elektrik keçməsi kimi hisslər, ağrı və xüsusilə kiçik və üz barmaqda keyləşmə müşahidə olunur. Bu problem həm bir tərəfdə, həm də hər iki tərəfdə baş verə bilər.Mütəxəssis vurğulayır ki, simptomlar hiss edilərsə, xüsusi müayinələr aparılmalı, sinirin sıxışması dəqiqliklə müəyyən edilməlidir. Kubital tunel sindromu, iynə müalicəsi və fizioterapiya ilə erkən mərhələdə effektiv şəkildə aradan qaldırıla bilər.Həkim tövsiyəsi: uzun müddət dirsəklərin sabit vəziyyətdə qalmasının qarşısını alın, fasilələr edin və narahatlıq hiss edildikdə mütəxəssisə müraciət...
03 Mart 2026, 12:59
