Məhəmməd Əsədullazadə: Körfəz ölkələrinin İrana qarşı addımları düşmən hərəkətidir

Milli Cəbhə Partiyası sədrinin müavini, siyasi şərhçi Məhəmməd Əsədullazadə sosial şəbəkədə paylaşımında İran və region ölkələri ilə bağlı diqqətçəkən açıqlama verib.

Citypost.az xəbər verir ki, siyasətçi  bildirib ki, İrana qarşı qonşusu olan ərəb ölkələri düşmən kimi davranıb. Onun sözlərinə görə, İranda rejimin Azərbaycana qarşı münasibəti daima qeyri-konstruktiv olub, buna baxmayaraq, ikitərəfli münasibətlər davam edib və Azərbaycan İranla qarşılıqlı etimada əsaslanan əlaqələrin inkişafında maraqlı olub. Şərhçi qeyd edib ki, Azərbaycan ABŞ-İsrail tərəfindən İrana qarşı hücumlara neytral qalıb və hətta İrana ilk humanitar yardım göndərib. O əlavə edib ki, İran və Azərbaycan prezidentləri arasında daimi telefon təmasları olub.

M. Əsədullazadə vurğulayıb ki, İranın qonşuları olan BƏƏ, Küveyt, Səudiyyə Ərəbistanı, Bəhreyn və Qətərin ABŞ-İsrailin yanında yer alaraq öz ərazilərindən hərbi əməliyyatlara icazə verməsi beynəlxalq hüququn pozulması və qonşuluq dəyərlərinin tapdanmasıdır. Onun fikrincə, körfəz ölkələrinin İrana qarşı fəaliyyəti birmənalı şəkildə düşmən hərəkətidir.Qonşular arasında müharibə baş verə bilər və sonradan barışıq da mümkündür. O, bunu Azərbaycan və Ermənistan arasında baş vermiş müharibə və hazırkı sülh prosesi ilə müqayisə edib. Bununla belə, o hesab edir ki, körfəz ölkələri İrandan onlara heç bir təhdid olmadan bu hərbi əməliyyatlara öz ərazilərindən dəstək veriblər. Onun sözlərinə görə, həmin ölkələr İranın mülki obyektləri vurduğunu iddia etsələr də, həmin obyektlərdə İsrail və ABŞ hərbçiləri olub.

M. Əsədullazadə bildirib ki, uzaq bir regiondan bir ölkə gəlib sənin qonşunu vurursa və sən də buna yardım edirsənsə, bu artıq qonşuluq münasibətləri baxımından təhlükə kimi qiymətləndirilməlidir. O əlavə edib ki, körfəz ərəb ölkələri yalnız İranla deyil, digər qonşularına qarşı da düşmən mövqe sərgiləyiblər.Ermənistanın Rusiya tərəfindən dəstəklənməsi zamanı Azərbaycanda buna qarşı kəskin etirazlar olub və bu dəstək rəsmi şəkildə inkar edilsə də, mövcud olub. O qeyd edib ki, İkinci Qarabağ müharibəsi zamanı Moskva məcburi şəkildə neytral mövqe tutub. Həmçinin, İranın Ermənistanla əməkdaşlığı da Azərbaycanda sərt tənqid edilib. İrandan Səudiyyə Ərəbistanı və digər körfəz ölkələrinə heç bir təhdid olmadığı halda, bu ölkələrin qonşularına qarşı belə addımlar atması bağışlanmazdır. O əlavə edib ki, İrandakı rejim bəyənilməyə bilər, lakin bu, belə davranışlara əsas vermir.

M. Əsədullazadə fikrini belə yekunlaşdırıb: “Məsələn, Fransa Azərbaycana qarşı gəlib Gürcüstan ərazisindən hücum edirsə, biz Gürcüstana necə baxmalıyıq?!”

Həmçinin oxuyun

Buqələmun  - Şahin Qurbanovu da Vilyam Hacıyevin taleyi gözləyir?

Şahin Qurbanov yaxşı kabab bişirir... Xəstəxana direktoru ifşa olundu

Deputat Zaur Şükürov: "Azərbaycan cənub marşrutlarındakı riskləri balanslaşdıran əsas qovşaqdır"   

Ali Məhkəmə Rauf Aslanovun “bazar”ını bağladı