Nadir Azəri: Seçkinin nəticələri Cənubi Qafqazın gələcəyi üçün mühüm əhəmiyyət daşıyır  

“Ermənistanda keçirilən parlament seçkilərinin nəticələri göstərir ki, Baş nazir Nikol Paşinyanın rəhbərlik etdiyi siyasi qüvvə müxalifət üzərində inamlı qələbə qazanıb. Həm ekzit-poll nəticələri, həm də ilkin rəsmi məlumatlar bu qənaətə gəlməyə əsas verir ki, söhbət təkcə müxalifətin deyil, həm də Rusiya yönümlü siyasi qüvvələrin məğlubiyyətindən gedir”.

Bu fikirləri Citypost.az-a “Orta Asiya və Güney Qafqaz Söz Azadlığı Şəbəkəsi” (CASCFEN) İctimai Birliyinin sədri, siyasi şərhçi Nadir Azəri bildirib.

O, qeyd edib ki, bu qələbə iki mühüm məqam baxımından diqqət çəkir: “Birincisi, seçkilərdə iştirak edən seçicilərin sayının beş il əvvəlki seçkilərlə müqayisədə artmasıdır. İkincisi isə səs verənlərin 50 faizdən çoxunun məhz Nikol Paşinyanın partiyasına etimad göstərməsidir. Beləliklə, seçkilərin nəticələri Paşinyana hökuməti təkbaşına formalaşdırmaq və siyasi kursunu növbəti mərhələyə daşımaq imkanı verir”. 

Bildirilib ki, bu seçkilərin nəticələri təkcə Ermənistanın daxili siyasi həyatı üçün deyil, həm də qlobal proseslər və Cənubi Qafqaz regionunun gələcəyi baxımından mühüm əhəmiyyət daşıyır: “Bu seçkilərdə, əslində, Qərblə Rusiya arasında siyasi mübarizə gedirdi. Ermənistan daxilində isə bu qarşıdurma özünü sülh tərəfdarları ilə müharibə tərəfdarları arasındakı mübarizə şəklində göstərirdi. Revanşist qüvvələr bütün cəhdlərinə, Rusiyanın müxtəlif vasitələrlə proseslərə təsir göstərmək istəklərinə, Kreml dairələrinin Paşinyan və onun komandasına yönəlmiş siyasi təzyiqlərinə baxmayaraq revanşistlər, belə deyək ki, Rusiyanın adamları məğlub oldular. Bu məğlubiyyət həm də Ermənistan cəmiyyətinin artıq müharibələrdən, ölkənin güclərin alətinə çevrilməsindən yorulduğunu nümayiş etdirdi. Yəni, seçkilərin nəticələri erməni xalqının bundan sonrakı mərhələdə Ermənistanın normal, sabit və inkişaf edən dövlət kimi formalaşmasında maraqlı olduğunu göstərir. Ümumiyyətlə, bütün hallarda, Ermənistan xalqının bu seçimi, yəni Nikol Paşinyana verdiyi dəstək Cənubi Qafqazən gələcəyi üçün, yəni regionda davamlı sülhün, sabitliyin və iqtisadi inkişafın təmin olunması baxımından mühüm əhəmiyyət daşıyır. Çünki Cənubi Qafqaz bundan sonra xarici imperialis güclərin istəyinə uyğun deyil, region xalqlaırnın və dövlətlərinin istəyinə uyğun inkişaf etmək şansı qazanır. Təbii ki, Paşinyan və komandası seçkidən əvvəl sərgilədiyi mövqeni seçkidən sonra da sərgiləyərsə...”

Həmçinin oxuyun

Şahin Qurbanovdan xəbər var...  

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Turan