Əli Səlimov: Azərbaycanın Avropadakı mövqeyi möhkəmlənir
Siyasət 24 İyul 2026, 11:31
344
21 iyul 2026-cı il tarixində Prezident İlham Əliyevin Berlində Almaniya Kansleri Fridrix Merts ilə birgə mətbuata bəyanat zamanı səsləndirdiyi bu fikir iki ölkə arasında münasibətlərin yeni mərhələyə yüksəldiyini göstərməklə yanaşı, Azərbaycanın son illərdə həyata keçirdiyi praqmatik və çoxşaxəli xarici siyasətin konkret nəticələrinin növbəti təzahürü kimi də qiymətləndirilməlidir. Berlin səfəri və imzalanan Strateji Gündəlik sənədi Azərbaycanın Avropanın aparıcı dövlətlərindən biri ilə münasibətlərini institusional əsasda daha da gücləndirdiyini nümayiş etdirir.
Son illərdə Prezident İlham Əliyevin rəhbərliyi ilə həyata keçirilən xarici siyasət kursunun əsas xüsusiyyəti milli maraqlara söykənən balanslı və praqmatik yanaşmadır. Müasir beynəlxalq münasibətlər sistemində geosiyasi qarşıdurmaların, iqtisadi rəqabətin və enerji təhlükəsizliyi ilə bağlı çağırışların artdığı bir dövrdə Azərbaycanın müxtəlif siyasi və iqtisadi mərkəzlərlə qarşılıqlı etimada əsaslanan əməkdaşlıq modeli formalaşdırması ölkənin beynəlxalq nüfuzunu əhəmiyyətli dərəcədə artırıb. Bu gün Azərbaycan həm Şərqlə Qərb, həm də Şimalla Cənub arasında etibarlı tərəfdaş kimi qəbul edilir və bu status təsadüfi deyil, ardıcıl diplomatik fəaliyyətin nəticəsidir.
Təsadüfi deyil ki, Avropa İttifaqının aparıcı iqtisadi və siyasi güclərindən biri olan Almaniya Azərbaycanla münasibətlərin strateji məzmununun genişləndirilməsinə xüsusi önəm verir. Berlinlə əlaqələrin strateji səviyyəyə yüksəlməsi Azərbaycanın Avropa üçün yalnız enerji təchizatçısı deyil, həm də regional sabitliyin, iqtisadi əməkdaşlığın və geosiyasi dialoqun vacib iştirakçısı kimi qəbul olunduğunu göstərir. Bu, Azərbaycanın beynəlxalq sistemdə artan siyasi çəkisinin və etibarlı tərəfdaş imicinin növbəti təsdiqidir.
Əməkdaşlığın əsas istiqamətlərindən biri enerji sahəsi olaraq qalmaqdadır. Avropanın enerji təhlükəsizliyinin təmin edilməsində Azərbaycanın rolu son illərdə daha da güclənib. Cənub Qaz Dəhlizi vasitəsilə həyata keçirilən ixrac, təbii qazın fasiləsiz və etibarlı şəkildə Avropa bazarına çatdırılması Azərbaycanın strateji əhəmiyyətini artırıb. Bununla yanaşı, yaşıl enerji sahəsində həyata keçirilən layihələr, Xəzər dənizinin külək enerjisi potensialı və bərpa olunan enerji istiqamətində beynəlxalq tərəfdaşlıqlar Azərbaycanı gələcəyin enerji bazarında da mühüm oyunçulardan birinə çevirir. Almaniyanın bu sahələrə marağı isə əməkdaşlığın perspektivlərinin daha geniş olduğunu göstərir.
Azərbaycanın geoiqtisadi əhəmiyyəti də sürətlə artır. Orta Dəhlizin inkişafı, Şərqlə Qərbi birləşdirən nəqliyyat-logistika marşrutlarının genişlənməsi və ölkənin beynəlxalq ticarətdə tranzit mərkəzinə çevrilməsi Avropa dövlətlərinin Azərbaycana marağını daha da artırır. Almaniyanın bu istiqamətdə əməkdaşlığa xüsusi önəm verməsi Azərbaycanın regional deyil, Avrasiya məkanında strateji əhəmiyyətə malik aktor kimi mövqeyinin möhkəmləndiyini göstərir.
Azərbaycan–Almaniya münasibətlərinin yeni mərhələsi təkcə ikitərəfli əməkdaşlığın genişlənməsi demək deyil. Bu, Prezident İlham Əliyevin həyata keçirdiyi düşünülmüş xarici siyasət kursunun beynəlxalq səviyyədə qazandığı etimadın və Azərbaycanın artan geosiyasi, geoiqtisadi əhəmiyyətinin növbəti göstəricisidir. Ölkəmiz artıq Avropa üçün yalnız etibarlı enerji tərəfdaşı deyil, həm də regional sabitliyin, nəqliyyat bağlantılarının, iqtisadi inteqrasiyanın və siyasi dialoqun vacib iştirakçılarından biridir. Bu isə Azərbaycan–Almaniya əməkdaşlığının qarşıdakı illərdə daha da dərinləşəcəyini və Prezident İlham Əliyevin vurğuladığı kimi, təkcə iki ölkənin deyil, bütövlükdə regionda sülhə, əməkdaşlığa və davamlı inkişafa mühüm töhfələr verəcəyini deməyə əsas verir.
Əli Səlimov
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Asif Əsgərov: Azərbaycanın nüfuzuna kölgə salmaq mümkün deyil
Azərbaycan Respublikasının Prezidenti möhtərəm cənab İlham Əliyevin Almaniyaya səfəri ölkələrimiz arasında siyasi dialoqun və əməkdaşlığın inkişafına xidmət edən mühüm diplomatik hadisədir. Bu səfər ölkəmizin beynəlxalq nüfuzunun, müstəqil xarici siyasətinin və etibarlı tərəfdaş mövqeyinin növbəti təsdiqidir. Almaniyada keçirilən yüksək səviyyəli görüşlər Azərbaycanın regional və beynəlxalq məsələlərdə artan rolunu bir daha nümayiş etdirdi.Bu sözləri Milli Məclisin deputatı Asif Əsgərov Citypost.az-a açıqlamasında bildirib.Asif Əsgərovun sözlərinə görə, təəssüf ki, ölkəmizin hər bir uğurunu gözü götürməyən bəzi radikal müxalif qruplar bu səfər zamanı da xaricdə qarayaxma kampaniyası aparmağa cəhd göstərdilər. Belə davranışlar Azərbaycanın beynəlxalq nüfuzuna xələl gətirə, dövlətimizin müstəqil siyasətinə kölgə sala bilməz.Prezidentin köməkçisi Hikmət...
24 İyul 2026, 11:40
Səlim Rəhimzadə: Almaniya ilə imzalanan sənədlər yeni perspektivlər yaradır
Prezident İlham Əliyevin Almaniya Federativ Respublikasına rəsmi səfəri iki ölkə arasında münasibətlərin inkişafında keyfiyyətcə yeni mərhələnin əsasını qoydu. Belə ki, səfər çərçivəsində Prezident İlham Əliyev və Almaniya Federativ Respublikasının Federal Kansleri Fridrix Merts “Azərbaycan Respublikası və Almaniya Federativ Respublikası arasında ikitərəfli tərəfdaşlıq üçün strateji gündəliyə dair Birgə Bəyannamə”ni imzaladılar. Həmçinin Azərbaycan-Almaniya Biznes Şurasının yaradılmasına və fəaliyyətinə dair Birgə Bəyannamə imzalanıb. Bu isə münasibətlərin yalnız siyasi müstəvidə deyil, iqtisadi, enerji, nəqliyyat və investisiya istiqamətlərində də institusional əsaslar üzərində inkişaf etdiriləcəyini nümayiş etdirdi. Almaniya Avropa İttifaqının aparıcı siyasi və iqtisadi gücü olmaqla yanaşı, Avropanın təhlükəsizlik, və xarici siyasət gündəliyinin formalaşmasında mühüm rol...
23 İyul 2026, 14:06
Mətanət Pirquliyeva: Almaniya ilə əməkdaşlıq yeni məzmun qazanır
Azərbaycan ilə Almaniya arasında münasibətlər son illərdə siyasi dialoq, iqtisadi əməkdaşlıq, enerji təhlükəsizliyi və regional sabitlik kimi mühüm istiqamətlər üzrə dinamik inkişaf edir. Almaniya Avropa İttifaqının aparıcı dövləti, Azərbaycan isə Cənubi Qafqazın əsas geosiyasi və enerji tərəfdaşı kimi qarşılıqlı maraqlara əsaslanan əməkdaşlıq modelini formalaşdırmaqdadır. Prezident İlham Əliyevin 21 iyul 2026-cı il tarixində Almaniyaya rəsmi səfəri və səfər çərçivəsində imzalanan sənədlər bu münasibətlərin keyfiyyətcə yeni mərhələyə yüksəldiyini göstərir.Səfərin əsas nəticələrindən biri "Azərbaycan Respublikası və Almaniya Federativ Respublikası arasında ikitərəfli tərəfdaşlıq üçün strateji gündəliyə dair Birgə Bəyannamə"nin imzalanması oldu. Prezident İlham Əliyevin də qeyd etdiyi kimi, artıq tərəflər strateji dialoqun başlanmasına nail...
23 İyul 2026, 09:40
Bəxtiyar Qaraca: Hikmət Hacıyev dövlət maraqlarını ləyaqətlə müdafiə etdi
Əməkdar jurnalist Bəxtiyar Qaraca Prezidentin köməkçisi Hikmət Hacıyevin Almaniyada mühacir-bloger Tural Sadıqlının suallarına verdiyi cavablarla bağlı fikirlərini bölüşüb.Citypost.az xəbər verir ki, Bəxtiyar Qaraca bildirib ki, Azərbaycanın dövlət maraqlarını müdafiə etmək təkcə vəzifə borcu deyil, həm də böyük məsuliyyət və Vətən sevgisi tələb edir. Onun sözlərinə görə, Hikmət Hacıyevin təxribat xarakterli suallara təmkinli, arqumentli və ləyaqətli cavab verməsi bunun bariz nümunəsi olub.Əməkdar jurnalist qeyd edib ki, Prezidentin köməkçisinin səsləndirdiyi "Vətənə xəyanət edən insanlara yazığım gəlir" fikri dövlətə və xalqa sədaqətin ifadəsi kimi yadda qalıb. O vurğulayıb ki, dövlət maraqları qarşısında soyuqqanlılıq, intellekt və siyasi mədəniyyət ən güclü cavabdır.Bəxtiyar Qaraca əlavə edib...
23 İyul 2026, 09:26
Ceyhun Məmmədov: Milli media dövlətimizin əsas dayaqlarındandır
22 İyul – Milli Mətbuat Günü Azərbaycan milli mətbuatının 150 illik şərəfli tarixini, jurnalistikanın cəmiyyətin inkişafındakı rolunu və müasir dövrdə informasiya təhlükəsizliyinin əhəmiyyətini bir daha dəyərləndirmək üçün mühüm fürsətdir.1875-ci ildə Həsən bəy Zərdabinin nəşr etdirdiyi "Əkinçi" qəzeti ilə əsası qoyulan milli mətbuatımız ötən əsr yarım ərzində xalqımızın maariflənməsinə, milli düşüncənin formalaşmasına, dövlətçilik ənənələrinin möhkəmlənməsinə və ictimai həmrəyliyin güclənməsinə mühüm töhfələr verib. Bu gün Azərbaycan mediası yalnız ölkə daxilində deyil, beynəlxalq informasiya məkanında da həqiqətin, obyektivliyin və peşəkarlığın təbliğində mühüm missiya daşıyır.Müasir dövrdə informasiya milli təhlükəsizliyin mühüm elementlərindən biridir. Rəqəmsal transformasiya, süni intellekt texnologiyalarının sürətli inkişafı və dezinformasiyanın artdığı bir şəraitdə...
22 İyul 2026, 09:41
Heydər Oğuz: Bakıda gizli görüş iddiası ciddi suallar doğurur
İlham Əliyevdən şok açıqlama: Bakıda keçirilən rus-alman görüşünü ondan kim və niyə gizlədib?Azərbaycan Prezidenti İlham Əliyevin Almaniyaya səfərində diqqətimi cəlb edən ən mühüm məsələ “Deutsche Welle” nəşrinin jurnalistinin ölkə liderlərinə ünvanladığı suala verilən cavablardır. Alman jurnalistin sualı belə idi:“… bir neçə gün əvvəl alman mediası yazmışdı ki, Bakıda qeyri-rəsmi alman-rus görüşü baş tutub. Həmçinin qeyd olunur ki, hökumət koalisiyasında olan partiyaların keçmiş yüksəkrütbəli siyasətçiləri görüşdə iştirak edib. Həmin görüşün nəticəsi barədə heç bir məlumat verilməyib… Buna necə baxırsınız?”.Alman kanslerinin cavabı kifayət qədər lakonik oldu: “Bu cür görüş haqqında mənim məlumatım yoxdur”.Prezident İlham Əliyevin cavabı isə şəxsən məni heyrətləndirdi:“Bakıda keçirilmiş dediyiniz...
22 İyul 2026, 09:22
