Mətanət Pirquliyeva: Almaniya ilə əməkdaşlıq yeni məzmun qazanır
Siyasət 23 İyul 2026, 09:40
490
Azərbaycan ilə Almaniya arasında münasibətlər son illərdə siyasi dialoq, iqtisadi əməkdaşlıq, enerji təhlükəsizliyi və regional sabitlik kimi mühüm istiqamətlər üzrə dinamik inkişaf edir. Almaniya Avropa İttifaqının aparıcı dövləti, Azərbaycan isə Cənubi Qafqazın əsas geosiyasi və enerji tərəfdaşı kimi qarşılıqlı maraqlara əsaslanan əməkdaşlıq modelini formalaşdırmaqdadır. Prezident İlham Əliyevin 21 iyul 2026-cı il tarixində Almaniyaya rəsmi səfəri və səfər çərçivəsində imzalanan sənədlər bu münasibətlərin keyfiyyətcə yeni mərhələyə yüksəldiyini göstərir.
Səfərin əsas nəticələrindən biri "Azərbaycan Respublikası və Almaniya Federativ Respublikası arasında ikitərəfli tərəfdaşlıq üçün strateji gündəliyə dair Birgə Bəyannamə"nin imzalanması oldu. Prezident İlham Əliyevin də qeyd etdiyi kimi, artıq tərəflər strateji dialoqun başlanmasına nail olublar və bu sənəd gələcək əməkdaşlığın yol xəritəsini müəyyənləşdirəcək. Bu yanaşma yalnız siyasi münasibətlərin deyil, iqtisadi, texnoloji və humanitar əlaqələrin də sistemli şəkildə inkişafına imkan yaradacaq.
İqtisadi əməkdaşlıq baxımından Almaniya Azərbaycanın ən mühüm Avropa tərəfdaşlarından biridir. Hazırda Azərbaycanda 200-dən çox Almaniya şirkəti fəaliyyət göstərir və onların investisiya portfeli ildən-ilə genişlənir. Azərbaycan–Almaniya Biznes Şurasının yaradılması sahibkarlıq əlaqələrinin institusional əsaslarını daha da gücləndirəcək, qarşılıqlı sərmayələrin həcminin artmasına, yeni texnologiyaların və innovativ idarəetmə təcrübəsinin tətbiqinə şərait yaradacaq. Bu isə qeyri-neft sektorunun inkişafı baxımından da mühüm əhəmiyyət daşıyır.
Enerji sahəsi Azərbaycan–Almaniya münasibətlərinin strateji sütunlarından biri kimi ön plana çıxır. Bu ildən etibarən Azərbaycanın təbii qazının Almaniyaya ixracına başlanılması Avropanın enerji təhlükəsizliyinin möhkəmləndirilməsi istiqamətində mühüm addımdır. Hazırda Azərbaycan qazı Avropa İttifaqının on üzv ölkəsinə çatdırılır, eyni zamanda Azərbaycan Almaniyaya neft ixrac edir. Gələcəkdə yaşıl enerji layihələrinin də bu əməkdaşlığa daxil edilməsi tərəflərin enerji tərəfdaşlığını daha geniş və uzunmüddətli xarakterə çevirəcək.
Nəqliyyat və logistika istiqamətində əməkdaşlıq da yeni mərhələyə qədəm qoyur. Azərbaycanın Orta Dəhlizdə artan rolu, Orta Asiya ilə Avropa arasında mühüm tranzit mərkəzinə çevrilməsi Almaniya üçün də xüsusi əhəmiyyət kəsb edir. Almaniyanın bu sahədəki qabaqcıl texnologiyaları və təcrübəsi Azərbaycanın nəqliyyat infrastrukturunun daha da modernləşdirilməsinə töhfə verə bilər. Səfər zamanı müxtəlif istiqamətlər üzrə işçi qruplarının yaradılması barədə razılıq əldə olunması əməkdaşlığın praktik nəticələrə yönəldiyini göstərir.
Prezident İlham Əliyevin bəyanatında regional sülh və təhlükəsizlik məsələləri də xüsusi yer tutdu. Ermənistan–Azərbaycan münasibətlərinin normallaşması, Vaşinqtonda imzalanmış Birgə Bəyannamə və sonrakı mərhələdə iqtisadi əməkdaşlıq elementlərinin formalaşması Cənubi Qafqazda yeni reallıqlar yaradıb. Azərbaycanın Ermənistanın enerji təhlükəsizliyinə verdiyi töhfə və tranzit daşımalarının genişlənməsi regionda qarşılıqlı asılılığın artırılması yolu ilə sülhün möhkəmləndirilməsi siyasətinin praktik nümunəsi kimi qiymətləndirilə bilər. Prezident İlham Əliyev bu prosesdə Almaniyanın və onun hökumətinin göstərdiyi siyasi dəstəyi də yüksək qiymətləndirdi.
Səfər zamanı Avropa İttifaqı–Azərbaycan münasibətlərinə verilən qiymət də diqqət çəkir. Cari ildə Avropa İttifaqının yüksək rəhbərliyinin Azərbaycana səfərləri Brüssellə Bakı arasında əməkdaşlığın yeni mərhələyə keçdiyini nümayiş etdirir. Almaniyanın Avropa İttifaqında aparıcı mövqeyi nəzərə alınarsa, Berlinin Azərbaycan–Aİ münasibətlərinin inkişafında oynayacağı rol daha da əhəmiyyətli görünür. Bu, Azərbaycanın Avropa ilə siyasi və iqtisadi inteqrasiyasının yeni imkanlar qazanmasına xidmət edəcək.
Nəticə etibarilə, Prezident İlham Əliyevin Almaniyaya rəsmi səfəri iki ölkə arasında münasibətlərin sadəcə genişlənməsini deyil, strateji məzmun qazanmasını təsdiqlədi. İmzalanan sənədlər, enerji və iqtisadi əməkdaşlığın dərinləşdirilməsi, nəqliyyat-logistika layihələri, regional sülh prosesinə verilən dəstək və Avropa İttifaqı ilə əlaqələrin inkişafı Azərbaycan–Almaniya tərəfdaşlığını gələcək illərdə daha da möhkəmləndirəcək əsas istiqamətlər kimi çıxış edir. Bu əməkdaşlıq həm ikitərəfli münasibətlərə, həm də Avropa ilə Cənubi Qafqaz arasında sabitlik, enerji təhlükəsizliyi və iqtisadi inteqrasiyanın güclənməsinə mühüm töhfə verəcək.
Mətanət Pirquliyeva, SDU-nun dosenti, Əməkdar müəllim
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Səlim Rəhimzadə: Almaniya ilə imzalanan sənədlər yeni perspektivlər yaradır
Prezident İlham Əliyevin Almaniya Federativ Respublikasına rəsmi səfəri iki ölkə arasında münasibətlərin inkişafında keyfiyyətcə yeni mərhələnin əsasını qoydu. Belə ki, səfər çərçivəsində Prezident İlham Əliyev və Almaniya Federativ Respublikasının Federal Kansleri Fridrix Merts “Azərbaycan Respublikası və Almaniya Federativ Respublikası arasında ikitərəfli tərəfdaşlıq üçün strateji gündəliyə dair Birgə Bəyannamə”ni imzaladılar. Həmçinin Azərbaycan-Almaniya Biznes Şurasının yaradılmasına və fəaliyyətinə dair Birgə Bəyannamə imzalanıb. Bu isə münasibətlərin yalnız siyasi müstəvidə deyil, iqtisadi, enerji, nəqliyyat və investisiya istiqamətlərində də institusional əsaslar üzərində inkişaf etdiriləcəyini nümayiş etdirdi. Almaniya Avropa İttifaqının aparıcı siyasi və iqtisadi gücü olmaqla yanaşı, Avropanın təhlükəsizlik, və xarici siyasət gündəliyinin formalaşmasında mühüm rol...
23 İyul 2026, 14:06
Bəxtiyar Qaraca: Hikmət Hacıyev dövlət maraqlarını ləyaqətlə müdafiə etdi
Əməkdar jurnalist Bəxtiyar Qaraca Prezidentin köməkçisi Hikmət Hacıyevin Almaniyada mühacir-bloger Tural Sadıqlının suallarına verdiyi cavablarla bağlı fikirlərini bölüşüb.Citypost.az xəbər verir ki, Bəxtiyar Qaraca bildirib ki, Azərbaycanın dövlət maraqlarını müdafiə etmək təkcə vəzifə borcu deyil, həm də böyük məsuliyyət və Vətən sevgisi tələb edir. Onun sözlərinə görə, Hikmət Hacıyevin təxribat xarakterli suallara təmkinli, arqumentli və ləyaqətli cavab verməsi bunun bariz nümunəsi olub.Əməkdar jurnalist qeyd edib ki, Prezidentin köməkçisinin səsləndirdiyi "Vətənə xəyanət edən insanlara yazığım gəlir" fikri dövlətə və xalqa sədaqətin ifadəsi kimi yadda qalıb. O vurğulayıb ki, dövlət maraqları qarşısında soyuqqanlılıq, intellekt və siyasi mədəniyyət ən güclü cavabdır.Bəxtiyar Qaraca əlavə edib...
23 İyul 2026, 09:26
Ceyhun Məmmədov: Milli media dövlətimizin əsas dayaqlarındandır
22 İyul – Milli Mətbuat Günü Azərbaycan milli mətbuatının 150 illik şərəfli tarixini, jurnalistikanın cəmiyyətin inkişafındakı rolunu və müasir dövrdə informasiya təhlükəsizliyinin əhəmiyyətini bir daha dəyərləndirmək üçün mühüm fürsətdir.1875-ci ildə Həsən bəy Zərdabinin nəşr etdirdiyi "Əkinçi" qəzeti ilə əsası qoyulan milli mətbuatımız ötən əsr yarım ərzində xalqımızın maariflənməsinə, milli düşüncənin formalaşmasına, dövlətçilik ənənələrinin möhkəmlənməsinə və ictimai həmrəyliyin güclənməsinə mühüm töhfələr verib. Bu gün Azərbaycan mediası yalnız ölkə daxilində deyil, beynəlxalq informasiya məkanında da həqiqətin, obyektivliyin və peşəkarlığın təbliğində mühüm missiya daşıyır.Müasir dövrdə informasiya milli təhlükəsizliyin mühüm elementlərindən biridir. Rəqəmsal transformasiya, süni intellekt texnologiyalarının sürətli inkişafı və dezinformasiyanın artdığı bir şəraitdə...
22 İyul 2026, 09:41
Heydər Oğuz: Bakıda gizli görüş iddiası ciddi suallar doğurur
İlham Əliyevdən şok açıqlama: Bakıda keçirilən rus-alman görüşünü ondan kim və niyə gizlədib?Azərbaycan Prezidenti İlham Əliyevin Almaniyaya səfərində diqqətimi cəlb edən ən mühüm məsələ “Deutsche Welle” nəşrinin jurnalistinin ölkə liderlərinə ünvanladığı suala verilən cavablardır. Alman jurnalistin sualı belə idi:“… bir neçə gün əvvəl alman mediası yazmışdı ki, Bakıda qeyri-rəsmi alman-rus görüşü baş tutub. Həmçinin qeyd olunur ki, hökumət koalisiyasında olan partiyaların keçmiş yüksəkrütbəli siyasətçiləri görüşdə iştirak edib. Həmin görüşün nəticəsi barədə heç bir məlumat verilməyib… Buna necə baxırsınız?”.Alman kanslerinin cavabı kifayət qədər lakonik oldu: “Bu cür görüş haqqında mənim məlumatım yoxdur”.Prezident İlham Əliyevin cavabı isə şəxsən məni heyrətləndirdi:“Bakıda keçirilmiş dediyiniz...
22 İyul 2026, 09:22
Zaur Şükürov: Azərbaycan mediası dövlətçiliyin və milli maraqların dayağıdır
22 iyul Azərbaycan xalqı üçün əlamətdar bir tarixdir. Məhz bu gündə, 1875-ci ildə böyük maarifçi və ziyalı Həsən bəy Zərdabi tərəfindən nəşr olunmağa başlayan "Əkinçi" qəzeti ilə milli mətbuatımızın təməli qoyulmuşdur. "Əkinçi" qısa müddət ərzində həm ziyalılar, həm də geniş oxucu kütləsi arasında maarifçi ideyaların daşıyıcısına çevrildi. Çar Rusiyasının təzyiqlərinə baxmayaraq, o dövrlərdə məhz qəzet milli özünüdərk, azadlıq, maarifçilik ideyalarının yayılmasında mühüm rol oynadı. Bununla da, Azərbaycan mətbuatı cəmiyyətin inkişafına və milli şüurun formalaşmasına mühüm töhfə verməyə başladı.Bu sözləri Citypost.az-a açıqlamasında millət vəkili Zaur Şükürov bildirib.Millət vəkili Ulu Öndər Heydər Əliyevin sözlərini xatırladıb: "Milli mətbuatımızın inkişaf mərhələləri Azərbaycan xalqının azadlıq,...
21 İyul 2026, 21:51
Zahid Oruc: Berlin Bakının strateji rolunu təsdiqlədi
Prezident İlham Əliyevin 20–21 iyul 2026-cı il tarixlərində Almaniyaya rəsmi səfəri Azərbaycan - Almaniya münasibətlərinin tarixində yeni bir dönüş nöqtəsidir. Dövlət başçısının Berlində ehtiramla qarşılanması, Almaniya Prezidenti Frank-Valter Ştaynmayerlə təkbətək və geniş tərkibli görüşü, digər yüksək rəsmilərlə danışıqlar səfərin siyasi çəkisini göstərir. Almaniya hökumətinin rəsmi açıqlamasında danışıqların əsas mövzuları kimi enerji və xammal, Azərbaycan–Ermənistan sülh prosesi, beynəlxalq təhlükəsizlik və Yaxın Şərqdəki vəziyyət göstərilib.Bu sözləri Citypost.az-a açıqlamasında Millət vəkili Zahid Oruc bildirib.Deputatın sözlərinə görə, yeni mərhələnin siyasi əsası 2025-ci ilin dekabrında qoyulmuşdu. Kansler Fridrix Merts Prezident İlham Əliyevlə telefon danışığında Azərbaycanla Ermənistan arasında sülh prosesindəki irəliləyişi regional sabitlik üçün mühüm hadisə...
21 İyul 2026, 17:35
