Aptekdən dərman alacaq şəxslərin NƏZƏRİNƏ - Bundan sonra...
Tibb 29 Yanvar 2026, 23:29
209
Azərbaycanda apteklərin böyük əksəriyyətinin elektron sistemə keçməsi ilə vətəndaşlar artıq reseptlərini onlayn şəkildə izləyə və dərmanlarını kağız resept olmadan əldə edə bilirlər.
CityPost.az-ın məlumatına görə, hazırda tibb müəssisələrində reseptlər elektron qaydada verilir və həkimlər dərman təyinatlarını elektron resept sistemi vasitəsilə aparırlar.
Yeni sistemin əsas üstünlüklərindən biri vaxt itkisinin aradan qalxmasıdır. Əvvəllər vətəndaşlar resepti əlində gəzdirərək uyğun dərmanı tapmaq üçün bir neçə aptek dolaşmalı olurdusa, indi kodlaşdırılmış elektron reseptlə birbaşa yaxın aptekə müraciət edərək dərmanı vaxtında əldə edə bilirlər.
Elektron resept sistemi həkimə dərman yazarkən ölkə üzrə mövcud preparatlar, onların hansı apteklərdə olduğu və miqdarı barədə məlumat verir. Bu da həm həkim, həm də pasiyent üçün dərmanın tapılmasını xeyli asanlaşdırır. Xəstə əvvəlcədən bilir ki, təyin olunan dərman hansı aptekdə mövcuddur və resept kodu ilə həmin aptekdən dərmanı ala bilər.
Həmçinin oxuyun
Sistem həkimləri, tibb müəssisələrini və aptekləri vahid elektron platformada birləşdirir. Həkimlər pasiyentin əvvəl istifadə etdiyi dərmanları görə, yeni təyin olunan preparatların təsirini əvvəlkilərlə müqayisə edə bilirlər. Bu isə xəstə təhlükəsizliyinin artırılmasına və düzgün müalicə planının qurulmasına şərait yaradır.
Elektron reseptlər həkim–əczaçı əlaqəsini də asanlaşdırır. Əllə yazılan reseptlərdə rast gəlinən xəttin oxunmaması, dərman adlarının səhv başa düşülməsi və ya preparatların düzgün verilməməsi kimi risklər elektron sistemdə tamamilə aradan qalxır. Bütün məlumatlar sistemdə dəqiq və standart formada qeyd olunur.
Vətəndaşlar elektron reseptlərinə mobil telefon və ya internet üzərindən baxa, dərmanların əldə olunması prosesini daha rahat və şəffaf şəkildə həyata keçirə bilirlər. Qeyd edək ki, elektron resept sistemi səhiyyədə rəqəmsallaşmanın vacib tərkib hissəsi olmaqla, həm pasiyent məmnuniyyətini artırır, həm də dərman dövriyyəsinə nəzarəti gücləndirir./baku.ws
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Xroniki ağrının formalaşmasına beyində “idarəedici mexanizm” cavabdehdir
Alimlər qısamüddətli ağrının xroniki ağrıya çevrilməsini tənzimləyən mühüm bir beyin mexanizmini müəyyən ediblər. Mütəxəssislərin sözlərinə görə, beyində yerləşən xüsusi sinir dövrəsinin fəaliyyəti zəiflədildikdə xroniki ağrı ya ümumiyyətlə yaranmır, ya da artıq formalaşmış halda belə tədricən yox ola bilir.Citypost.az-ın araşdırmasına əsasən diqqət mərkəzində kaudal qranulyar insulyar korteks adlanan beyin sahəsi dayanır. Mütəxəssislər bildirir ki, bu bölgə bədəndən gələn hissi siqnalların və emosional reaksiyaların emalı ilə bağlıdır. Aparılan təcrübələr göstərib ki, məhz bu sahə ağrının müvəqqəti qalması və ya xroniki xarakter alması arasında bir növ “keçid nöqtəsi” rolunu oynayır.Nevroloqların sözlərinə görə, sözügedən sinir yolu aktiv olduqda, onurğa beyninə davamlı siqnallar ötürülür və...
29 Yanvar 2026, 10:32
“Stress atıram” deyib siqaret çəkənlərə həkimlərdən ciddi xəbərdarlıq
Gündə bir, iki, bəzən isə üç qutu siqaret çəkən insanların sayı az deyil. Ən təhlükəlisi isə bu vərdişin çox vaxt “stressi azaltmaq” adı altında əsaslandırılmasıdır. Halbuki mütəxəssislər bildirir ki, siqaret stresin həlli yox, əksinə, onun dərinləşməsinin əsas səbəblərindən biridir və orqanizmə vurduğu zərər bəzən geri dönməz olur.Citypost.az-ın məlumatına görə mövzu ilə bağlı mütəxəssislər bildirirlər ki, bir paçka siqaretin tərkibində minlərlə zərərli maddə mövcuddur. Gündə 2–3 qutusiqaret çəkmək isə ürək-damar sistemi, ağciyərlər, sinir sistemi və hormonal balans üçün ciddi təhlükə yaradır. Nikotin qısa müddətli “rahatlama” hissi yaratsa da, bu təsir aldadıcıdır və orqanizmi daha güclü asılılığa sürükləyir.Həkimlərin sözlərinə görə, siqaret stres...
28 Yanvar 2026, 15:36
Təkrarlanan baş zədələri demensiya riskini 4 dəfə artırır – Mütəxəssislər xəbərdarlıq edir
Alimlər təkrarlanan baş zədələrinin demensiya riskini kəskin şəkildə artırdığını və xroniki travmatik ensefalopatiyanın artıq Alzheimer xəstəliyindən ayrı, müstəqil demensiya səbəbi kimi qəbul edilməli olduğunu bildirirlər.Citypost.az-ın məlumatına görə, genişmiqyaslı araşdırmaya əsasən, CTE-nin ağır forması olan şəxslərdə demensiya inkişaf etmə ehtimalı bu patologiyası olmayan insanlarla müqayisədə 4 dəfə yüksəkdir.Nevroloqların sözlərinə görə, xroniki travmatik ensefalopatiya uzun illər ərzində başa alınan təkrarlanan zərbələr və beyin silkələnmələri nəticəsində yaranan degenerativ beyin xəstəliyidir. Bu hal daha çox Amerika futbolu, boks və digər kontakt idman növləri ilə məşğul olan şəxslərdə müşahidə olunur. Kiçik, lakin davamlı zədələr zamanla beyində ciddi dəyişikliklərə səbəb olur.Araşdırma çərçivəsində təkrarlanan baş travmasına məruz...
28 Yanvar 2026, 11:11
Bir saatlıq qəlyan nə deməkdir? Həkimlər XƏBƏRDARLIQ edir
Qəlyan çəkmək cəmiyyətdə, xüsusilə gənclər arasında əyləncə və istirahət forması kimi qəbul olunsa da, tibb mütəxəssislərinin rəyinə görə bu vərdiş insan sağlamlığı üçün ciddi və uzunmüddətli təhlükələr yaradır. Ən çox yayılan yanlış fikirlərdən biri qəlyan tüstüsünün sudan keçdiyi üçün zərərsiz olmasıdır. Halbuki su tüstünü təmizləmir, yalnız onu soyudur və daha rahat nəfəs almağa şərait yaradır. Nəticədə insan fərqinə varmadan daha dərin və daha çox tüstü udur ki, bu da orqanizmə daxil olan zərərli maddələrin miqdarını artırır.Citypost.az-ın məlumatına görə araşdırmalar göstərir ki, orta hesabla bir saatlıq qəlyan istifadəsi zamanı qəbul edilən tüstü miqdarı onlarla, bəzən yüzlərlə siqaretin tüstüsünə bərabər ola bilər....
28 Yanvar 2026, 10:09
Panik atak zamanı ilk addım nə olmalıdır?
Son illər stress, sürətli həyat tərzi və psixoloji yüklənmələr fonunda panik atak yaşayan insanların sayı artmaqdadır. Gözlənilmədən başlayan bu vəziyyət insanı ciddi qorxuya sala, hətta həyat üçün təhlükə hissi yarada bilər. Citypost.az-ın məlumatına görə, lakin mütəxəssislər bildirir ki, panik atak nə qədər ağır görünsə də, düzgün yanaşma ilə idarə oluna bilən bir haldır.Panik atak nədir?Panik atak qəfil başlayan, intensiv qorxu və narahatlıq hissi ilə müşayiət olunan psixoloji vəziyyətdir. Adətən bir neçə dəqiqə ərzində pik həddə çatır və tədricən azalır. Bu zaman insanda ürəkdöyünmə, nəfəs darlığı, başgicəllənmə, əllərdə titrəmə, tərləmə, sinədə sıxıntı və “ölürəm” qorxusu yarana bilər.Panik atak tutanda ilk nə...
26 Yanvar 2026, 10:37
Orqanizmdə suyun gizli yolu
Bir çox insan düşünür ki, sidik birbaşa içdiyimiz sudan yaranır. Ancaq tibbin izahı tam fərqlidir. Mütəxəssislər bildirir ki, sidik əslində sudan yox, birbaşa öz qanımızdan formalaşır.Citypost.az məlumatına görə, prosesi sadə dillə izah etsək, içdiyimiz bir qurtum su əvvəlcə yemək borusundan mədəyə, daha sonra isə bağırsaqlara keçir. Suyun əsas hissəsi məhz bağırsaqlarda sorularaq qana qarışır. Bundan sonra su artıq bədənin qan dövranı sisteminin bir hissəsinə çevrilir.Qan şərti olaraq iki hissədən ibarətdir: plazma və qan hüceyrələri. Plazma əsasən sudan ibarət olan maye hissədir və faydalı maddələrin daşınmasında mühüm rol oynayır. Qan böyrəklərdən keçərkən isə bu orqanlar güclü filtr kimi fəaliyyət göstərir.Böyrəklər qandan...
24 Yanvar 2026, 20:31
