YAXŞI ADAM  

Mənə hərdən elə gəlir ki, yaxşı adam ifadəsi, yaxşı adam anlayışı yavaş-yavaş dilimizdən, orfoqrafiyamızdan silinəcək. Bəlkə də elə insanlar var ki, bu ifadəni sonuncu dəfə nə zaman işlətdiklərini və yaxşı adamla haçan təmasda olduqlarını artıq unudublar. Dostum, tanınmış şair uzun müddət Azərbaycan Kommunist Partiyası Mərkəzi Komitə Aparatında məsul vəzifələrdə çalışmış, mərhum Ramiz Məmmədzadə mən “Yazıçı” nəşriyyatının direktoru olan zaman “İşıq günü” şeirlər kitabının çapı ilə bağlı nəşriyyata gəlmişdi. Məşhur şair Şamxal Rüstəm də mənim yanımda idi. Şamxal bizə Əjdər Olun ona  etdiyi maddi və mənəvi, təmənnasız yaxşılıqlardan danışırdı. Ramiz müəllim, dərhal Şamxalın sözünü kəsib, ağzında qoydu: “Şamxal, sən Allah lazım deyil, danışma, onsuzda biz bilirik ki, O yaxşı adamdır. Kasıb-kusuba, xüsusən qələm adamlarına əlindən gələn yaxşılığı əsirgəyən deyil. Onun adını orda-burda çəkib yazığı dilə-dişə salma. Sən bilirsənmi ki, yaxşı adamlara bir qayda olaraq yüksək vəzifə, imtiyaz vermirlər.Adamlara yaxşılıq elədiyini eşidib onu işdən çıxararlar, tutarlar. Nə edib,edib də... Allah köməyi olsun. Bir daş altda, bir daş üstdə... Dilini dinc saxla. Onun adını və etdiklərini yaz ürəyinə. Elə bilirsən onun yaxşı adam olduğunu biz bilmirik?”.

Ramiz müəllimin Şamxal Rüstəmə yarı zarafat, yarı ciddi dediklərinə güldük. Sonralar isə Əjdər Olu həqiqətən tutdular və 8 il 6 ay cəza verdilər. Amma, daha bilmədim yaxşılıq etdiyinə görə tutdular, ya digər bir əməlinə görə...

Başqalarını deyə bilmərəm, mən yaxşı adamlarla çox rastlaşıb, təmasda olmuşam. Siz düşünməyin ki, barələrində danışacağım adamlar  mənə hansısa böyük bir yaxşılıq ediblər və məhz ona görə də barələrində ağız dolusu danışıram. Ancaq,adını indi aşağıda çəkəcəyim insanların hər biri ilə şəxsi münasibətlərim olduğu üçün onların ətrafdakılara necə həssaslıqla yanaşdıqlarının şahidi olmuşam. Yaxşı insan kimi tanıdığım, yaxşılıq etdiklərinin dəfələrlə şahidi olduğum həmin adamların adlarını çəkməsəm böyük günah etmiş olaram.

1. Aslan Aslanov (akademik, 15 ilə yaxın Mədəniyyət və İncəsənət İnstitutunun rektoru, AMEA-nın akademik katibi, Fəlsəfə və Hüquq İnstitutunun direktoru, məşhur “Lalələr” mahnısının sözlərinin müəllifi)

2. Nizaməddin Şəmsizadə (filologiya elmləri doktoru, professor, Dövlət Mükafatı Laureatı, AMEA-nın Ədəbiyyat İnstitutunun şöbə müdiri, Bakı Dövlət Universitetində və Mədəniyyət və İncəsənət Universitetində kafedra müdiri).

3. Firudin Hüseynov (filologiya elmləri doktoru, professor, Bakı Dövlət Universitetinin kafedra müdiri, Rus dili və Ədəbiyyatı İnstitutunun rektoru).

4. Mehman Cavadoğlu (tanınmış jurnalist, “Sovet kəndi” qəzetinin şöbə müdiri, “Ədalət” və “Azərbaycan” qəzetlərinin redaktoru).

5. Rəşad Məcid (Mətbuat Şurasının sədri, Azərbaycan Yazıçılar Birliyinin sədr müavini, Azərbaycan Prezidenti yanında Əfv Məsələləri Komissiyasının üzvü, “525-ci qəzet”in redaktoru)

6. Qulu Məhərrəmli (filologiya elmləri doktoru, Bakı Dövlət Universitetinin professoru, uzun müddət “Az TV”-də məsul vəzifələrdə çalışıb).

7. Qənirə Paşayeva (tanınmış telejurnalist, Beynəlxalq Mükafatlar Laureatı, Milli Məclisin III, IV,V,VIçağırış deputatı).

8. Aydın Səlimzadə (tarix elmləri namizədi, yazıçı, “Elm” qəzetinin baş redaktoru).

9. Mehdi Səlimzadə (siyasi elmlər üzrə fəlsəfə doktoru,Beynəlxalq Ekoenergetika Akademiyasının professoru,Milli Məclisin Özünüidarəetmə Məsələləri üzrə Daimi Komissiyasında ekspert, Mərkəzi Seçki Komissiyasının üzvü, Azərbaycan Bələdiyyə Qurumları Həmkarlar İttifiqının təsis edilməsi ilə bağlı yaradılan təşkilat qrupunun rəhbəri və Komitənin ilk sədri, Göyçay rayon İcra Hakimiyyətinin Başçısı, ədliyyə general-mayoru).

(Adlarını sadaladığım bu adamlardan dünyasını dəyişib,haqqa qovuşanlar da var.Əgər,həqiqətən cənnət-cəhənnəm məvhumu varsa,mən inanıram ki,o adamlar cənnətdədirlər).

Mehdi Səlimzadədən söz düşmüşkən onunla bağlı bir söhbəti xatırlamaq məncə yerinə düşər. Göyçayın ucqar kənd məktəbində müəllim işləyən bir tələbəlik yoldaşımla təsadüfən görüşdüm. Söz Mehdi Səlimzadədən düşdü. Mənə çox maraqlı bir əhvalar danışdı: “Mehdi müəllim yaxşı adamdır, işlədiyi müddətdə bizim rayonda çox adamlara yaxşılığı dəydi onun... İnanmıram ki, Göyçayda kimsə ondan narazılıq etsin. İndidə də Göyçaya gəl-gedi var. Eşitmişəm ki, vəzifədən uzaqlaşadan sonra kəndlərdən birinə yas yerinə gəlibmiş . Onun xələfi Natiq  müəllim də orada olub. Hamı Mehdi müəllimin başına yığışıb, onunla görüşüb, hal-əhval tutub, dərdlərini danışırlarmış. Mehdi müəllim insanlara təşəkkürünü bildirib və sonra deyib ki, başçınız indi mən yox, Natiq müəllimdir. Yaxşı olar ki, xahişinizi ona edəsiniz. Kənd camaatı isə deyib ki, Mehdi müəllim,bizim başçımız sizsiniz. Biz sizi tanıyırıq”. 

Mehdi Səlimzadənin Göyçaya rəhbərlik edərkən rayonda öz daxili imkanları hesabına gördüyü işlərin bir qismini nəzərənizə çatdırmaq istəyirəm: Bayraq muzeyi, rayonun ucqar kəndlərində 4 modul tipli orta məktəb, 2 nömrəli şəhər, Potu və Ləcibulaq kənd məktəblərinin əsaslı təmiri, rayonun girişində saat kompleksi, Vətən Müharibəsi şəhidi Mitalib Xudiyevin ailəsi üçün ev, Çayarxı,Müskünlü,Qarabaqqal kəndlərində uşaq bağçası və məscidin tikintisi,məcburi köçkünlər üçün çoxmərtəbəli binanın inşası, stadionun əsaslı təmiri, yeni avtovağzal və bazar kompleksinin tikintisi, Rayon Mədəniyyət Mərkəzinin, 4 məscidin və Şəhidlər Xiyabanının əsaslı təmiri, Kürdşaban kəndində imkansız ailəyə 3 otaqlı evin tikilib təhvil verilməsi, sel nəticəsində uçmuş kənd körpülərinin bərpası,Şəhidlər Xiyabanında Xocalı Soyqırımı və 1918-ci ildə ermənilərin törətdiyi soyqırım abidələri,şəhər parkında "Əbədi yaşar ədiblər" kompleksi,Əli Kərim parkının, şəhidlərin adını daşıyan rayon daxili yolların,şəhər qəbiristanlığına gedən yolun təmiri və müasir üslubda hasarlanması ,eləcə də yeraltı keçidin əsaslı təmiri və s. onun İcra Hakimiyyəti Başçısı olduğu dövrdə gördüyü işlərin kiçik bir qismidir.    

Elə sabiq icra başçıları var ki,onlar çalışdıqları rayona bir daha üz tuta bilmirlər,ya da qorxa-qorxa gedirlər.Onlardan bəzilərini,məsələn,Qubanın sabiq icra başçısı Rauf  Həbibovu və İsmayıllının sabiq icra başçısı Nizami Ələkbərovu əhali əlinə ağac alıb,rayondan qovub çıxardılar.Onlara məxsus  evləri  və obyektləri yandırdılar.Mehdi Səlimzadə isə bu gün də Göyçaya başı dik,alnı açıq gedib-gəlir.Çünki,O yaxşı adamdır...

Həmçinin oxuyun

Ədliyyə Nazirliyində mühüm postlar niyə boş saxlanılır?

Məşhur müğənnilərin müəllimi dünyasını dəyişdi

Qar yağacaq - DİQQƏT!

Nərgiz Paşayevanın doğum günüdür

Müəllif: Mirzə Şəmsi