Qırğızıstanlı səfirin Ağdamda səmimi görüntüləri: Bulaqdan su içdi,şəhidlərin ruhuna dualar oxudu — FOTOLAR  

Qırğız  Respublikasının Azərbaycan Respublikasındakı fövqəladə və səlahiyyətli  səfiri cənab  Maksat  Mamıtkanov Qarabağın işğaldan azad olunmuş ərazilərinə səfərə  gedib.

Bu barədə  СityPost.az-a  Qırğız  Respublikasının Azərbaycan Respublikasındakı  Səfirliyindən məlumat daxil olub.

Səfər çərçivəsində  Ağdam rayonunda  yerləşən Ayköl Manas adına Xıdırlı kənd tam orta məktəbində  Qırğız Respublikasının Azərbaycan Respublikasındakı Səfirliyi və Türk Ticarət Mərkəzinin  birgə tədbirinin keçirilməsi nəzərdə tutulur.

19 dekabr 2025-ci il tarixdə baş tutacaq görüşdə Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəsi cənab Emin Hüseynov,Qırğız  Respublikasının Azərbaycan Respublikasındakı fövqəladə və səlahiyyətli  səfiri cənab  Maksat  Mamıtkanov, Türk Ticarət Mərkəzinin (TTM) direktoru  cənab  Yılmaz Okuklu, Azərbaycan-Türkiyə İş Adamları Birliyinin İdarə heyətinin üzvü cənab Rafiq Qarayev, Ağdam Rayon İcra Hakimiyyətinin başçısı cənab Vaqif  Həsənov və digər  şəxslər iştirak edəcəklər.

Qırğız  Respublikasının Azərbaycan Respublikasındakı Səfirliyinin və  Türk Ticarət Mərkəzinin  birgə həyata keçirdiyi  tədbir zamanı qarşıdan gələn 31 Dekabr Dünya Azərbaycanlılarının Həmrəylik Günü, 4 dekabr "Manas Dastanı Günü" və 11 dekabr “Beynəlxalq Dağlar Günü” münasibəti ilə Ağdam rayon sakinləri ilə  görüş  nəzərdə tutulur.

Qırğız Respublikasının Azərbaycan Respublikasındakı Səfirliyi və Türk Ticarət Mərkəzinin birgə ideyası olan bu tədbirin təşkil olunmasında məqsəd ölkələr arasındakı tarixi  qardaşlıq bağlarını daha da möhkəmləndirmək,ölkə liderlərinin yürütdükləri  siyasətə dəstək vermək və işğaldan azad olunmuş ərazilərə,öz doğma yurdlarına qayıtmış Azərbaycan vətəndaşları ilə birgə olduqlarını  nümayiş etdirməkdir.

Cənab səfirin işğaldan azad olunmuş Qarabağ torpaqlarına heç bir xüsusi mühafizə qoruması  olmadan getməsi və insanlarla səmimi görüşü diqqəti cəlb edib.O,Ağdamın Kəngərli kəndində  sakinlərlə  birgə  nahar edib,çay süfrəsində səmimi hisslərini bölüşüb.

Hər zaman Azərbaycan xalqına qardaş mövqeyində dayanan Qırğızıstan Respublikasının səfiri Ağdam rayonu,Əlimədədli kənd şəhidlərinin ruhuna dualar oxuyub və onlar haqqında məlumatlar əldə edib.

Həmçinin oxuyun

Qırğızıstanlı səfirin Ağdamda səmimi görüntüləri: Bulaqdan su içdi,şəhidlərin ruhuna dualar oxudu — FOTOLAR  

Balakəndə özlərini jurnalist kimi təqdim edərək stomatoloqlardan pul tələb edən şəxslər saxlanılıb 

Naxçıvanda bir sıra qurumlar birləşib 

DİM Kamran Əsədovun əməlləri ilə bağlı məlumat yaydı - FOTOLAR 

Səfər öncəsi cənab səfir  Ağdamda  yerləşən “Aidə” bulağından su içib və Qarabağla bağlı təəssüratlarını bölüşüb.

Səfir  Maksat  Mamıtkanov Azərbaycan Dövlətinin Qarabağda gördüyü quruculuq-abadlıq işlərinə heyran qaldığını,bir qardaş ölkənin nümayəndəsi  fərəh  duyduğunu və bu işlərdə qardaş Qırğız Respublikasının hər zaman Azərbaycana dəstək verməyə hazır olduğunu bildirib.

Səfər çərçivəsində cənab səfiri müşayət edən Türk Ticarət Mərkəzinin (TTM) direktoru  cənab  Yılmaz Okuklu bu kimi  tədbirlərin dost,qardaş münasibətdə olan ölkələr arasında daha çox keçirilməsinin  əhəmiyyətini qeyd edib. Yılmaz Okuklu  qarşıdan gələn Dünya Azərbaycanlılarının Həmrəylik Günü münasibəti ilə Ağdam rayon sakinləri ilə nəzərdə tutulan görüşün mənəvi əhəmiyyətindən də danışıb.

O,bu kimi tədbirləri dost xalqların əbədi qardaşlıq münasibətlərinin davamı kimi qiymətləndirib.

Səfər çərçivəsində I Qarabağ Müharibəsinin döyüşçüsü, Azərbaycan-Türkiyə İş Adamları Birliyinin İdarə heyətinin üzvü cənab Rafiq Qarayev  tarixi torpaqlarımız barədə cənab səfirə və digər qonaqlara məlumatlar verib.

Qeyd edək ki,19 dekabr 2025-ci il tarixdə  Qırğızıstan Respublikasının  dəstəyi ilə tikilmiş,Ağdam rayonunda  yerləşən Ayköl Manas adına Xıdırlı kənd tam orta məktəbində  yerli sakinlərlə görüş keçiriləcək.

Görüş zamanı 500  ailəyə,o cümlədə 200-ə yaxın şagirdə bayram sovqatı paylanılacaq.

Bu kimi tədbirlərin Qarabağın işğaldan azad olunmuş digər ərazilərində də  silsilə şəklində davam etdirilməsi nəzərdə tutulur.