Sahil Babayev qərar verdi: Maliyyə Nazirliyinə tabe olan bu idarələr ləğv edilir
Cəmiyyət 14 Fevral 2026, 19:51
1648
Maliyyə naziri Sahil Babayev tərəfindən imzalanan son qərara əsasən Dövlət Xəzinədarlıq Agentliyinin (DXA) regional idarələri ləğv ediləcək və fəaliyyət mərkəzləşdirilmiş, daha çevik idarəetmə modeli çərçivəsində davam etdiriləcək.
Nazirlik rəsmisi Mayis Piriyev bildirib ki, bu islahat dövlət maliyyəsinin idarə olunmasında rəqəmsallaşmanın genişləndirilməsi, büdcə vəsaitlərinin ünvanlı və səmərəli istifadəsinin təmin edilməsi məqsədini güdür. Yenidən təşkil olunan strukturlarda isə əməkdaşların hüquq və əmək münasibətləri normativ hüquqi aktlara uyğun tənzimlənəcək.
DXA-nin regional idarələrinin ləğvi və mərkəzləşdirilməsi dövlət büdcəsinin idarə olunmasında səmərəliliyi necə artıracaq? Bu dəyişikliklərin işçilərə təsiri hansı şəkildə qiymətləndirilə bilər?
CityPost.az bildrir ki, Globalinfo.az-a danışan iqtisadçı Eyyub Kərimli deyib ki, Dövlət Xəzinədarlıq Agentliyində regional idarələrin ləğv edilərək mərkəzləşdirilmiş modelə keçilməsi dövlət maliyyə idarəçiliyinin struktur və texnoloji modernləşdirilməsi istiqamətində atılmış mühüm addımdır:
Həmçinin oxuyun
“Bu qərar fiskal idarəetmənin daha çevik, operativ və rəqəmsal əsasda qurulmasına xidmət edir. Səmərəlilik baxımından mərkəzləşdirmə idarəetmə proseslərinin sürətləndirilməsinə, vahid qərarvermə mexanizminin formalaşmasına və büdcə əməliyyatlarının vahid platforma üzərindən icrasına imkan yaradacaq. Bu istiqamətdə qərarvermə zəncirinin qısaldılması, təkrar prosedurların aradan qaldırılması və proseslərin vahid mərkəzdən idarə olunması nəticə etibarilə vəsaitlərin hərəkətinin daha şəffaf izlənilməsini və operativ müdaxilə imkanlarının genişlənməsini təmin edəcək”.
İqtisadçının fikrincə, ikinci mühüm istiqamət rəqəmsallaşdırmanın real və sistemli tətbiqidir: “Mərkəzləşdirmə, adətən, elektron xəzinədarlıq sistemlərinin geniş tətbiqi ilə müşayiət olunur. Bu isə kağız sənəd dövriyyəsinin minimuma endirilməsinə, insan faktorundan qaynaqlanan risklərin azalmasına, eləcə də audit və monitorinq imkanlarının genişlənməsinə şərait yaradır. Digər tərəfdən isə struktur dəyişikliyi xərclərin optimallaşdırılmasına və idarəetmə xərclərinin azaldılmasına xidmət edir. Resursların daha məqsədyönlü istifadəsi büdcə vəsaitlərinin səmərəliliyini artırır və maliyyə intizamını gücləndirir”.
Eyyub Kərimli deyib ki, bu tip struktur islahatları, eyni zamanda, kadr siyasətində müəyyən dəyişiklikləri zəruri edir:
“Əməkdaşların yenidən ixtisaslaşması, onların digər struktur bölmələrdə yerləşdirilməsi və rəqəmsal bacarıqlarının artırılması aktuallaşır. Bu yanaşma yeni kadr modelinin formalaşmasına və əməkdaşların sosial təminat mexanizmlərinin qorunmasına da müsbət təsir göstərə bilər”.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Azərbaycan XİN Türkiyədə məktəblərə silahlı hücumlarla bağlı başsağlığı verib
Azərbaycan Xarici İşlər Nazirliyi Türkiyədə dünən və bu gün məktəblərə silahlı hücumlarla bağlı başsağlığı verib.CityPost.az xəbər verir ki, bu barədə XİN-in “X” hesabında bildirilib.“Qardaş Türkiyədə bu gün və dünən orta məktəblərdə baş vermiş silahlı hücum hadisələri bizi dərindən kədərləndirdi. Həlak olanların ailələrinə və yaxınlarına dərin hüznlə başsağlığı verir, bu zorakılıqdan zərər çəkən hər kəslə, qardaş Türkiyə xalqı və hökuməti ilə həmrəy olduğumuzu bildiririk. Yaralananlara tezliklə şəfa diləyir, bu ağır günlərdə qardaş Türkiyə xalqına səbir və güc arzulayırıq”,-deyə paylaşımda bildirilib....
15 Aprel 2026, 19:57
Bu qurumda maaşlar artırıldı - Baş Nazirdən QƏRAR
Baş nazir Əli Əsədov Səhiyyə Nazirliyinin tabeliyində olan körpələr evinin işçilərinin maaşlarının artırılmasına dair qərar imzalayıb.CİTYpOST.AZ xəbər verir ki, qərara əsasən, Səhiyyə Nazirliyinin tabeliyində olan körpələr evinin işçilərinin Vahid Tarif Cədvəli ilə müəyyən olunmuş tarif (vəzifə) maaşlarına Nazirlər Kabinetinin müəyyən etdiyi qaydada 1,5-3 dəfə artım əmsalları tətbiq edilib.Sözügedən qərarla büdcədən maliyyələşdirilən səhiyyə işçilərinin əməyinin ödənilməsi sistemi, növləri və məbləğində dəyişiklik edilib....
15 Aprel 2026, 18:40
Müdafiə Nazirliyi MAXE qəbuluna başlayır
Əlahiddə Ümumqoşun Orduda (ƏÜO) müddətdən artıq həqiqi hərbi xidmətə könüllü daxil olmaq arzusunda olan vətəndaşların qəbuluna başlanılır. Bu barədə Citypost.az-a Müdafiə Nazirliyinin mətbuat xidmətindən məlumat verilib.Qeyd edilib ki, müddətdən artıq həqiqi hərbi xidmətə (MAXE) sənəd qəbulu mayın 15-dək Əlahiddə Ümumqoşun Ordunun Təlim və Tədris Mərkəzində (Ünvan: Naxçıvan Muxtar Respublikası Naxçıvan şəhəri, 1 nömrəli hərbi şəhərcik) həyata keçiriləcək:"Müddətdən artıq həqiqi hərbi xidmət hərbi qulluqçularının hazırlığı kursu"na ən azı ümumi orta təhsilli, müddətli həqiqi hərbi xidmətini başa vurmuş 35 yaşınadək hərbi vəzifəlilər (zabit, gizir, miçman hərbi rütbəsi olanlar istisna olmaqla), eləcə də ixtisasını dəyişmək və ya artırmaq arzusunda olan Silahlı Qüvvələrdə müddətdən artıq...
15 Aprel 2026, 17:52
Nazirlər Kabinetinin bu səlahiyyəti ləğv edilib
Nazirlər Kabinetinin səlahiyyətlərin biri ləğv edilib.Citypost.az-ın xəbərinə görə, bu, Prezident İlham Əliyevin təsdiqlədiyi “Müdafiə haqqında” qanuna edilən dəyişiklikdə əksini tapıb.Nazirlər Kabinetinin silahların və strateji materialların ixracı üzərində nəzarəti təşkil etmək səlahiyyəti ləğv edilib.
15 Aprel 2026, 17:46
Ordubaddakı "Ərbabın iş yeri" adlı tarixi binanın bərpası ilin sonunadək tamamlanacaq
Ordubad rayonundakı "Ərbabın iş yeri" adlı tarixi binanın bərpasının ilin sonunadək tamamlanması planlaşdırılır."Report"un yerli bürosu xəbər verir ki, bunu jurnalistlərə açıqlamasında binanın bərpa layihəsinin rəhbəri Fərid Kazımlı deyib.Onun sözlərinə görə, artıq binanın bərpasına başlanılıb və işlərin təxminən 50 faizi tamamlanıb:"Qaba işlər yekunlaşıb, hazırda təmir mərhələsinə keçirik. Əsas məqsəd tikilinin ilkin memarlıq üslubunu qoruyaraq onu əvvəlki görkəminə qaytarmaqdır".Qeyd olunub ki, bərpa prosesi Mədəniyyət Nazirliyi ilə razılaşdırılmış şəkildə həyata keçirilir. Tarixi binanın bütün ornamentləri və memarlıq elementləri öz ilkin formasına uyğun şəkildə yenidən bərpa ediləcək....
15 Aprel 2026, 17:23
Zəngilan rayonunda 91 milyon manatlıq tender elan edilib
Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidməti Zəngilan rayonu, Zəngilan kənd yaşayış məntəqəsində fərdi yaşayış evləri, çoxmənzilli binalar və mühəndis kommunikasiya sistemlərinin tikinti-quraşdırma işlərinin satın alınması üçün tender elan edib.Oxu.Az-ın məlumatına görə, qurum layihə çərçivəsində görüləcək işlər üçün 90 milyon 924 min 427 manat ödəməyi planlaşdırır.Qeyd edək ki, keçiriləcək tenderdə iştirak haqqı 10 000 manat müəyyən edilib.
15 Aprel 2026, 17:14
