Bir qrup kino xadimi ölkə başçısına müraciət etdi
Cəmiyyət 21 Sentyabr 2026, 15:57
1051
Bir qrup kino xadimi Azərbaycan Kinematoqrafçılar İttifaqında (AKİ) sentyabrın 11-də keçirilən konfransla bağlı Prezident İlham Əliyevə açıq müraciət edib.
Citypost.az “Yeni Sabah”a istinadən xəbər verir ki, müraciətə xalq artistləri və əməkdar artistlər, habelə kinorejissorlar, kinooperatorlar, prodüserlər, ssenaristlər və digər kino xadimləri imza atıblar.
Onlar müraciətin sonunda dövlət başçısının məsələyə müdaxilə etməsini və qarşılaşdıqları problemlərin həllinə kömək göstərməsini xahiş ediblər:
“Azərbaycan Respublikasının Prezidenti Cənab İlham Əliyevə:
Hörmətli cənab Prezident! Ümidvarıq ki, həyatını Azərbaycan milli kino sənətinə həsr etmiş kinematoqrafçıların öz Prezidentindən kömək istəməsini anlayışla qarşılayacaqsınız.
Siz hər zaman mədəniyyətimizə, o cümlədən kino sənətinə və kino xadimlərinə həssaslıqla yanaşmısınız. Buna görə birbaşa Sizə müraciət etmək qərarına gəldik.
Bildiririk ki, sentyabrın 11-də Azərbaycan Kinematoqrafçılar İttifaqının (AKİ) ümumi Konfransı keçirildi. Təəssüf ki, AKİ-nin Ali orqanı sayılan bu Konfransda çoxsaylı qanun pozuntularına yol verildi. İttifaqın nizamnaməsinin tələbləri və prosedur qaydaları nəzərə alınmadan, qərarlar aşkar etinasızlıq və volyuntarist tövrlə qəbul edildi.
Kino İttifaqına sədr seçilməsi isə, haqsızlıq və qanunun tələblərinin kobud şəkildə pozulması ilə müşayiət olundu. Sədr vəzifəsinə alternativ namizədlər irəli sürmək istəyən kino xadimlərinə danışmaq üçün hər hansı imkan verilmədi. Biz, bu sayaq amiranəliyi, birmənalı olaraq üzvlərin seçmək və seçilmək hüququnun məhdudlaşdırılması kimi qiymətəndiririk.
Səbəbini və zərurətini izah etmədən, hətta, siyahıda kimlərin olduğunu belə açıqlamadan, 87 nəfər İttifaq üzvünün AKİ sıralarından xaric edilməsi qərarı verildi.
Eyni qaydada - müzakirəsiz, bir çox Konfrans iştirakçısının təklif və istəkləri nəzərə alınmadan, (əvvəlcədən hazırlanmış siyahı ilə) AKİ-yə yeni İdarə Heyəti "seçildi".
Saxta yetərsay görüntüsü yaratmaq üçün Kino İttifaqının üzvü olmayan kənar şəxslərə mandatlar paylandı, səs komissiyası bir dəfə də olsun lehinə və ya əleyhinə olanların sayının elan etmədi.
Təəssüf ki, bütün bu qanunsuzluqlara, dolayısı ilə müdaxilə etmək səlahiyyətində olan əlaqədardır orqanlar da seyrçi mövqeyi tutdular.
Həmçinin oxuyun
Üzvlərin əksəriyyətinə qarşı nümayiş olunan hörmətsizlik, rəsmi tədbirin əvvəlindən sonuna qədər davam etdi. Və bütün bunlar 200-dən artıq kino işçisinin, eləcə də onlarca jurnalistin gözü önündə baş verdi... Düşünürük ki, sonradan KİV səhifələrində, habelə sosial media şəbəkələrində on minlərlə neqativ rəy və etirazlar məhz yuxarıda sadalanan ədalətsizliyin nəticəsində yarandı.
Əlbəttə, Konfransda şahid olduğumuz aşkar haqsızlıqlar çoxlarında böyük təəssüf hissi, o cümlədən xeyli suallar doğurdu.
Əminik ki, digər layiqli namizədlər olduğu halda, "baş tutan" alternativsiz sədr seçkisinin heç vəchlə ədalətli, şəffaf və demokratik prinsiplər əsasında keçirildiyini iddia etmək olmaz.
Hesab edirik ki, bu kimi hallar yalnız ayrı-ayrı şəxslərin deyil, bütövlükdə kino ictimaiyyətinin hüquq və maraqlarına toxunur.
Hörmətli cənab Prezident!
Üzləşdiyimiz problemlərə müdaxilə etməyinizi Sizdən xahiş edirik.
Dərin hörmət və ümidlə;
1. Məbud Məhərrəmli - Xalq artisti.
2. Nizami Abbas - kinooperator, Əməkdar İncəsənət xadimi.
3. Zemfira Sadıqova - Əməkdar artist, Prezident təqaüdçüsü.
4. Suqra Bağırzadə - Əməkdar artist, fəxri doktor.
5. Xalidə Quliyeva - Xalq artisti.
6. Rövşən Quliyev - kinooperator, Əməkdar İncəsənət xadimi.
7. İsmayıl Qasımov - prodüser.
8. Eldəniz Quliyev - yazıçı, kinodramaturq.
9. Mübariz Nağıyev - kinorejissor, prodüser.
10. Ötkəm İskəndərov - Əməkdar artist.
11. Vaqif Azəryar - kinorejissor.
12. Məhərrəm Musayev - aktyor.
13. Sirac Mustafayev - prodüser, ssenarist.
14. Nicat Dadaşov - ssenarist.
15. Kənan Musayev - kinorejissor.
16. Murad Abdullayev - kaskadyor.
17. Manaf Dadaşov - aktyor.
18. Fərhad İsrafilov - Əməkdar artist.
19. Xatirə Süleymanova - Əməkdar artist
20. Gülsabah Quliyeva - Əməkdar artist, dosent.
21. Maarif Məhərrəmbəyli - kinorejissor.
22. Namiq Ağayev - rejissor, aktyor.
23. Səyyad Bayramov - rəssam.
24. Zülfiyyə Eldar qızı - aktrisa.
25. Pərviz Məmmədov - ssenarist.
26. Mahir Dərviş - rejissor, aktyor.
27. Kəmalə Məhərrəmova - ssenarist.
28. Nəriman Əbdülrəhmanlı - kino tarixçisi, ssenarist.
29. Mila Əlibəyova - aktrisa.
Qeyd edək ki, AKİ-nin sədri Xalq artisti Rasim Balayev bu il martın 29-da vəfat edib. Bundan sonra AKİ sədrinin səlahiyyətlərini 81 yaşlı Şəfiqə Məmmədova icra edib. Qurumun katibi olan 52 yaşlı Əli İsa Cabbarovun da namizədliyi irəli sürülmüşdü. Ötən ay isə o, namizədliyini geri çəkdiyini və işdən çıxmaqla bağlı ərizə təqdim etdiyini bildirmişdi.
Xalq artisti Şəfiqə Məmmədova sentyabrın 11-də keçirilən qurultayda Azərbaycan Kinematoqrafçılar İttifaqının (AKİ) yeni sədri seçilib.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Ramiz Mehdiyevi hansı cəza gözləyir? Vəkil AÇIQLADI
Xəbər verdiyimiz kimi, Prezident Administrasiyasının sabiq rəhbəri Ramiz Mehdiyevin məhkəməsi başlayıb. O Cinayət Məcəlləsinin 193-1.3.2 (cinayət yolu ilə əldə edilmiş xeyli miqdarda əmlakı leqallaşdırma), 274 (dövlətə xəyanət) və 278.1-ci maddələri ilə ittiham edilir.Görəsən, bu maddələrlə Ramiz Mehdiyevə nə qədər iş düşür?Citypost.az xəbər verir ki, Vəkil Vamiq Şükürov “Bakupost”a açıqlamasında həmin maddələr üzrə cinayətlərin törədilməsinə görə məhkəmə tərəfindən ömürlük azadlıqdan məhrumetmə cəzasının verilə biləcəyini deyib“Cinayət Məcəlləsinin 278-ci maddəsində hakimiyyətin zorla ələ keçirmə və ya onu zorla saxlama, dövlətin konstitusiya quruluşunu zorla dəyişdirməsi məsələləri yer alıb.278.1-ci maddəsi Azərbaycan Respublikasının Konstitusiyasına zidd olaraq hakimiyyətin zorla ələ keçirilməsinə, yaxud hakimiyyətin zorla saxlanılmasına, habelə dövlətin...
22 Sentyabr 2026, 17:57
Xəzər rayonunda 40 kiloqram narkotik aşkarlanıb
Bakının Xəzər rayonunda 40 kiloqram narkotik aşkarlanıb.Bu barədə Citypost.az-a Daxili İşlər Nazirliyindən məlumat verilib.Bildirilib ki, həyata keçirilən tədbirlərlə narkotik vasitələrin qanunsuz dövriyyəsində şübhəli bilinən Mirzə Hüseynov saxlanılıb. Ondan 40 kiloqram narkotik vasitə aşkarlanıb.Araşdırmalarla saxlanılan şəxsin narkotikləri sosial şəbəkələrdə tanış olduğu, şəxsiyyəti istintaqla araşdırılan xarici ölkə vətəndaşı vasitəsilə əldə etdiyi və paytaxt ərazisində dövriyyəsini təşkil etmək məqsədilə müxtəlif ünvanlara çatdırmağı planlaşdırdığı müəyyən edilib.Araşdırma davam etdirilir....
22 Sentyabr 2026, 17:50
Ermənistan xarici kəşfiyyatının rəhbəri Bakıdadır
Ermənistan Xarici Kəşfiyyat Xidmətinin rəhbəri Kristine Qriqoryan IV Bakı Təhlükəsizlik Forumunda iştirak edir.Citypost.az xəbər verir ki, bu barədə Ermənistan mediası Baş nazir Nikol Paşinyanın mətbuat katibi Melanya Arutyunyana istinadən məlumat yayıb.Kristine Qriqoryanın bu axşam Ermənistana geri dönəcəyi gözlənilir.Qeyd edək ki, qlobal təhlükəsizliklə bağlı IV Bakı Təhlükəsizlik Forumu başlayıb. (APA)
22 Sentyabr 2026, 17:30
ADY: Astara Terminalında avqustda yük aşırılması 50% artıb
Bu ilin yanvar-avqust aylarında Astara Terminalında (İran ərazisində) 537 min tondan çox yük aşırılıb.Bu barədə Citypost.az "Azərbaycan Dəmir Yolları" QSC-yə (ADY) istinadən xəbər verir.Bildirilib ki, bu, ötən ilin eyni dövrünün göstəricisindən təqribən 30 % çoxdur.Təkcə bu ilin avqust ayı üzrə müvafiq göstərici 50 % artımla 76 min ton olub.Xatırladaq ki, tikinti işləri yekunlaşmaq üzrə olan Astara Terminalı tam gücü ilə işə düşdükdən sonra illik 3,5-4 milyon ton yükötürmə həcmi ilə regional yük əməliyyatlarını genişləndirəcək....
22 Sentyabr 2026, 17:30
Azər Məmmədov Xankəndidə vətəndaşları qəbul edəcək
Azərbaycan Dövlət Neft Şirkətinin (SOCAR) "Azəriqaz" İstehsalat Birliyinin rəhbəri Azər Məmmədov Xankəndi şəhərində vətəndaşları qəbul edəcək.Citypost.az "Azəriqaz"a istinadən xəbər verir ki, növbəti vətəndaş qəbulu sentyabrın 25-də saat 11:00-da Xankəndidə (Zona 1, bina 3 - Abadlaşdırma və Kommunal Xidmətlər Departamentinin yerləşdiyi bina) keçiriləcək.Görüşdə Xankəndi şəhərinin, Ağdərə və Xocalı rayonlarının sakinlərinin müraciətləri dinləniləcək.Birlik vətəndaşların diqqətinə çatdırır ki, qəbulda ünvanlanan müraciətlər yalnız "Azəriqaz"ın xidmət sahələrinə aid olmalıdır.Qəbula dair əlavə məlumat almaq istəyənlər Qarabağ Regional Qaz İstismarı İdarəsinə (tel.: 050-844-40-19; 055-227-24-33) müraciət edə bilərlər....
22 Sentyabr 2026, 17:23
Sabiq nazir külli miqdarda borca düşdü
Sabiq əmək və əhalinin sosial müdafiəsi naziri Füzuli Ələkbərova məxsus “İmprotex Group”a daxil şirkətlər – “İmprotex Motors” və “İmprotex Trucks Buses” MMC-nin dövlət qarşısında külli miqdarda borca düşdüyü məlum olub.Citypost.az iqtisadiyyat.az-a istinadla xəbər verir ki, bu barədə məlumat kommersiya qurumlarının dövlət reyestrindən əldə edilib.Dövlət Vergi Xidmətinin Bakı şəhəri Lokal Gəlirlər Baş İdarəsinə “İmprotex Motors”un 108 545.92 manat, “İmprotex Trucks Buses”in isə 970 909.88 manat vergi borcu yaranıb. pizza mizzaXatırladaq ki, “İmprotex” şirkətlər qrupu 1991-ci ildə yaradılıb. F.Ələkbərov nazir işlədiyi müddətdə holdinqə onun həyat yoldaşı – İradə Ələkbərova rəhbərlik edib. Hazırda şirkətlər qrupuna “İmprotex Trucks Buses”, “İmprotex Industries”, “İmprotex Motors”...
22 Sentyabr 2026, 16:55
