Bələdiyyələrin məlumat bazaları vahid sistemdə birləşdirilir 

İqtisadçı ekspert Eldəniz Əmirov bildirib ki, ölkədə qəbul olunan normativ sənədlərin əhəmiyyəti yalnız konkret sektorlarla məhdudlaşmır, eyni zamanda institusional inkişaf və idarəetmə sisteminə təsir göstərir. Onun sözlərinə görə, bu baxımdan Nazirlər Kabinetinin “Bələdiyyələrin vahid informasiya sisteminə ötürüləcək və həmin sistemdən əldə ediləcək məlumatların dairəsi” ilə bağlı qərarı da diqqətəlayiqdir.

Citypost.az xəbər verir ki, E. Əmirov qeyd edib ki, qərar bələdiyyələrin fəaliyyətində yeni mərhələnin başlanğıcı ola bilər. Sənədə əsasən, bələdiyyələrin informasiya sistemi bir sıra dövlət qurumlarının – Daxili İşlər Nazirliyi, Ədliyyə Nazirliyi, İqtisadiyyat Nazirliyi, Maliyyə Nazirliyi, Kənd Təsərrüfatı Nazirliyi, Əmək və Əhalinin Sosial Müdafiəsi Nazirliyi, Dövlət Statistika Komitəsi, Səfərbərlik və Hərbi Xidmətə Çağırış üzrə Dövlət Xidməti və digər qurumların məlumat bazaları ilə inteqrasiya olunacaq.

Ekspert bunun bir neçə mühüm nəticəyə gətirib çıxaracağını vurğulayıb:

1. Bələdiyyələrin məlumat əlçatanlığının artması;
2. Yerli vergi və ödənişlərin uçotunun daha dəqiq aparılması;
3. Torpaq və əmlak münasibətləri üzrə məlumatların vahid bazada formalaşması;
4. Dövlət qurumları ilə bələdiyyələr arasında məlumat mübadiləsinin sürətlənməsi;
5. Bələdiyyələrin elektron dövlət ekosisteminə daha dərin inteqrasiyası.

E. Əmirov bildirib ki, uzun illər bələdiyyələrin üzləşdiyi əsas problemlərdən biri məlumat bazalarının parçalanmış olması olub. Yeni sistem isə bu məlumatların vahid platformada toplanmasına və daha sistemli idarə olunmasına imkan verəcək.

Həmçinin oxuyun

Vüqar Qurbanovun gizli göstərişlərini Şahin Qurbanov icra edirmiş   

Həmid Herişçinin iç üzü açıldı

Aydınlığa aydınlıq gətirən... Unudulmaz Aydın Səlimzadə - ŞƏMSİ VƏFADAR YAZIR

SSRİ dövründə İrana verilən Azərbaycan torpaqları  

Ekspert həmçinin vurğulayıb ki, sistem bələdiyyələrin torpaq münasibətləri, bələdiyyə borcları, alqı-satqı prosesləri və kənd təsərrüfatı torpaqları ilə bağlı məsələləri operativ şəkildə izləməsinə kömək edə bilər. Eyni zamanda yerli büdcə və vergi məlumatlarının dövlət qurumları ilə vahid elektron baza üzərindən formalaşması maliyyə yardımlarının və dotasiya siyasətinin dəqiq qərarlarla həyata keçirilməsinə şərait yaradacaq.

Eldəniz Əmirov əlavə edib ki, sistemin verdiyi imkanlardan maksimum səmərə üçün bələdiyyələr məsuliyyətli və vicdanlı öhdəlik kimi istifadə etməli, inzibati maneələr isə qarşısını almamalıdır. Yalnız bu şərtlər təmin olunduğu halda yerli özünüidarəetmənin potensialı tam reallaşa bilər.