TikTok 2025-ci il ərzində Azərbaycanda 3,6 milyondan çox videonu silib
Cəmiyyət 20 Aprel 2026, 10:15
413
Aparıcı video platforma olan TikTok Azərbaycanda icmanın təhlükəsizliyini prioritet olaraq qorumağa davam edir. Yaradıcılıq üçün rahat mühit yaratmaq məqsədilə platforma innovativ texnologiyalardan istifadə edir, dünya üzrə on minlərlə mütəxəssisi cəlb edir, alət və resurslarını davamlı olaraq təkmilləşdirir.
Bu səylər çərçivəsində TikTok Azərbaycan dilində yeni Etibar və Təhlükəsizlik Mərkəzini istifadəyə verib. Bu mərkəz İcma Qaydalarını, Şəffaflıq Mərkəzini və faydalı məlumat resurslarını vahid bir strukturda birləşdirir. Bu da istifadəçilərə zəruri məlumatları daha sürətli və rahat şəkildə tapmağa imkan verir, şirkətin etibar və təhlükəsizlik məsələlərinə sadiqliyini nümayiş etdirir.
Xüsusilə, Şəffaflıq Mərkəzi platforma qaydalarının tətbiqi ilə bağlı məlumatlara açıq çıxış təmin edir. Buraya silinmiş kontent barədə məlumatlar da daxildir və bu məlumatlar TikTok-un rüblük hesabatlarında mütəmadi olaraq dərc edilir.
TikTok platforması 2025‑ci il ərzində Azərbaycanda 3,6 milyondan çox videonu silib.
2025-ci ilin yekunlarına görə, TikTok Azərbaycanda əvvəlki illə müqayisədə daha çox kontenti silib:
İcma Qaydalarının pozulması səbəbi ilə 3,6 milyondan çox video silinib (2024-cü ildə təxminən 3,1 milyon kontent vahidi silinmişdi).
Videoların 99,3%-i proaktiv şəkildə, yəni şikayət edilməzdən əvvəl silinib (2024-cü ildə bu göstərici 97% təşkil edirdi).
Videoların 96,3%-i dərc edildikdən sonraki 24 saat ərzində silinib (2024-cü ildə bu göstərici 94% idi).
Platforma dünya üzrə nə qədər kontenti silib
2025-ci ilin yekunlarına görə, dünya üzrə:
İcma Qaydalarının pozulması səbəbi ilə 780 milyondan çox video silinib
Videoların 99,1%-i proaktiv şəkildə, yəni şikayət edilməzdən əvvəl silinib
Videoların 94,2%-i dərc edildikdən sonraki 24 saat ərzində silinib
Gənc istifadəçilərin təhlükəsizliyi
Həmçinin oxuyun
TikTok platforması yalnız 13 yaşına çatmış istifadəçilər üçün nəzərdə tutulub və platformanın moderator komandası bu yaş həddinə çatmamış istifadəçilərə aid hesabları müəyyən edib silir. Beləliklə, 2025-ci il ərzində dünya üzrə 13 yaşından kiçik istifadəçilərə aid təxminən 93,5 milyon hesab silinib.
Canlı yayımların təhlükəsizliyi
2025-ci ildə platforma TikTok LIVE populyar canlı yayımları çərçivəsində icma təhlükəsizliyinə xüsusi diqqət yetirib. TikTok-da qeyd ediblər ki, dayandırılmış canlı yayımların sayı əhəmiyyətli dərəcədə artıb və müəlliflərə qarşı tədbirlər, o cümlədən monetizasiyanın dayandırılması və xəbərdarlıqlar tətbiq olunub.
2025-ci il ərzində dünya üzrə təxminən 131 milyon canlı yayım İcma Qaydalarının pozulması səbəbi ilə bloklanıb. 2025-ci ilin ikinci rübündən etibarən TikTok canlı yayımlarda monetizasiya qaydalarının tətbiqi ilə bağlı məlumatları açıqlamağa başlayıb. Bu tədbirlər pozulan kontentin monetizasiyasının qarşısını almağa yönəlib. Əvvəlcə müəlliflərə xəbərdarlıqlar göndərilir ki, onların kontentinin qaydalara uyğun olmaya biləcəyini başa düşsünlər və dəyişiklik etməyə imkanları olsun. Əgər pozuntular davam edirsə, TikTok müəllifin canlı yayımlarda monetizasiya funksiyasına çıxışını məhdudlaşdıra bilər. Beləliklə, 2025-ci ilin üç rübü ərzində dünya üzrə təxminən 24 milyon canlı yayıma və 12,5 milyon müəllifə xəbərdarlıqlar və monetizasiyanın dayandırılması daxil olmaqla tədbirlər tətbiq olunub.
TikTok haqqında
TikTok aparıcı qısa video tətbiqidir. Bizim missiyamız insanları yaradıcı olmağa ruhlandırmaq və onlara sevinc bəxş etməkdir. (APA)
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
DYP hava şəraiti ilə bağlı hərəkət iştirakçılarına müraciət edib
Baş Dövlət Yol Polisi İdarəsi gözlənilən hava şəraiti ilə əlaqədar hərəkət iştirakçılarına müraciət edib.Bu barədə Citypost.az-a idarədən məlumat verilib.Bildirilib ki, Milli Hidrometeorologiya Xidmətinin məlumatına uyğun olaraq, hazırda paytaxt ərazisində, eləcə də respublikanın ayrı-ayrı rayonlarında yağış və fasilələrlə külək müşahidə olunur.Yağışlı, çiskinli havalarda yol örtüyünün sürüşkən olması, görmə məsafəsinin məhdudlaşması və digər kritik hava şərtlərini nəzərə alaraq, sürücülər sürət həddini minimuma endirməli, kifayət qədər ara məsafəsi saxlamalı, nəqliyyat vasitələrinin texniki sazlığına nəzarət etməlidirlər.Yağışlı havalarda hərəkətin çətinliyini nəzərə alaraq, piyadalar daha məsuliyyətli olmalı, yollarda həyat və sağlamlıqları üçün təhlükə yaradan qayda pozuntularından çəkinməlidirlər.Baş Dövlət Yol Polisi İdarəsi bir daha hərəkət iştirakçılarına müraciət...
20 Aprel 2026, 11:38
"AtaSığorta"nın lisenziyası ləğv edilib
Azərbaycan Mərkəzi Bankı (AMB) "Sığorta fəaliyyəti haqqında" qanunun 107.1.1-ci maddəsinə müvafiq olaraq könüllü müraciət əsasında "AtaSığorta" ASC-yə verdiyi 10 noyabr 2009-cu il tarixli, 000300 nömrəli lisenziyanı ləğv edib.Bu barədə Citypost.az-a AMB-dən bildirilib.Məlumata görə, Cəmiyyətin lisenziyasının ləğvi sığorta sektorunun maliyyə dayanıqlılığı və sabitliyinə heç bir təhdid yaratmır. Ləğvetmə prosesi qanunvericilik çərçivəsində nəzarətdə saxlanılacaq.
20 Aprel 2026, 11:27
Tağıyev qəsəbəsində dəm qazından zəhərlənən uşaqların sonuncusu evə buraxılıb
Hacı Zeynalabdin Tağıyev qəsəbəsində dəm qazından zəhərlənən uşaqlardan sonuncusu da ambulator müalicə üçün xəstəxanadan evə buraxılıb.Bu barədə Citypost.az-a TƏBİB-dən məlumat verilib.Bildirilib ki, azyaşlının vəziyyəti qənaətbəxş qiymətləndirilib.Qeyd edək ki, aprelin 1-də Sumqayıt şəhəri Hacı Zeynalabdin Tağıyev qəsəbəsində bir ailənin 6 üzvü dəm qazından zəhərlənib, sonradan, aprelin 3-də 2 yaşlı qız ölüb.
20 Aprel 2026, 11:19
Qanunsuz saxlanılan silahlar aşkarlanıb
Aprelin 18-də və 19-da polis əməkdaşları paytaxt və respublikanın ayrı-ayrı rayonlarında 5 avtomat silahı, 3 qumbara, 2 tüfəng, 7 patron darağı və 30 ədəd patron aşkar edərək götürüblər.Citypost.az xəbər verir ki, bu barədə Daxili İşlər Nazirliyindən bildirilib.DİN-in əməkdaşları tərəfindən qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir.
20 Aprel 2026, 11:04
"Azərpoçt"a yeni rəhbər təyin edilib
“Azərpoçt” MMC-nin İdarə Heyətinin (İH) sədri vəzifəsinə yeni təyinat olub.Citypost.az xəbər verir ki, bu vəzifə Manaf Babayevə həvalə edilib.Qeyd edək ki, M. Babayev bundan öncə Azərbaycan Nəqliyyat və Kommunikasiya Holdinqində (AZCON) Baş Maliyyə Direktorunun müavini olaraq çalışıb. (APA)
20 Aprel 2026, 10:56
Ədalət Verdiyev: Azərbaycan HHQ-ni müasirləşdirməyə davam edir
Hərbi ekspert Ədalət Verdiyev Azərbaycanın yaxın və orta perspektivdə Hərbi Hava Qüvvələrinin pilotlu və pilotsuz aviasiya vasitələri parkını intensiv şəkildə yeniləməkdə davam edəcəyini bildirib. Onun sözlərinə görə, paralel olaraq əldə edilən hava hücum vasitələri üçün müasir və idarəolunan sursatlar da əldə edilir.Citypost.az xəbər verir ki, ekspert qeyd edib ki, bu məqsədlərlə Azərbaycan Türkiyə, İsrail, Çin, Pakistan, İtaliya, Sloveniya və s. ölkələrlə yaxından əməkdaşlıq edir. Son zamanlar Türkiyədən HALE tipli AKINCI PUA-ları, Pakistandan JF-17 THANDER BLOK 3 qırıcıları, İtaliyadan C-27J SPARTAN nəqliyyat təyyarələri və sadalanan vasitələrin sursat və servis dəstləri əldə edilib.Ə.Verdiyev bildirib ki, bütün bunlar Azərbaycanın “Qafqazın Lider Ölkəsi” statusundan...
20 Aprel 2026, 10:50
