Ziddiyyətli adam idi: həm çox sədaqətli, etibarlı dost, eyni zamanda...
Cəmiyyət 07 Avqust 2026, 18:43
2487
Allah rəhmət eləsin Rəfael Allahverdiyevə. Ziddiyyətli adam idi: həm çox sədaqətli, etibarlı dost, eyni zamanda yazdığınız kimi, Bakının əksər ərazisini dədə malı kimi satır, çadırlar, metroların giriş-çıxışını belə, satmışdı. Mənim də rəhmətliklə konfliktim olmuşdu, amma mənim ucbatımdan yox. Demək, 1998-ci ildə Motodromda məskunlaşmış 338 məcburi köçkün ailələsini zorla, polis gücünə çıxartdırmaq istəyirdi. Xəbər tutan kimi, Milli Məclisin iclasında məlumat verdim və getdim ora. Təsəvvür edin, zavallı köçkünlərin üstünə sanki müharibəyə gəlmişdilər. 200-dən çox polis, Şəhər İcra Hakimiyyəti başçısının müavinləri, xeyli sayda mülki şəxslər, “Kamaz”lar, ekskvatorlar, buldozerlər əmrə müntəzir. Kəlbəcərdən, Füzulidən, Ağdamdan, Cəbrayıldan, Zəngilandan zorla qovulmuş köçkün ailələri çıxılmaz vəziyyətdə idilər. Bakı Baş Polis İdarəsinin rəis müavini əməliyyata rəhbərlik etməli idi. Görüşdüm, təbii ki, sərt dialoqumuz oldu, gördüm bunlar R. Allahverdiyevin əmrini gözləyirlər ki, hərəkətə keçsinlər. Rafael müəllim həm də deputat idi. Zəng vurub bu məsələni zorla yox, danışıqlarla, bütün köçkünlərin razılığı ilə həll etməyi xahiş etdim, gördüm adam qətiyyətlə öz fikrinin üstündə dayanır, dedim tələsməyin, gəlirəm Milli Məclisə, orada danışarıq. Dedi heç bir danışıqdan söhbət gedə bilməz, oradan çıxmalıdırlar. Prezident Heydər Əliyev həmin vaxt Gürcüstanda rəsmi səfərdə idi, dedim a kişi, heç olmasa, Prezidenti gözlə gəlsin, nə desə, o olsun. Alınmadı, girdim camaatın arasına, dedim yolu kəsməkdən başqa yolunuz yoxdur, siz yolu— Bakı-Sumqayıt yolunu kəsin, mən Məclisə gedib danışacam. Yol bağlandı və təcili Məclisə qayıtdım, iclasda hansısa qanun layihəsinin müzakirəsi gedirdi. Söz istədim vermədilər, ayağa qalxıb təkidlə söz istədim və məcburən mikrafonumu açdıranda dedim, hörmətli sədr və millət vəkilləri, Motodrom ərazisində acınacaqlı vəziyyət yaranıb, həmkarımız Rafael müəllim o ərazini ərəb şirkətinə 250 min dollara satıb ( dəqiq məlumat almışdım), ağır vəziyyətdə yaşayan məcburi köçkünləri oradan zorla çıxartmaq istəyir. Təklif etdim ki, köçkün rayonların deputatlarını oraya dəvət edirəm. Çıxıb qayıtdım ora, gördüm ki, polislər yavaş-yavaş dağılışır, başa düşdüm ki, zəng vurub deyib ki, bir az gözləyin. İndi deputatlardan danışım, təkcə Ağdamdan seçilən kişi qeyrətli Çimnaz xanım Əliyeva köməyimizə gəldi…Binəqədi rayonunun İcra başçısı Hüseyn müəllimlə sərt söhbətimiz oldu və sonda Prezident Heydər Əliyev xəbər tutan kimi, Rafaili danlayıb ki, seçkiqabağı camaatı niyə hökumətdən narazı salırsan, qoy o köçkünlər yerlərində qalsın. Nə isə, köçkünlər yerlərində qaldılar və bugünədək də orada yaşayırlar. İnşallah, Qarsbağda evlər tikiləndə hamısı qayıdacaq. İnsaf naminə deməliyəm ki, Ulu öndərin Moskvadan Bakıya qayıtdığı gün Rafael müəllim həyatını riskə atıb özcşəxsi maşını ilə aeroportun ərazisinə girib Heydər Əliyevi təyyarədən götürüb gətirmişdi. Yəni Heydər Əliyevə çox sadiq adam olub. Sonralar nə oldu, hansı səhvinin qurbanı oldu, ondan xəbərsizəm. Allah günahlarını bağışlasın.
Əlövsət Ağalarov
Sabiq millət vəkili
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Ərdoğan Rəşad Aslanovun etimadnaməsini təqdim edib.
Türkiyə Prezidenti Rəcəb Tayyib Ərdoğan Prezident Sarayında Azərbaycan səfiri Rəşad Aslanovu qəbul edib.Citypost.az xəbər verir ki, bu barədə Türkiyə Prezident Administrasiyasının “X” hesabında məlumat verilib.Qəbul zamanı səfir Rəşad Aslanov etimadnaməsini Prezident Ərdoğana təqdim edib.
08 Sentyabr 2026, 21:33
Bu gün Jurnalistlərin Beynəlxalq Həmrəylik Günüdür - Ramidə Allahverdiyeva yazır
İllər əvvəl belə bir statistik məlumat oxumuşdum. Dünyada şaxtaçılardan sonra, ən qısa ömür yaşayan peşə sahiblərindən biri də jurnalistlərdir. Yəqin ki, bu qənaət ondan irəli gəlib ki, biz qələm adamları özümüzlə bərabər, neçə-neçə taleyləri, problem və çətinlikləri çiynimizdə daşıyıb, əlac axtarırıq. Bəzən nail oluruq, bəzən yox. Və bütün bunları da daşımağa, həzm edib, yoluna qoymağa cəsarətlə yanaşı, möhkəm ürək də gərəkdir. Ürək isə ovcumuz boyda ət parçasından ibarətdir. Nə daşıdır, nə dəmir. Bu gün Jurnalistlərin Beynəlxalq Həmrəylik Günüdür. Beynəlxalqı lazım deyil. Elə öz içimizdə, aramızda və sıramızda həmrəy, həmfikir olaq. Birləşək, eyni yerə, nöqtəyə külüng vuraq. Məqsədimiz, amalımız bir olsun. Daha bir-birimizi top...
08 Sentyabr 2026, 20:42
Elnur Məmmədov ABŞ-nin Ermənistandakı müvəqqəti işlər vəkili ilə TRIPP-in icrasını müzakirə edib
Azərbaycan xarici işlər nazirinin müavini Elnur Məmmədov ölkədə səfərdə olan ABŞ-nin Ermənistandakı müvəqqəti işlər vəkili Deyvid Aleni qəbul edib.Citypost.az xəbər verir ki, bu barədə Azərbaycan Xarici İşlər Nazirliyi məlumat yayıb.Görüşdə Azərbaycan və Ermənistan arasında münasibətlərin normallaşması, sülh prosesinin irəlilədilməsi, uzunmüddətli və dayanıqlı sülhün təmin olunması, eləcə də regionda sabitlik və təhlükəsizliyin möhkəmləndirilməsi istiqamətində atılan addımlar müzakirə edilib.Eyni zamanda Elnur Məmmədovun Vaşinqton Sülh Sammitinin ildönümü münasibətilə ABŞ-yə etdiyi səfərin nəticələri və imzalanmış üçtərəfli bəyanat, "Beynəlxalq Sülh və Rifah naminə Tramp Marşrutunun" (TRIPP) icrası istiqamətində aparılan fəaliyyət, habelə marşrutla bağlı infrastrukturun inşasına rəhbərlik edəcək TRIPP İnkişaf Şirkətinin yaradılması məsələləri ətrafında fikir mübadiləsi...
08 Sentyabr 2026, 19:39
Məhkəmə "Qazaxlı Alik"in oğlu Fuad Muradov barəsində qərar verib
Hədə-qorxu ilə tələb etmədə təqsirləndirilən Fuad Muradovun barəsində olan hökmdən verilən kassasiya şikayətinə baxılıb.Citypost.az xəbər verir ki, bu gün Ali Məhkəmə hakim Rəsul Abdulovun sədrliyi ilə keçirilən prosesdə qərar elan olunub.Qərara əsasən, şikayət təmin edilməyib və hökm qüvvədə saxlanılıb.Xatırladaq ki, Gəncə Ağır Cinayətlər Məhkəməsinin hökmünə əsasən, Fuad Muradov 6 il 6 ay, Ramil Paşşanov 5 il 6 ay müddətinə azadlıqdan məhrum olunub. Gülnar Hacıyevaya 5 il cəza müəyyən edilib, azyaşlı övladının olmasını nəzərə alaraq, cəza şərti sayılıb və o, məhkəmə zalından azadlığa buraxılıb.Gəncə Apellyasiya Məhkəməsi Ramil Paşşanovun cəzasını azaldaraq 5 ilə endirib. Digərlərinin barəsində olan hökm qüvvədə saxlanılıb.Xatırladaq ki, F....
08 Sentyabr 2026, 19:02
Rusiya vətəndaşı Azərbaycanda 8 il 6 ay müddətinə həbs edildi
Bakı Ağır Cinayətlər Məhkəməsində dövlət əleyhinə açıq çağırışlarda təqsirləndirilən Rusiya vətəndaşı Cahid Kamal İsayevin cinayət işi üzrə məhkəmə prosesi başa çatıb.Citypost.az “Haqqın.az”a istinadən xəbər verir ki, hakim Fərid Namazovun sədrliyi ilə keçirilən iclasda hökm elan olunub.Məhkəmənin hökmü ilə Cahid Kamal İsayev 8 il 6 ay müddətinə azadlıqdan məhrum edilib.Xatırladaq ki, o, 2025-ci ilin noyabrında Türkiyəyə səfəri zamanı saxlanılaraq Azərbaycana ekstradisiya olunub.C.İsayevə Cinayət Məcəlləsinin 281.2-ci (dövlət əleyhinə yönələn açıq çağırışların bir qrup şəxs tərəfindən edilməsi), 281-1.2-ci (Azərbaycan Respublikasının ərazi bütövlüyünün parçalanmasına yönələn atribut və rəmzlərin bir qrup şəxs tərəfindən yayılması) və 283.2.1-ci (zor tətbiq etməklə və ya zor tətbiq etmək hədəsi...
08 Sentyabr 2026, 18:30
DİN Amerika Polis Qüvvələri Birliyində müşahidəçi statusu əldə edib
Amerika Polis Qüvvələri Birliyinin (AMERİPOL) Direktorlar Şurasının 5-ci Fövqəladə Sammiti çərçivəsində Azərbaycanın Daxili İşlər Nazirliyinin (DİN) təşkilatda müşahidəçi statusunda təmsil olunması təmin edilib.Bu barədə Citypost.az-a DİN-dən məlumat verilib.Bildirilib ki, müvafiq status Daxili İşlər Nazirliyinin AMERİPOL-a üzv dövlətlərin aidiyyəti hüquq-mühafizə orqanları ilə əməkdaşlıq əlaqələrinin genişləndirilməsi, beynəlxalq polis əməkdaşlığı çərçivəsində qarşılıqlı məlumat və qabaqcıl təcrübə mübadiləsinin aparılması, eləcə də təşkilatın müvafiq tədbirlərində iştirak imkanlarının artırılması baxımından mühüm əhəmiyyət daşıyır.Müşahidəçi statusu eyni zamanda transmilli mütəşəkkil cinayətkarlıq, narkotik vasitələrin qanunsuz dövriyyəsi, kibercinayətkarlıq, ekstremizm, insan alveri və digər müasir təhdidlərə qarşı mübarizə sahəsində beynəlxalq əməkdaşlığın daha da inkişaf etdirilməsinə xidmət edir....
08 Sentyabr 2026, 18:00
