Fransanın sabiq Baş naziri barəsində istintaq başladılıb
Dünya 21 May 2026, 08:46
305
Fransanın Maliyyə Cinayətləri üzrə Milli Prokurorluğu sabiq Baş nazir Dominik dö Vilpənə qarşı dövlət vəsaitinin mənimsənilməsinin gizlədilməsi ittihamı üzrə istintaq başladıldığını açıqlayıb.
AZƏRTAC xəbər verir ki, bu iş onun 2002–2004-cü illərdə xarici işlər naziri olarkən aldığı hədiyyə heykəlciklərlə bağlıdır. Prokurorluğun Fransa mediası tərəfindən yayımlanan bəyanatına görə, istintaqın açılmasının səbəbi aprel ayının sonunda “France Télévisions” kanalında yayımlanan “Complément d’Enquête” proqramında səsləndirilən iddialar olub.
Veriliş zamanı “Françafrique” şəbəkələri ilə əlaqələndirilən fransız-livanlı lobbiçi Rober Burji Dominik dö Vilpənə iki Napoleon heykəlciyinin hədiyyə edilməsində vasitəçi rolu oynadığını bildirib. Onun sözlərinə görə, həmin hədiyyələrin maliyyələşdirilməsində Burkina-Fasonun sabiq Prezidenti Blez Kompaore və italiyalı iş adamı Cian Angelo Perruçi iştirak edib.
Rober Burji qeyd edib ki, heykəlciklərdən biri 75 min avroya, digəri isə 50 min avroya alınıb. Beləliklə, hədiyyələrin ümumi dəyərinin təxminən 125 min avro olduğu bildirilir.
Həmçinin oxuyun
2027-ci il Fransa prezident seçkilərində potensial namizəd kimi göstərilən Dominik dö Vilpən mayın 10-da bu hədiyyələri qəbul etməklə səhvə yol verdiyini etiraf edib. Bununla belə, o, hər hansı qanunsuz əməl törətdiyini rədd edib.
İstintaq çərçivəsində hədiyyələrin hansı şəraitdə təqdim edildiyi və onların qəbulunun Fransa dövlət məmurları üçün qüvvədə olan qaydalara əsasən cinayət tərkibi yaradıb-yaratmadığı araşdırılacaq.
Hazırda sabiq Baş nazir bu yeni istintaq qərarı ilə bağlı əlavə açıqlama verməyib.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Şoyqu Ermənistanı iqtisadiyyatı ilə hədələdi
Rusiya Təhlükəsizlik Şurasının katibi Sergey Şoyqu Rusiya-Ermənistan münasibətləri ilə bağlı bir sıra açıqlamalar verib.Citypost.az "Unikal"a istinadən xəbər verir ki, o, Ermənistanın Rusiya ilə əməkdaşlıqda iqtisadi asılılığını vurğulayaraq İrəvanın müəyyən xarici siyasət addımlarını tənqid edib.Şoyqunun sözlərinə görə, Rusiya Ermənistanı təbii qaz, un, taxıl, gübrə və benzinlə bazar qiymətlərindən üç dəfə aşağı qiymətə təmin edir. O, həmçinin qeyd edib ki, Ermənistanın kənd təsərrüfatı ixracatının 98%-ə qədəri və spirtli içkilərin ixracatının 78%-i Rusiya bazarına gedir.Rusiya Təhlükəsizlik Şurasının katibi əmək miqrasiyası məsələsinə də toxundu. O, Ermənistan vətəndaşlarının Rusiyada kvota, patent və ya iş icazəsi olmadan işlədiyini və 2025-ci ildə təxminən 3,9 milyard dolları evə...
21 May 2026, 09:13
94 yaşlı Kastro edam edilə bilər
ABŞ Ədliyyə Nazirliyi Kubanın keçmiş lideri, 94 yaşlı Raul Kastro və digər təqsirləndirilən şəxslərə qarşı irəli sürülən ittihamların ölüm və ya ömürlük həbs cəzası ilə nəticələnəcəyini açıqlayıb."Unikal" xəbər verir ki, nazirliyin məlumatına görə, bu cür cəzalar qətl və ABŞ vətəndaşlarını öldürmək üçün sui-qəsd ittihamlarına tətbiq edilir.Sözügedən iş 1996-cı ildə Kuba qırıcı təyyarələrinin Mayamidə kubalı mühacirlər tərəfindən qurulan insan haqları təşkilatı olan "Brothers to the Rescue"yə məxsus iki təyyarəni vurması hadisəsindən qaynaqlanır. Hadisə nəticəsində dörd nəfər həlak olub. O vaxt Raul Kastro Kuba Müdafiə Nazirliyinin rəhbəri idi.Havana həmin vaxt təyyarənin hava məkanını pozduğunu iddia etmişdi. Lakin Beynəlxalq Mülki Aviasiya Təşkilatının araşdırması...
21 May 2026, 09:06
Bakının bu ərazilərində qaz olmayacaq
Bu gün Bakının bir hissəsində qaz olmayacaq.Citypost.az xəbər verir ki, bu barədə “Azəriqaz” İB məlumat yayıb. Bildirilir ki, Suraxanı rayonunda aparılacaq təmir-quraşdırma işləri ilə əlaqədar bu gün saat 10:00-dan işlər yekunlaşanadək Qaraçuxur və Günəşli qəsəbələrində bəzi ərazilərin qaz təchizatında qısamüddətli fasilə yaranacaq.
21 May 2026, 08:58
Si Cinpin Şimali Koreyaya səfər edə bilər
Si Cinpinin yaxın vaxtlarda Şimali Koreyaya səfər edə biləcəyi bildirilir.Teleqraf xəbər verir ki, bu barədə "Yonhap" nəşri Cənubi Koreya hökumətindəki mənbələrə istinadən məlumat yayıb.Mənbələrdən birinin sözlərinə görə, Seul ÇXR sədri Si Cinpinin yaxın vaxtlarda Şimali Koreyaya səfər edəcəyini göstərən kəşfiyyat məlumatları əldə edib. Digər rəsmi isə bildirib ki, səfər mayın sonu baş tuta bilər.Qeyd olunub ki, apreldə Van İ Şimali Koreyaya səfər edib....
21 May 2026, 08:35
Pentaqon hərbçilərin Polşaya yerləşdirilməsini təxirə salıb
Pentaqon ABŞ qoşunlarının Polşaya yerləşdirilməsi prosesini təxirə salıb.City post.az "Report"a istinadən xəbər verir ki, bu barədə Pentaqon sözçüsü Şon Parnell bunu "X" sosial media hesabında yazıb.O qeyd edib ki, qərar ABŞ-nin Avropadakı hərbi mövcudluğunun hərtərəfli, çoxmərhələli nəzərdən keçirilməsindən sonra verilib."Bu, ABŞ-nin nümunəvi müttəfiqi olan Polşaya qoşunların yerləşdirilməsinin müvəqqəti gecikməsinə səbəb olub".
21 May 2026, 08:21
Zelenski: Rusiya Belarus istiqamətindən hücum ssenarilərini nəzərdən keçirir
Ukrayna Prezidenti Volodimir Zelenski Rusiyanın Belarus və Bryansk istiqamətindən Ukraynaya hücum variantlarını nəzərdən keçirdiyini bildirib."RBK-Ukrayna"nın məlumatına görə, Zelenski bu barədə hərbi rəhbərlik, kəşfiyyat, Təhlükəsizlik Xidməti və Xarici İşlər Nazirliyi ilə keçirilən müşavirədən sonra danışıb.Prezident qeyd edib ki, Kiyev Çerniqov-Kiyev istiqamətində müdafiəni gücləndirmək üçün artıq addımlar atır.Onun sözlərinə görə, Ukrayna həm Belarus, həm də Rusiyanın müəyyən bölgələrindən gələn təhlükələrə qarşı preventiv tədbirlər görür....
21 May 2026, 08:00
