Torpaq davası açmaq birinci qrup əlilin pensiyasının dayandırılmasına səbəb ola bilərmi?

Birinci qrup əlilliyi olan vətəndaşların ən çox narahat olduqları məsələlərdən biri də məhkəməyə müraciət etdikləri halda pensiyalarının dayandırılıb-dayandırılmayacağı ilə bağlıdır.Xüsusilə torpaq mübahisələri və mülkiyyət hüquqlarının müdafiəsi ilə əlaqədar iddia qaldırmaq istəyən şəxslər arasında belə bir sual yaranır: məhkəməyə müraciət etmək sosial təminat hüquqlarına təsir göstərə bilərmi?

Citypost.az xəbər verir ki, hüquq mütəxəssislərinin sözlərinə görə, vətəndaşın torpaqla bağlı məhkəmə iddiası qaldırması onun pensiyasının dayandırılması üçün əsas sayıla bilməz. Azərbaycan qanunvericiliyi pensiyanın dayandırılması və ya ləğv olunması hallarını dəqiq şəkildə müəyyən edib və həmin əsaslardan kənarda heç bir müdaxilə mümkün deyil.

Mütəxəssislər bildirirlər ki, pensiyanın dayandırılması yalnız onun təyinatı zamanı qanunsuzluq aşkar edildiyi hallarda mümkündür. Buraya saxta sənədlərin təqdim edilməsi, əmək stajı və ya əlilliklə bağlı həqiqətə uyğun olmayan məlumatların verilməsi kimi hallar daxildir. Əgər pensiya qanuni əsaslarla təyin olunubsa, vətəndaşın məhkəməyə müraciət etməsi, torpaq və ya digər əmlak hüquqlarını müdafiə etməsi həmin sosial ödənişlərin dayandırılmasına səbəb ola bilməz.

Hüquqşünaslar qeyd edirlər ki, əvvəlki illərdə bəzi ərazilərdə müəyyən sayda vətəndaşa qanunsuz şəkildə pensiya təyin edilməsi faktları aşkarlanıb. Həmin işlər üzrə hüquq-mühafizə orqanları tərəfindən araşdırmalar aparılıb, məsul şəxslər barədə cinayət işləri başlanılıb və saxta əsaslarla verilmiş pensiyalar ləğv olunub. Məhz bu kimi hallarda pensiyanın dayandırılması qanunvericiliyə uyğun hesab edilir.

Lakin bu istisna hallar bütün vətəndaşlara aid deyil. Əksər hallarda əlillik pensiyası qanuni əsaslarla təyin olunur və şəxsin mülki mübahisələrdə iştirak etməsi, torpaqla bağlı məhkəməyə müraciət etməsi və ya hüquqlarını tələb etməsi onun pensiya təminatına heç bir təsir göstərmir.

Mütəxəssislər vurğulayırlar ki, hər bir vətəndaş öz hüquqlarını qorumaq üçün məhkəməyə müraciət etmək hüququna malikdir. Torpaq, ev və ya digər əmlakla bağlı yaranan mübahisələr sosial təminat hüquqlarının məhdudlaşdırılması üçün əsas ola bilməz. Əksinə, qanun hər bir şəxsin həm mülkiyyət, həm də sosial müdafiə hüquqlarını eyni dərəcədə qoruyur.

Həmçinin oxuyun

Şahin Qurbanovdan xəbər var...  

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Bu baxımdan, birinci qrup əlillərin torpaqla bağlı məhkəmə iddiası qaldırması onların pensiyalarının dayandırılması ilə nəticələnmir. Pensiyanın ləğvi və ya dayandırılması yalnız qanunda açıq şəkildə göstərilən və hüquqi sübutlarla təsdiqlənən hallarda mümkündür. Buna görə də vətəndaşlar hüquqlarını müdafiə etməkdən çəkinməməli, zərurət yarandıqda aidiyyəti qurumlara və məhkəmələrə müraciət etməlidirlər.

Əli