Pedro Porro Fransa - İspaniya matçının ən yaxşısı seçilib

"İmişli" yay hazırlıq dönəmində 7 yoxlama matçı keçirəcək

Azərbaycan Premyer Liqası təmsilçisi "İmişli" yay hazırlıq dönəmində 7 yoxlama matçı keçirəcək.Citypost.az  xəbər verir ki, bu barədə klubun mətbuat xidməti məlumat yayıb.2026/2027 mövsümünün hazırlığına iyulun 8-də başlayan komanda hazırlığın ilk mərhələsini iyulun 27-dək Bakı Olimpiya Stadionunun yardımçı meydançasında keçirəcək. "İmişli" iyulun 17-də "Şəfa", 21-də "Qarabağ-2", 24-də isə "Araz-Naxçıvan"la qüvvəsini sınayacaq.İyulun 27-də komanda Yevlaxa yollanacaq və ayın 28-də "Karvan-Yevlax"la yoxlama görüşü keçirəcək. Ardınca kollektiv Qəbələyə yollanaraq hazırlığın ikinci mərhələsinə başlayacaq. Təlim-məşq toplanışı avqustun 3-dək davam edəcək. Bu mərhələdə iyulun 31-də "Qəbələ", avqustun 3-də isə "Sumqayıt"la yoxlama oyunları keçiriləcək.Hazırlıq çərçivəsində son yoxlama görüşü avqustun 8-də Bakıda baş tutacaq. Həmin oyundakı rəqibin adına...

15 İyul 2026, 08:14

Tural Qurbanov Konfrans Liqası oyununa təyinat aldı

FIFA referisi Tural Qurbanov UEFA Konfrans Liqasının I təsnifat mərhələsinin cavab oyununa təyinat alıb.Citypost.az Teleqraf-a istinadən xəbər verir ki, azərbaycanlı hakim “Deçiç”lə “Liepaya” arasında keçiriləcək qarşılaşmanın baş hakimi olacaq.Qurbanova yan xətt hakimləri Asiman Əzizli və Gülnurə Əkbərzadə kömək edəcəklər. Dördüncü hakim funksiyasını isə Kamal Umudlu yerinə yetirəcək.Qeyd edək ki, “Deçiç” – “Liepaya” oyunu iyulun 15-də Monteneqronun Tuzi şəhərindəki “Tuşko Polje” stadionunda keçiriləcək. Görüş Bakı vaxtı ilə saat 22:30-da başlayacaq....

14 İyul 2026, 20:00

Mingəçevirdə cüdoçuların kəmər dərəcələri üzrə rəsmi imtahanı keçirilib

Mingəçevirdəki Kür Olimpiya Tədris İdman Mərkəzində cüdoçuların kəmər dərəcələri üzrə rəsmi imtahanı keçirilib.Azərbaycan Cüdo Federasiyasından Citypost.az-a verilən məlumata görə, imtahanda 144 cüdoçu iştirak edib.İdmançılar yaş uyğunluğuna əsasən ağ-sarı, sarı, narıncı, yaşıl, göy və qəhvəyi kəmər dərəcələri üzrə bacarıqlarını nümayiş etdiriblər. İmtahanı uğurla başa vuran idmançılara müvafiq kəmər və sertifikatlar təqdim olunub.Kəmər imtahanları cüdoçuların texnikaları daha sistemli və hərtərəfli mənimsəməsinə, eyni zamanda motivasiyalarının artmasına xidmət edir. Bu mərhələ həm də gələcəkdə nüfuzlu daxili yarışlarda iştirak üçün vacib şərtlərdən biri hesab olunur....

14 İyul 2026, 19:07

"Beşiktaş" Leandro Trossardı transfer edib

"Beşiktaş" Belçika millisinin futbolçusu Leandro Trossardı transfer edib.Citypost.az Apasport.az-a istinadən xəbər verir ki, bu barədə İstanbul təmsilçisinin rəsmi saytı məlumat yayıb."Qara qartallar" bu keçid üçün 31 yaşlı oyunçu və İngiltərənin "Arsenal" klubu ilə danışıqların başladığını Türkiyənin Kamu Aydınlatma Platformasına göndərib.Qeyd edək ki, Leandro Trossard 2023-cü ildən "Arsenal"da çıxış edib.

14 İyul 2026, 18:23

PSJ Luka Dinlə üçillik müqavilə imzalayacaq 

PSJ Fransa millisinin futbolçusu Luka Dinlə üçillik müqavilə imzalayacaq."Report" xəbər verir ki, bu barədə insayder Fabritsio Romano məlumat yayıb.32 yaşlı cinah müdafiəçisi İngiltərə təmsilçisi "Aston Villa"dan Paris komandasına keçir.Rəsmi sözləşmə dünya çempionatından sonra bağlanacaq.Xatırladaq ki, Luka Din ötən mövsüm Premyer Liqa klubunda 33 oyunda 2 məhsuldar ötürmə ilə yadda qalıb. O, daha əvvəl, 2013-2015-ci illər aralığında PSJ-də oynayıb.

14 İyul 2026, 18:00

Azərbaycan kamandan oxatanları Avropa çempionatında mübarizə aparacaqlar 

Azərbaycan kamandan oxatanları iyulun 20-26-da İtaliyanın paytaxtı Romada keçiriləcək gənclər arasında Avropa çempionatında mübarizə aparacaqlar.Bu barədə Citypost.az-a Azərbaycan Kamandan Oxatma Federasiyasından ​məlumat verilib.Qitə birinciliyində Fatimə Hüseynli, Zəhra Carçılı, Nurlan Rəhimli və Sərdar Vəliyev çıxış edəcək. Onlar fərdi və qarışıq komanda növlərində 60 və 70 metr məsafələrdə mübarizə aparacaqlar.​Komanda hazırda yarışa hazırlıq məqsədilə Şəki Olimpiya İdman Kompleksində təlim-məşq toplanışındadıt. Avropa çempionatında milliyə məşqçilər Leyla Fazilova və Fuad Allahverdiyev rəhbərlik edəcək....

14 İyul 2026, 17:10