M.Əsədullazadə: Çin özünü daha güclü göstərir
Siyasət 15 May 2026, 10:12
199
ABŞ Prezidenti Donald Trampın Çinə iki günlük səfəri və aparılan danışıqlar ümumilikdə müsbət istiqamətdə davam edir. Tərəflər arasında əsas fikir ayrılığı isə Tayvan məsələsində qalır. ABŞ-ın Tayvanla bağlı Çinə ciddi güzəştlərə gedəcəyi gözlənilmir. Çin sədri Si Sinpinqin Tayvan məsələsində Donald Trampa açıq etiraz və xəbərdarlıq etməsi regionda yeni eskalasiya ehtimalını artırır.
Citypost.az xəbər verir ki, bu fikirləri Milli Cəbhə Partiyası sədrinin müavini, siyasi ekspert Məhəmməd Əsədullazadə sosial şəbəkə hesabında paylaşdığı açıqlamada bildirib.
O qeyd edib ki, Çin Tayvana qarşı dəniz blokadası tətbiq edə bilər. Bununla yanaşı, Vaşinqton və Pekin əsasən iqtisadi və ticarət əlaqələrinin inkişafı istiqamətində mühüm razılaşmalar əldə etməyə çalışırlar.
Ekspertin sözlərinə görə, İran məsələsində Çin Hörmüz boğazı ilə bağlı ABŞ-ın mövqeyinə yaxın yanaşma nümayiş etdirir və tərəflər boğazda əvvəlki statusun bərpası məsələsində oxşar mövqedən çıxış edirlər.
M.Əsədullazadə bildirib ki, iqtisadi və ticarət sahəsində müəyyən razılaşmalar əldə olunsa da, İran və Rusiya–Ukrayna müharibəsi ilə bağlı ABŞ və Çin arasında ciddi fikir ayrılıqları qalmaqdadır.
Siyasi ekspert hesab edir ki, Donald Trampın İran məsələsində zəif mövqedə olduğu bir vaxtda Çinə səfəri birmənalı qarşılanmır:“Məhz bu səbəbdən Çin rəhbərliyi Tayvan məsələsində Vaşinqtona açıq xəbərdarlıq mesajı verdi”.
Həmçinin oxuyun
Onun fikrincə, əgər Donald Tramp İran üzərində tam siyasi üstünlük əldə etdikdən sonra Çinə səfər etsəydi, proseslərin fərqli istiqamətdə inkişaf etməsi mümkün ola bilərdi.
M.Əsədullazadə vurğulayıb ki, hazırkı vəziyyətdə Çin ABŞ qarşısında özünü daha güclü tərəf kimi təqdim etməyə çalışır və danışıqların gedişi də bunu göstərir.
Ekspert əlavə edib ki, ABŞ-ın İran məsələsində Çindən dəstək istəməsi Pekinin geosiyasi mövqeyini daha da gücləndirə bilər:“ABŞ və Çin arasında İran üzərindən aparılan geosiyasi rəqabət fonunda Pekinin təsir imkanlarının artdığı müşahidə olunur”.
Əli
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Sabiq deputat: Fransa Türkiyəyə qarşı təxribat hazırlayır
Fransa son dövrlər Cənubi Qafqaz və Türkiyə ətrafındakı bölgələrdə təkcə diplomatik deyil, həm də praktiki fəallığını artırır. Ermənistan və yunan Kipri ilə strateji müttəfiqlik, hərbi əməkdaşlıq haqqında sazişlərin bağlanması, həmçinin Cənubi Kiprdə “humanitar missiyalar” adı altında Fransa hərbi kontingentinin yerləşdirilməsi ilə bağlı yeni sazişin imzalanmasına hazırlıq bunu bir daha təsdiqləyir.Citypost.az xəbər verir ki, bu fikirləri sabiq deputat, siyasətçi Qulamhüseyn Əlibəyli sosial şəbəkə hesabında paylaşdığı açıqlamada bildirib.Onun sözlərinə görə, bu sazişlərin əsas məqsədi Fransanın Cənubi Qafqaz və Türkiyə ətrafındakı bölgələri hərbi baxımdan öz təsir dairəsinə salmaq, eyni zamanda Türkiyənin ətrafında geosiyasi “çəmbəri daraltmaqdır”.Q.Əlibəyli qeyd edib ki, Türkiyənin Cənubi Qafqazda söz sahibi...
15 May 2026, 10:04
Kənan Rövşənoğlu İŞİD-in aktivləşməsinin səbəblərini açıqladı
İŞİDin son dövrlərdə Suriyada yenidən fəallaşması regionda diqqət çəkən məsələlərdən birinə çevrilib. Citypost.az xəbər verir ki, Politoloq Kənan Rövşənoğlu sosial şəbəkə hesabında paylaşdığı açıqlamada bildirib ki, son bir ay ərzində İŞİD artıq üç dəfə Suriya ordusuna hücum edib. Sonuncu hücum bazar günü ordu avtobusuna qarşı həyata keçirilib, nəticədə azı iki hərbçi ölüb, çox sayda yaralı olduğu qeyd olunub.Politoloqun fikrincə, İŞİD-in qısa müddətdə yenidən fəallaşması təsadüfi deyil. O bildirib ki, yanvar ayında kürdlərlə Dəməşq arasında əldə olunan razılaşmadan sonra təşkilatın uzun müddət aktiv ola bilməyəcəyi ehtimal edilirdi.Kənan Rövşənoğlu hadisələrin arxasında iki mümkün ehtimalın dayandığını qeyd edib. Birinci ehtimala görə, kürdlər və...
14 May 2026, 10:14
Xəqani Cəfərli: Ankara və İslamabad çətin seçim qarşısında qala bilər
İrana qarşı ABŞ və İsrail birgə hərbi əməliyyatı başlayandan bəri iki ölkə, Türkiyə və Pakistan münaqişə tərəfləri arasında vasitəçilik təşəbbüsü etməyə başladılar. Türkiyənin xarici işlər naziri Hakan Fidan “A Haber” kanalına müsahibəsində tərəflər arasında vasitəçiliyin Pakistan vasitəsilə həyata keçirildiyi, Türkiyənin də danışıqlar prosesində aktiv iştirak etdiyini bəyan etmişdi. Türkiyənin və Pakistanın vasitəçilik təşəbbüsünün yanlış olduğunu, hər iki ölkənin bu münaqişədən məsafə saxlamalı olduğunu ifadə edəndə bəziləri Türkiyə və Pakistanın böyük dövlət olduqlarını, mənim məsləhətimə ehtiyacları olmadıqlarını yazırdılar. Nə oldu?Pakistan artıq bu vasitəçiliyin “fayda”sını görməyə başlayıb. ABŞ-ın xarici siyasətinin müəyyən olunmasında əsas söz sahiblərindən biri olan respublikaçı senator Lindsi Qrem Pakistanın səmimi...
14 May 2026, 10:04
Elçin Əmirbəyov Kambocada bir sıra görüşlər keçirib
Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov Kambocaya işgüzar səfər edib.Citypost.az xəbər verir ki, səfər çərçivəsində dövlət başçısı səlahiyyətlərini icra edən, Kamboca Senatının sədri Hun Sen, ölkənin Baş naziri Hun Manet, Baş nazirin müavini, xarici işlər və beynəlxalq əməkdaşlıq naziri Prak Sokhonn, Milli Assambleyanın sədri Khuon Sodary ilə görüşlər keçirilib.Həmçinin ətraf mühit naziri Eang Sophalleth, Kamboca Krallığının Milli Assambleyasının Xarici əlaqələr, beynəlxalq əməkdaşlıq və informasiya komissiyasının sədri Sous Yara, Milli Diplomatiya və Beynəlxalq Münasibətlər İnstitutunun prezidenti Çeu Viçet, eləcə də ASEAN Regional Minatəmizləmə Mərkəzinin (ARMAC) icraçı direktoru Rothna But ilə də görüşlər təşkil olunub.Dövlət başçısı səlahiyyətlərini icra edən Hun...
14 May 2026, 09:27
Azərbaycan və Slovakiya parlamentləri arasında Anlaşma Memorandumu imzalanıb
Rixard Raşinin bu səfəri Azərbaycan və Slovakiya arasında parlamentlərarası əlaqələrin yüksək səviyyədə olmasının göstəricisidir.Citypost.az xəbər verir ki, bunu Milli Məclisin sədri Sahibə Qafarova Bakıda Slovakiya Milli Şurasının sədri Rixard Raşi ilə birgə mətbuat konfransında deyib.“Bu gün apardığımız müzakirələrdə parlamentlərarası əlaqələrin daha da genişləndirilməsi ilə bağlı ortaq fikrə sahibik”, - Sahibə Qafarova bildirib.Onun sözlərinə görə, iki ölkə arasında əlaqələrin strateji tərəfdaşlıq səviyyəsinə yüksəlib.Milli Məclisin sədri ölkələr arasında iqtisadi, ticari, enerji, müdafiə sənayesində əməkdaşlığın inkişaf etdiyini, humanitar sahədə əməkdaşlığın xüsusi əhəmiyyət kəsb etdiyi vurğulayıb.Sahibə Qafarova bu gün parlamentlər arasında əməkdaşlığa dair imzalanan Anlaşma Memorandumuna diqqət çəkərək, bu sənədin parlamentlər arasında daha çox...
13 May 2026, 13:30
Ceyhun Bayramov və Əraqçi arasında telefon danışığı olub
13 may tarixində Azərbaycan Respublikasının xarici işlər naziri Ceyhun Bayramov ilə İran İslam Respublikasının xarici işlər naziri Seyid Abbas Əraqçi arasında telefon danışığı baş tutub.Citypost.az xəbər verir ki, telefon danışığı zamanı Azərbaycan-İran ikitərəfli əlaqələri, regionda mövcud vəziyyət və bu çərçivədə danışıqlar prosesinin gedişatı, İran ətrafında vəziyyətin diplomatik və siyasi həll perspektivləri ətrafında müzakirə aparılıb.Nazir Abbas Əraqçi danışıqlar prosesi barədə ətraflı məlumat verib. Nazir Ceyhun Bayramov münaqişənin sülh və danışıqlar yolu ilə həlli istiqamətində səyləri dəstəklədiyimizi diqqətə çatdırıb.Nazirlər, həmçinin qarşılıqlı maraq doğura...
13 May 2026, 13:03
