Heydər Oğuz: Tehrana qarşı yeni ittifaq yaranır
Siyasət 30 İyul 2026, 08:22
333
Qorxulan oldu: Körfəz ölkələri İrana qarşı aktiv cəbhədə yer almağa başlayıblar
İraqdakı İrana bağlı proksi qüvvələrin həm İordaniya, həm də Səudiyyə Ərəbistanındakı hədəflərə, xüsusilə Sədiyyə krallığının neft müəssisələrinə hücumlar ərəb ölkələrinin sərt reaksiyalarına yol açıb.
Körfəz Əməkdaşlıq Şurası (KƏŞ)
Körfəz Əməkdaşlıq Şurasının (KƏŞ) Baş Katibliyi Səudiyyə Ərəbistanını dəstəklədiyini bəyan edərək, ölkənin təhlükəsizliyini, suverenliyini və ərazi bütövlüyünü qorumaq üçün görülən bütün tədbirləri dəstəklədiyini bildirib. İraqda İran tərəfindən dəstəklənən proksi qüvvələrinin Səudiyyə Ərəbistanına qarşı terror hücumlarını pisləyən KƏŞ-in baş katibi Casim əl-Budavi bu hərəkətlərin Səudiyyə Ərəbistanının suverenliyinin açıq şəkildə pozulması, regional təhlükəsizlik və sabitliyə birbaşa təhdid və təhlükəli eskalasiya olduğunu bəyan edib.
Səudiyyə Ərəbistanı
Krallıq dünən ABŞ ordusu ilə bərabər İraqdakı İran dəstəkli Həşdi-Şabi hərbi hissələrə ağır hava zərbələri endirib. Rəsmi Riyad İraqdakı paramilitar qüvvələrə qarşı hava hücumlarının özünümüdafiə çərçivəsində olduğunu vurğulayaraq, gərginliyi artırmaq məqsədi güdmədiklərini, lakin istənilən hücuma cavab verəcəklərini bildirib.
Küveyt
Küveyt də Səudiyyə Ərəbistanı ilə tam həmrəy olduğunu açıqlayaraq, bu ölkənin təhlükəsizliyini, suverenliyini və resurslarını qorumaq üçün gördüyü bütün tədbirləri dəstəklədiyini bəyan edərək, onun Birləşmiş Millətlər Təşkilatının Nizamnaməsinin 51-ci maddəsinə əsasən özünümüdafiə hüququna malik olduğunu vurğulayıb.
Küveyt Xarici İşlər Nazirliyinin açıqlamasında bildirilib ki, İraqdakı İranpərəst terrorçuların Səudiyyə Ərəbistanını hədəf alan davamlı hücumları bu qrupların gərginliyi artırmaq və regional təhlükəsizlik və sabitliyi pozmaqda israrlı olduğunu əks etdirir. Bəyanatda həmçinin qeyd olunur ki, pilotsuz uçuş aparatları (PUA) tərəfindən həyata keçirilən son hücum, Səudiyyə Ərəbistanının regional eskalasiyaya son qoymağa çalışdığı bir vaxtda baş verib.
Qətər
Qətər də İraq ərazisindən atılan PUA-ların strateji obyektlərə hücum cəhdini qətiyyətlə pisləyib. Qətər Xarici İşlər Nazirliyi bu hərəkətin Səudiyyə Ərəbistanının suverenliyinin açıq şəkildə pozulması, təhlükəsizliyinə və ərazi bütövlüyünə birbaşa təhdid, eləcə də beynəlxalq hüququn, BMT Nizamnaməsinin və mehriban qonşuluq prinsiplərinin pozulması kimi qiymətləndirib.
Bəhreyn
Bəhreyn də hadisələrə laqeyd qalmayıb, İraq ərazisindən atılmış dronlar vasitəsilə Səudiyyə Ərəbistanının neft obyektlərinə qarşı törədilən təxribarı terror hücumlarına cəhd kimi qiymətləndirib. Manama hökuməti BMT Nizamnaməsinin 51-ci maddəsinə uyğun olaraq, Səudiyyə Ərəbistanının suverenliyini və təhlükəsizliyini qorumaq üçün gördüyü bütün tədbirləri, o cümlədən hücum mənbələrinə cavab vermək və təcavüzkarları çəkindirmək hüququnu qəti şəkildə dəstəklədiyini bəyan edib. Bəyanatda Səudiyyə Ərəbistanının təhlükəsizliyi və sabitliyinin Bəhreynin milli təhlükəsizliyinin və Körfəz Əməkdaşlıq Şurası ölkələrinin ortaq təhlükəsizliyinin ayrılmaz hissəsi olduğu vurğulanıb.
Misir
Qahirə hökuməti Səudiyyə Ərəbistanı və İordaniya Haşimilər Krallığındakı neft obyektlərinin hədəfə alınmasını ən sərt şəkildə qınayıb. Misirin fikrincə, bu təxribatlar dövlətlərin suverenliyinə və mülki/həyati obyektlərə qarşı qəbuledilməz hücum, beynəlxalq hüququn açıq şəkildə pozulması və regional sabitliyi və qlobal enerji təhlükəsizliyini təhdid edən təhlükəli eskalasiya kimi təsvir edilib.
İraq
Ən maraqlı açıqlama isə İraqın özündən gəlib. Ölkənin ən nüfuzlu silahlı qüvvəsi sayılan Sədr Hərəkatının lideri Müqtəda əs-Sədr İran İnqilabı Keşikçiləri Korpusunu (Sepah) və "nəzarətsiz partizan qruplarını" İraq ərazisini hədəf almamağa və ölkəni regional münaqişəyə cəlb etməməyə çağırdı.
Dünən yayımladığı yazılı açıqlamada Sədr bildirib ki, İraq ərazisindən İrana qarşı hücumlar baş vermədikcə, SEPAH İraqı hədəf almaqdan çəkinməlidir. O, həmçinin "nəzarətsiz milis qruplarını" Körfəz ölkələrinə İraqı hədəf almaq üçün "bəhanə" verməməyə çağırıb.
Heydər Oğuz
Jurnalist, siyasi şərhçi
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Deputat: Azərbaycanın mövqeyi qətiyyətlə müdafiə olunur
Dövlət rəsmilərinə sual vermək hər bir şəxsin hüququdur. Demokratik cəmiyyətlərdə ictimai şəxslərin suallarla üzləşməsi normal haldır. Lakin sual vermək adı altında əvvəlcədən hazırlanmış ittihamları səsləndirmək, mövzunu təhrif etmək və diqqəti mahiyyətdən yayındıraraq süni qarşıdurma yaratmağa çalışmaq artıq jurnalistika və ya vətəndaş mövqeyi deyil, təxribat cəhdidir.Bu sözləri bunu Milli Məclisin deputatı Asif Əsgərov Citypost.az-a açıqlamasında bildirib.Millət vəkilin sözlərinə görə, Almaniyada baş verən son hadisə də bunu bir daha nümayiş etdirdi. Azərbaycan Respublikası Prezidentinin köməkçisi Hikmət Hacıyevə və xarici işlər naziri Ceyhun Bayramova qarşı sərgilənən yanaşmanın məqsədi obyektiv informasiya əldə etməkdən daha çox, sosial şəbəkələr üçün qalmaqallı görüntü yaratmaq və ölkəmizə qarşı növbəti...
30 İyul 2026, 10:44
Ekspert: Ukrayna dronları Rusiyanı çətin vəziyyətə salır
Ukraynanın həyata keçirdiyi kütləvi pilotsuz uçuş aparatı (PUA) hücumları Rusiyanın endirdiyi dron zərbələrini 3-4 dəfə üstələyir. Citypost.az xəbər verir ki, bu barədə hərbi ekspert Ədalət Verdiyev bildirib.Ekspertin sözlərinə görə, Ukraynanın intensiv dron hücumları Rusiyanın hava hücumundan müdafiə (HHM) sistemlərinə düşən yükü əhəmiyyətli dərəcədə artırır.Ədalət Verdiyev qeyd edib ki, yaranmış vəziyyət Rusiyanı silahlanmasında mövcud olan HHM komplekslərini ölkənin dərinliyində yerləşən strateji obyektlərin mühafizəsinə də yönəltməyə məcbur edir.Onun fikrincə, bu isə Rusiyanın hava məkanının müdafiəsində mövcud boşluqların artmasına və bəzi istiqamətlərdə müdafiə imkanlarının zəifləməsinə səbəb olur.Əli...
29 İyul 2026, 11:10
Heydər Oğuz: "Qalxınma Yolu" İrana sərf etmir
Qalxınma yolu projesi kimə sərf etmir?Zayd Ali adlı facebook istifadəçisi İraqın Nəqliyyat naziri Vəhb Salman əl-Həsəninin Türkiyə ilə “Qalxınma Yolu” anlaşmasını imzalamaq istəməməsini İrana bağlamamağıma xeyli təəccüblənib. Doğrudan da maraqlıdır: Müqaviləni bağlamaqda tərəddüd edən İraqlı nazirdir. Müqavilə Türkiyə ilə İraq arasında bağlanır. Bəs mən niyə bu hadisəni İranla əlaqələndirirəm?Əvvəla, İraqdakı əksər nazirlərin Həşdi-Şabinin xeyir-duasını almadan seçilməsinin mümkün olmadığı Zeyd Ali əfəndidən başqa hər kəsə bəllidir.İkincisi, Vəhb Salman əl-Həsəninin imzalamaq istəmədiyi “Qalxınma Yolu” projesi İrandan başqa bütün region dövlətlərinin maraqlarına uyğundur. Məsələn, İranın cığallığı nəticəsində Hörmüz boğazı yolu bağlanan Küveyt bu proje ilə öz neftini və qazını İraqa, ordan isə Türkiyə...
29 İyul 2026, 10:12
Qulu Məhərrəmli: Qarabağ üzərindən manipulyasiyalara son qoyulmalıdır
BDU-nun professoru, Əməkdar jurnalist Qulu Məhərrəmli Rusiya-Ermənistan münasibətləri fonunda Qarabağ məsələsinin yenidən gündəmə gətirilməsi ilə bağlı fikirlərini bölüşüb.Citypost.az xəbər verir ki, Q.Məhərrəmli bildirib ki, beynəlxalq erməni diasporu, Rusiyaya üz tutmuş və "bəlkə də qaytardılar" xülyası ilə yaşayan separatçı tör-töküntülər, bu ölkədəki bəzi erməni təşkilatları, həmçinin Qarabağ separatizminə həmişə açıq dəstək vermiş K.Zatulin kimi ayrı-ayrı muzdlu deputat və məmurlar artıq tarixə qovuşmuş "Artsax" yuxusunun gerçəkləşəcəyinə hələ də inanır və bu mövzunu yenidən körükləyirlər. Qulu Məhərrəmli qeyd edib ki, Stavropolda "nostalji" erməni abidəsinin açılışı və Rusiya rəsmilərinin vaxtaşırı səsləndirdiyi separatizm qoxulu bəyanatlar buna sübutdur.Professor diqqətə çatdırıb ki, heç bir konkret mahiyyəti, gücü...
29 İyul 2026, 08:48
Jurnalist: İranın İraqa bədəli 2 trilyon dollar olub
İransayağı “səlib yürüşü”nə qarşı mübarizəsi İraqın 2 trilyon dollardan çox pulunun oğurlanmasına səbəb olubİraqın yeni Baş naziri Əli Zeydi dünən nümayəndə heyəti ilə Türkiyəyə səfər edib. Səfər çərçivəsində Türkiyə ilə İraq arasında 5 müqavilə imzalanıb. Müqavilələrdən biri də “Qalxınma yolu” projesi ilə bağlı idi. Maraqlıdır ki, Bağdaddan basa-basa Ankaraya gələn İraqın Nəqliyyat naziri Vehb Salman əl-Həsəni əvvəl müqaviləni imzalamaqdan imtina edib. Son anda qarşısına 5 yox, 4 müqavilə mətni gətirilən Türkiyə Prezidenti Rəcəb Tayib Ərdoğan durumun fərqinə varıb və “Bir yalnışlıq olmasın? 5 müqavilə yox idimi?”, - deyə soruşub. Ərdoğanın bu sualından sonra İraqın Baş naziri Zeydi dövriyyəyə girib və rəsmi...
29 İyul 2026, 08:19
Rövşən Muradov: Dil dövlətçiliyimizin strateji sütunudur
Hər bir xalqın inkişaf trayektoriyasını müəyyən edən amillər sırasında dil xüsusi yer tutur. Dövlət siyasi institutlar üzərində qurulur, milli kimlik isə ana dilində formalaşan düşüncə vasitəsilə davamlılıq qazanır. Azərbaycan dili xalqımızın tarixi təcrübəsini, hüquqi təfəkkürünü, ədəbi-estetik zövqünü və mənəvi dəyərlər sistemini nəsildən-nəslə ötürən əsas daşıyıcıdır. Bu baxımdan Azərbaycan əlifbası və Azərbaycan dili günü sadəcə əlamətdar tarix kimi qiymətləndirilmir, milli özünüdərk və dövlətçilik şüurunun təntənəsi kimi qəbul olunur.Bu sözləri Citypost.az-a açıqlamasında millət vəkili Rövşən Muradov bildirib.Millət vəkilinin sözlərinə görə, tarixi proseslər göstərir ki, siyasi sərhədlər dəyişə bilir, idarəetmə formaları yenilənir, dilini qoruyan xalqlar isə öz milli varlığını qoruyub saxlayır. Azərbaycan xalqının...
28 İyul 2026, 14:10
