Diplomatik korpusda yeni mərhələ – Zaur Şükürov danışdı
Siyasət 31 İyul 2026, 15:44
3378
Bu günlərdə Azərbaycan Prezidenti İlham Əliyev ölkəmizin diplomatik nümayəndəlikləri ilə bağlı bir sıra mühüm sərəncamlar imzalayıb.
Citypost.az xəbər verdiyi kimi, dövlətimizin başçısı ölkəmizin Türkiyə və Özbəkistandakı diplomatik nümayəndəliklərinə yeni səfirlərin təyin edilməsi ilə bağlı sərəncamlar imzalayıb. Rəşad Məmmədov Azərbaycanın Türkiyədə fövqəladə və səlahiyyətli səfiri vəzifəsindən geri çağırılaraq, Azərbaycanın Özbəkistanda fövqəladə və səlahiyyətli səfiri təyin edilib. Prezidentin imzaladığı başqa bir sərəncamla Rəşad Fəxrəddin oğlu Aslanov Azərbaycanın İtaliyada, eyni zamanda Malta və San Marinoda fövqəladə və səlahiyyətli səfiri vəzifələrindən geri çağırılıb. Dövlət başçısının sərəncamı ilə Rəşad Aslanov Azərbaycanın Türkiyədə fövqəladə və səlahiyyətli səfiri təyin olunub. Rəşad Aslanov, həmçinin Azərbaycanın BMT-nin Ərzaq və Kənd Təsərrüfatı Təşkilatı, Ümumdünya Ərzaq Proqramı və Kənd Təsərrüfatının İnkişafı üzrə Beynəlxalq Fondu yanında daimi nümayəndəsi vəzifəsindən azad edilib. Diplomatik korpusun digər mühüm istiqamətlərində də rotasiya həyata keçirilib. Nərminə Mustafayeva Azərbaycanın İstanbuldakı baş konsulu və Qara Dəniz İqtisadi Əməkdaşlıq Təşkilatındakı daimi nümayəndəsi vəzifələrindən azad edilib. Onun yerinə indiyədək Azərbaycanın Qars şəhərində baş konsulu olmuş Zamin Əliyev təyin edilib. Qarsdakı baş konsul vəzifəsi isə Qoşqar Zeynalova həvalə olunub.
Prezident İlham Əliyevin imzaladığı son sərəncamlarla ölkənin diplomatik korpusunda digər mühüm kadr dəyişiklikləri də baş tutub. Sərəncamlara əsasən, Azərbaycan Respublikasının İtaliya, Tacikistan və Qazaxıstanda yeni səfirləri təyin edilib. Prezident Esmira Firudin qızı Cəfərovanı Azərbaycan Respublikasının Macarıstanda fövqəladə və səlahiyyətli səfiri təyin edib. Macarıstandakı sabiq səfirimiz Tahir Tofiq oğlu Tağızadə isə Azərbaycan Respublikasının Serbiya Respublikasında fövqəladə və səlahiyyətli səfiri təyin edilib. Serbiya Respublikasında, eyni zamanda Monteneqroda və Şimali Makedoniya Respublikasında fövqəladə və səlahiyyətli səfiri vəzifəsindən geri çağırılan Kamil Tacid oğlu Xasiyev Azərbaycan Respublikasının Avstriya Respublikasında fövqəladə və səlahiyyətli səfiri təyin edilib. Prezident İlham Əliyev Rövşən Nüsrət oğlu Sadıqbəylinin Azərbaycan Respublikasının BMT-nin Cenevrə şəhərindəki bölməsində və digər beynəlxalq təşkilatlar yanında daimi nümayəndəsi təyin edilməsi haqqında Sərəncam imzalayıb. Prezident İlham Əliyevin digər Sərəncamı ilə Qalib Malik oğlu İsrafilov Azərbaycan Respublikasının BMT-nin Cenevrə şəhərindəki bölməsində və digər beynəlxalq təşkilatlar yanında daimi nümayəndəsi vəzifəsindən geri çağırılıb. Göründüyü kimi, rotasiya Türkiyə, Avropa, Mərkəzi Asiya və digər digər ölkələri, beynəlxalq təşkilatları əhatə edir.
Bəzi müşahidəçilərin fikrincə, bu sərəncamlar roitasiyadan fərqli dəyişikliyə də bənzəyir. İstisna olunmur ki, diplomatik nümayəndəliklərdə dəyişikliklər davam etdiriləcək.
Həmçinin oxuyun
Milli Məclisin deputatı, uzun illər diplomatik sahədə çalışmış, Azərbaycanın Cənubi Afrika Respublikasındakı səfirliyinin müvəqqəti işlər vəkili, diplomatik missiyanın rəhbəri olmuş Zaur Şükürov Citypost.az- a bu barədə açıqlama verib. “Məlum olduğu kimi, Azərbaycan Respublikasının Prezidentinin müvafiq sərancamları ilə beynəlxalq münasibətlər sistemində mövcud praktikaya uyğun, həmçinin rotasiya qaydasında bir sıra ölkələrdə səfirlərimiz və Baş konsullarımız təyin olunublar. Yeni təyinat almış diplomatlarımız bu sahədə uzun müddət səmərəli fəaliyyət göstərmiş əməkdaşlardır. Bu baxımdan, Azərbaycanla həmin dövlətlər arasında mövcud əlaqələrin inkişafında qeyd olunan amilin müsbət rol oynayacağını deyə bilərik” deyə, o bildirib.
Z.Şükürov diplomatik korpusdakı dəyişiklikləri zəruri edən mətləblərdən danışarkən digər məqamlara da diqqət çəkib: “Son dövrlər ikitərəfli və çoxtərəfli məsələlər, habelə gündəlikdə duran, eyni zamanda problemli mövzularla bağlı ölkə liderləri arasında birbaşa dialoq, “telefon diplomatiyası” və digər vasitələrlə müzakirələrin həyata keçirildiyini müşahidə edirik və bu təcrübə dövlətlərarası münasibətlərin inkişafı, habelə müəyyən problemlərin çözülməsində operativliyin təmin edilməsində əhəmiyyətli məqamlardandır. Ölkəmizin timsalında bu məsələyə nəzər yetirsək, 44 günlük Vətən müharibəsi, 2023-cü ildə birgünlük antiterror tədbirləri zamanı və Prezident cənab İlham Əliyevin heyrətamiz sərkərdəliyi, şəhidlərimizin, qazilərimizin, silahlı qüvvələrimizin misilsiz qəhrəmanlığı sayəsində torpaqlarımız işğaldan azad olunduqdan sonra, şəxsən ölkə başçısının istər hərbi-siyasi, diplomatik, istərsə də media müstəvisində nümayiş etdirdiyi qeyri-adi liderlik bacarığı dövlətimizin maraqlarının qorunmasında, beynəlxalq müstəvidə nüfuzunun davamlı şəkildə artmasında əvəzsiz rol oynadı. Məhz bunun nəticəsidir ki, Azərbaycan dünya miqyasında orta güc olaraq qəbul edilir. Prezident İlham Əliyevin IV Şuşa Qlobal Media Forumunun açılışında çıxışı zamanı, orta güc dövlətlərə xas olan əsas meyarlara diqqət çəkib. Prezidentimizin qeyd etdiyi meyarlar - ölkənin potensialının, böyük güclərin necə düşündüyü və ya etdiyindən asılı olmayaraq, onun öz milli maraqlarını müdafiə etmək bacarığının, əgər kimsə sizə zərər vurmaq istəyirsə, bütün potensialınızla müqavimət göstərmək qabiliyyətinin etiraf olunması, müdafiə qabiliyyətinin, təkcə hərbi paradda deyil, döyüş meydanında da nümayiş etdirilməsi, hüdudlarınızdan kənarda baş verən hadisələrə təkcə bir sözünüzlə və ya bəyanatınızla təsir göstərmək qabiliyyəti, ölkə daxilində və müəyyən dərəcədə bütöv regionda baş verənlərə görə olan məsuliyyət. Dövlətimizin məhz bu kimi meyarlar əsasında orta güc kimi qəbul edilməsi, heç şübhəsiz Prezidentimizin son dərəcə uğurlu xarici siyasət strategiyası nəticəsində mümkün olub”.
Milli Məclis üzvünün vuğruladığı digər məqama gəldikdə, bildirdi ki, müxtəlif beynəlxalq tədbirlərdə, o cümlədən beyin mərkəzlərinin, medianın təmsilçilərinin iştirakı ilə baş tutan görüşlərdə ölkə başçısının səsləndirdiyi tezislər, mesajlar ikitərəfli gündəlikdə duran mövzular, habelə problemli məsələlərə aydınlıq gətirilməsi baxımından əhəmiyyətli rol oynayıb: “Son dövrlərin təcrübəsi göstərir ki, Azərbaycan nümunəsində ardıcıl və intensiv xarakter daşıyan bu yanaşma diplomatik münasibətlər sistemində tətbiq edilən səmərəli metod olaraq qiymətləndiməlidir. Sadalanan məqamlarla yanaşı heç şübhəsiz, Prezident cənab İlham Əliyevin milli maraqlarımızın təmin edilməsi məqsədilə diplomatik xidmət orqanlarımızın qarşısında qoyduğu vəzifələrin səmərəli və operativ şəkildə həyata keçirilməsində xaricdəki diplomatik nümayəndəliklərimizə rəhbər təyin edilən şəxslərin peşəkarlığı mühüm rol oynayan amillərdəndir. İnanırıq ki, qardaş Türkiyə, Özbəkistan, Qazaxıstan, Serbiya, Macarıstan, İtaliya, Avstriya, Cenevrə və qeyd etmədiyim digər yerlərə təyinat alan diplomatlarımız uzun illər ərzində qazandıqları təcrübə və peşəkarlıqları sayəsində Prezidentimizin uğurlu xarici siyasət kursunu müvəffəqiyyətlə həyata keçirəcəklər. Bu təyinatlar münasibəti ilə səfir və Baş konsullarımızı ürəkdən təbrik edir, möhkəm cansağlığı və fəaliyyətlərində davamlə uğurlar arzulayıram”.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Zahid Oruc: “Avropa Parlamentində ikili siyasət hökm sürür”
Prezident İlham Əliyevin 15 sentyabr 2026-cı ildə keçirilən beynəlxalq tədbirin rəhbər heyəti ilə görüşündə Avropa Parlamentinin fəaliyyətini kəskin tənqid etməsi və qurumu “korrupsiya yuvası” adlandırması ölkə başçısının siyasi manifesti adlandırıla bilər. Belə sərt və açıq ittihamın tarixi əsasları var. 1990-cı illərdən sonra soyuq müharibənin qalibi olan Qərbin Sovetlər birliyinə qarşı sənədlərdə demokratiya və hüquqi idealları reallıqda işğala məruz qalan bir Qafqaz ölkəsinin siyasi xəritədən silinməsinə yönələn deklarasiyalara çevrilmişdi.O dövrün tarixini bir daha vərəqlədikdə, nəinki Mixail Qorbaçov başda olmaqla sovet rəhbərliyi, o cümlədən, ABŞ dövlət katibi Ceyms Beyker və Avropa dövlətlərinin hökumət-parlament rəhbərləri açıq şəkildə azərbaycanlıları ermənilərə qarşı təcavüzdə ittiham edirdilər....
21 Sentyabr 2026, 10:21
Qulamhüseyn Əlibəyli: “Türk dünyasının inteqrasiyası yeni mərhələdədir”
Prezident İlham Əliyevin “Türk dünyası bizim ailəmizdir və bizim başqa ailəmiz yoxdur” fikri Bakının xarici siyasətində Türk dünyasının yerini dəqiq ifadə edir. Burada söhbət yalnız ortaq tarixdən, dildən və mədəniyyətdən deyil, getdikcə daha aydın görünən siyasi, iqtisadi və təhlükəsizlik birliyindən gedir.Ümumiyyətlə, Azərbaycanın bütövlükdə Türk Dövlətləri Təşkilatı və bu təşkilata daxil olan türk dövlətləri ilə münasibətlərini çoxvektorlu diplomatiya əsasında iki paralel istiqamətdə qurur: bir tərəfdən TDT-nin çoxtərəfli regional beynəlxalq təşkilat kimi güclənməsinə çalışır, digər tərəfdən isə üzv dövlətlərin ayrı-ayrılıqda hər biri ilə ikitərəfli münasibətləri strateji müttəfiqlik səviyyəsinə yüksəldir. Türkiyə, Qazaxıstan, Qırğızıstan və Özbəkistanla imzalanmış müttəfiqlik müqavilə və bəyannamələri, Qazaxıstan, Özbəkistan və...
21 Sentyabr 2026, 09:10
Jurnalistdən AYNA-ya sərt irad: “İnsanlar saatlarla avtobus gözləyir”
Əməkdar jurnalist, “OLAYLAR” qəzetinin əməkdaşı Süleyman İsmayılbəyli Bakının 20-ci sahə adlanan ərazisində ictimai nəqliyyatla bağlı problemə diqqət çəkib.Citypost.az xəbər verir ki, S.İsmayılbəyli bildirib ki, 20-ci sahədən Azneft dairəsinə cəmi bir avtobus marşrutu, 5 nömrəli avtobus işləyir. Onun sözlərinə görə, sərnişinlər işə getmək üçün avtobus gözlədiyi vaxt sürücünün avtobusun qapılarını bağlayaraq ərazidən uzaqlaşması vətəndaşların narazılığına səbəb olur.Jurnalist AYNA-nın fəaliyyətini tənqid edərək qeyd edib ki, xüsusilə Formula 1 yarışları zamanı nəqliyyatın təşkilində yaranan problemlər sakinlərin və digər vətəndaşların hərəkətini çətinləşdirir. O, 20-ci sahədən Azneft dairəsinə sərnişin axınının nəzərə alınaraq avtobusların sayının artırılmasının vacibliyini vurğulayıb.S.İsmayılbəyli hesab edir ki, vətəndaşların saatlarla 5 nömrəli avtobusu...
21 Sentyabr 2026, 09:05
Qulu Məhərrəmli: “Rusiya ciddi problemlərlə üzləşir”
Professor Qulu Məhərrəmli Rusiya-Ukrayna müharibəsində son vəziyyətlə bağlı fikirlərini bölüşüb.Citypost.az xəbər verir ki,Q.Məhərrəmli bildirib ki, son saatlarda cəbhədə və tərəflərin qarşılıqlı hücumlarında vəziyyət daha da kəskinləşib. Onun sözlərinə görə, Rusiya Prezidenti Vladimir Putin ciddi siyasi, diplomatik və hərbi problemlərlə üzləşir.Professor qeyd edib ki, Ukrayna ordusunun Rusiyanın paytaxtı Moskva və ətraf ərazilərinə dronlarla yanaşı, ballistik raketlərlə də zərbələr endirməsi vəziyyəti daha da gərginləşdirib. O, son hücumların miqyasının dünya mediasında geniş müzakirə olunduğunu vurğulayıb.Q.Məhərrəmlinin sözlərinə görə, Moskva və ətrafında baş verən yanğın və dağıntılarla bağlı görüntülər sosial şəbəkələrdə yayılıb. O iddia edib ki, hücumların hədəfi yalnız yanacaq bazaları olmayıb və Rusiya mediası...
21 Sentyabr 2026, 09:01
Müşfiq Cəfərov: “20 Sentyabr milli qürur günüdür”
Hər bir xalq üçün öz taleyinə sahib olmaq, müstəqil dövlətini yaradaraq inkişaf etdirmək onun ən böyük nailiyyətidir.1990-cı illərin əvvəllərindən Ermənistanın hərbi təcavüzü ilə üzləşən ölkəmizin beynəlxalq birliklər tərəfindən tanınmış və suveren Azərbaycan hakimiyyətinin coğrafi sərhədləri daxilində yerləşən ərazilərinin 20 faizinin işğal edildi.Bu ərazilər işğal edilsə də suveren Azərbaycan ərazisi olaraq qalırdı. Azərbaycana qarşı hərbi təcavüzün nəticələrinin aradan qaldırılması və BMT Təhlükəsizlik Şurasının 822, 853, 874 və 884 saylı qətnamələrinin həyata keçirilməsi üzrə 30 ilə yaxın davam edən danışıqlar prosesi Ermənistanın destruktiv mövqeyinə görə nəticə vermirdi. Bu sözləri Citypost.az-a açıqlamasında Milli Məclisin deputatı Müşfiq Cəfərov bildirib.Millət vəkilinin sözlərinə görə, 2023 cü...
20 Sentyabr 2026, 18:23
Rövşən Muradov: “20 Sentyabr dövlətçiliyimizin yeni mərhələsini əks etdirir”
20 Sentyabrın Xankəndi, Xocalı, Xocavənd və Ağdərə şəhərləri günü kimi qeyd olunması müasir Azərbaycan dövlətçiliyinin iki böyük mərhələsini vahid tarixi məntiqdə birləşdirir: torpaqların işğaldan azad edilməsi və qazanılmış suverenliyin real idarəçilik, təhlükəsizlik, məskunlaşma, təhsil, istehsal və ictimai həyat vasitəsilə möhkəmləndirilməsi. Prezident İlham Əliyevin 2024-cü il sentyabrın 18-də imzaladığı Sərəncamla təsis olunan və 2026-cı ildə üçüncü dəfə qeyd edilən bu günün arxasında otuz illik işğalın ağır nəticələri, şəhidlərimizin müqəddəs qanı, qazilərimizin fədakarlığı və Azərbaycan xalqının sarsılmaz milli iradəsi dayanır. Buna görə 20 Sentyabr təqvim hadisəsindən daha geniş məna daşıyaraq dövlət hakimiyyətinin ölkənin bütün ərazisində tam və bölünməz şəkildə bərqərar olmasının siyasi...
20 Sentyabr 2026, 11:06
