Ağcaqanad sancması niyə bəzi insanlarda güclü şişkinlik yaradır?
Tibb 15 İyun 2026, 10:45
358
Yay aylarının gəlişi ilə birlikdə ağcaqanad sancmaları da insanların gündəlik həyatında daha çox rast gəlinən problemlərdən birinə çevrilir. Əksər hallarda ağcaqanad sancması yüngül qaşınma və kiçik qızartı ilə müşahidə olunsa da, bəzi insanlarda vəziyyət daha fərqli olur. Göz qapağının tamamilə şişməsi, yanağın qabarması, ətraflarda iri ölçülü şişkinliklərin yaranması və güclü qaşınma halları müşahidə edilə bilər. Bu isə çox vaxt ağcaqanad sancmasına qarşı yaranan allergik reaksiyanın göstəricisi hesab olunur.
Citypost.az xəbər verir ki, Mütəxəssislərin sözlərinə görə, ağcaqanad hər insanı sancsa da, hər orqanizm bu sancmaya eyni şəkildə reaksiya vermir. Ağcaqanad qan sorarkən dərinin altına öz ağız suyunu ifraz edir. Bu mayenin tərkibində qanın laxtalanmasının qarşısını alan müxtəlif maddələr olur. Bəzi insanlarda immun sistemi həmin maddələri yad və təhlükəli element kimi qəbul edir və onlara qarşı allergik reaksiya yaradır.
Nəticədə sancılan nahiyədə qızartı, qabarma, şişkinlik və güclü qaşınma meydana çıxır. Allergiyaya meyilli insanlarda isə bu reaksiyalar daha kəskin formada özünü göstərə bilir. Məsələn, ağcaqanad üz nahiyəsini sancdıqda göz qapaqlarında və yanaqlarda ciddi ödem yarana bilər. Bəzən şişkinlik o qədər artır ki, gözün açılması çətinləşir və ya tamamilə bağlanır.
Əllər, qollar və ayaqlar kimi nahiyələrdə isə sancma yerinin ətrafında bir neçə santimetr ölçüdə şişkinlik əmələ gələ bilər. Həmin sahə isti olur, toxunduqda ağrı və narahatlıq hiss edilir. Güclü qaşınma isə insanı davamlı olaraq həmin yeri qaşımağa vadar edir.
Həkimlər bildirirlər ki, qaşımaq ən çox yol verilən səhvlərdən biridir. Çünki dərinin zədələnməsi nəticəsində həmin nahiyəyə bakteriyalar daxil ola və infeksiya yarana bilər. Bu zaman sadə allergik reaksiya əlavə iltihabi proseslə ağırlaşa bilər.
Ağcaqanad sancmasına qarşı allergik reaksiya yarandıqda ilk növbədə sancılan nahiyəyə soyuq kompres tətbiq etmək tövsiyə olunur. Soyuq kompres damarların daralmasına kömək edir, şişkinliyi və qaşınmanı azaldır. Bundan əlavə, antihistamin təsirli kremlər və ya gel formalı preparatlar da yerli simptomların yüngülləşdirilməsində faydalı ola bilər.
Əgər şişkinlik sürətlə artırsa, qaşınma dözülməz həddə çatırsa və ya allergik reaksiya geniş sahəni əhatə edirsə, mütləq həkimə müraciət edilməlidir.
Həmçinin oxuyun
Belə hallarda həkim tərəfindən ağızdan qəbul edilən antihistamin preparatlar və digər allergiya əleyhinə müalicə vasitələri təyin oluna bilər.
Mütəxəssislər qeyd edirlər ki, xüsusilə uşaqlarda və allergik xəstəliklərə meyilli şəxslərdə ağcaqanad sancmalarına qarşı daha diqqətli olmaq lazımdır. Çünki onların immun sistemi bəzi hallarda daha güclü reaksiya göstərə bilir.
Yay mövsümündə ağcaqanadlardan qorunmaq üçün qoruyucu torlardan, repelent vasitələrdən və uyğun geyimlərdən istifadə etmək tövsiyə olunur. Bu sadə tədbirlər həm sancmaların, həm də mümkün allergik reaksiyaların qarşısını almağa kömək edə bilər.
Əli
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Allergiyanın səbəbi həmişə qurd və ya parazitdirmi?
Allergik xəstəliklərlə bağlı cəmiyyətdə geniş yayılmış yanlış təsəvvürlərdən biri də hər bir allergiyanın qurd və ya parazit infeksiyaları ilə əlaqələndirilməsidir. Bir çox insan dəri qaşınması, səpkilər, uzunmüddətli öskürək və ya digər allergik əlamətlərlə qarşılaşdıqda ilk növbədə bunun səbəbini qurd xəstəliklərində axtarır. Citypost.az xəbər verir ki, hətta bəzi hallarda heç bir müayinə aparılmadan qurd əleyhinə dərmanlardan istifadə edilir.Mütəxəssislər bildirirlər ki, qurd və parazit infeksiyaları həqiqətən də bəzi allergik reaksiyaların yaranmasına və ya mövcud allergik xəstəliklərin şiddətlənməsinə səbəb ola bilər. Lakin hər allergik xəstəliyin səbəbini qurdlarla əlaqələndirmək tibbi baxımdan düzgün deyil və bu yanaşma bir çox hallarda yanlış müalicəyə gətirib çıxarır.Parazitlər orqanizmə daxil...
15 İyun 2026, 09:59
Burnunuzun üzərində bu xətt varsa, allergik rinitin əlaməti ola bilər
Bir çox insan burnunun üzərində əmələ gələn üfüqi xəttə diqqət yetirmir və bunun sadəcə dəri qırışı və ya anatomik xüsusiyyət olduğunu düşünür. Citypost.az-ın məlumatına görə, halbuki mütəxəssislər bildirirlər ki, burnun orta hissəsində görünən horizontal xətt bəzi hallarda allergik rinitin xarakterik əlamətlərindən biri hesab olunur.Bu xətt adətən uzun müddət allergik rinitdən əziyyət çəkən insanlarda meydana çıxır. Allergik rinit zamanı burun selikli qişasında davamlı iltihabi proses yaranır və nəticədə burun tutulması, asqırma tutmaları, burundan sulu ifrazat gəlməsi, qaşınma və nəfəsalma çətinliyi kimi əlamətlər ortaya çıxır.Belə vəziyyətlərdə pasiyentlər narahatlığı azaltmaq üçün tez-tez əlləri ilə burnun ucunu yuxarı qaldırmağa çalışırlar. Bu hərəkət onlara qısa müddətlik...
15 İyun 2026, 08:45
Kompüter tomoqrafiyası nə qədər təhlükəsizdir?
Müasir tibbdə diaqnostikanın ən vacib üsullarından biri hesab edilən kompüter tomoqrafiyası (KT) bir çox xəstəliyin vaxtında aşkar edilməsində mühüm rol oynayır. Xüsusilə travmalar, daxili orqan xəstəlikləri, damar patologiyaları və onkoloji proseslərin müəyyənləşdirilməsində KT müayinəsi həkimlər üçün əvəzsiz məlumat mənbəyidir. Bununla belə, pasiyentləri ən çox maraqlandıran suallardan biri kompüter tomoqrafiyasının təhlükəsizliyi, müayinədən əvvəl xüsusi hazırlığın lazım olub-olmaması və kontrast maddənin orqanizmə təsiri ilə bağlıdır.Citypost.az xəbər verir ki, mütəxəssislərin sözlərinə görə, əksər hallarda kompüter tomoqrafiyası üçün xüsusi və mürəkkəb hazırlığa ehtiyac olmur. Müayinə qısa müddətdə həyata keçirilir və pasiyent üçün ciddi narahatlıq yaratmır. Həkimin təyinatı və tibbi göstəriş olduğu halda aparılan KT...
12 İyun 2026, 10:48
Hallux Valqus deformasiyası nədir və niyə yaranır?
Ayaq sağlamlığı ilə bağlı ən çox rast gəlinən problemlərdən biri hallux valqus deformasiyasıdır. Xalq arasında bu problem daha çox "baş barmaq əyriliyi" və ya "ayaqda çıxıntı" kimi tanınır. Hallux valqus ayağın baş barmağının öz normal mövqeyindən kənara, digər barmaqlara doğru əyilməsi nəticəsində yaranan deformasiya hesab olunur.Citypost.az-ın məlumatına görə, mütəxəssislərin sözlərinə görə, bu zaman baş barmaq metatarsofalangeal oynaq səviyyəsində xaricə doğru yer dəyişir. Nəticədə baş barmaq ikinci barmağın altına və ya üstünə keçə bilir. Bu vəziyyət isə yalnız estetik problem yaratmır, eyni zamanda ciddi ağrı və hərəkət məhdudiyyəti ilə müşayiət olunur.Deformasiya irəlilədikcə barmaqlar arasında sıx təmas yaranır. Bu da dəridə qıcıqlanma,...
12 İyun 2026, 09:49
Burun və boğaz ətlərinin əməliyyatla götürülməsi hansı hallarda vacibdir?
Valideynlər arasında ən çox müzakirə olunan mövzulardan biri uşaqlarda burun və boğaz ətlərinin (adenoid və badamcıqların) əməliyyat olunub-olunmaması ilə bağlıdır. Citypost.az xəbər verir ki, Mütəxəssislər bildirirlər ki, bu toxumaların böyüməsi hər zaman əməliyyat tələb etmir. Lakin bəzi hallarda onların yaratdığı fəsadlar uşağın sağlamlığına ciddi təsir göstərdiyindən cərrahi müdaxilə zəruri hesab olunur.Burun arxasında yerləşən adenoid toxumasının həddindən artıq böyüməsi uşaqlarda burun tənəffüsünün pozulmasına səbəb olur. Belə uşaqlar gündüz və gecə ağızdan nəfəs alır, yuxu zamanı xoruldayır və bəzən nəfəsin qısa müddətə dayanması ilə xarakterizə olunan gecə apnoesi halları müşahidə edilir. Uzun müddət davam edən bu vəziyyət uşağın normal inkişafına mənfi təsir göstərə...
12 İyun 2026, 08:50
Alkoqol qanda yağların miqdarını azaldırmı?
Cəmiyyətdə geniş yayılmış fikirlərdən biri də odur ki, müəyyən növ alkoqollu içkilər, xüsusilə qırmızı şərab ürək-damar sağlamlığı üçün faydalıdır və qandakı yağların səviyyəsini azaldır. Lakin mütəxəssislər bu məsələyə daha ehtiyatlı yanaşmağın vacib olduğunu bildirirlər.Citypost.az xəbər verir ki,həkimlərin sözlərinə görə, bəzi üzüm növlərindən hazırlanan qırmızı şərabın tərkibində olan maddələr yüksək sıxlıqlı lipoproteinlərin (HDL) – yəni xalq arasında “yaxşı xolesterol” adlandırılan xolesterolun səviyyəsini müəyyən qədər artıra bilər. HDL xolesterol damar divarlarında toplanan artıq yağların daşınaraq orqanizmdən uzaqlaşdırılmasına kömək etdiyi üçün ürək-damar sistemi baxımından faydalı hesab olunur.Lakin mütəxəssislər vurğulayırlar ki, bu təsir alkoqolun özü ilə deyil, əsasən üzümün tərkibində olan antioksidant maddələrlə əlaqədardır....
11 İyun 2026, 11:02
