Stress zamanı soyuq su niyə verilir? HƏKİM AÇIQLADI

Güclü həyəcan, stress, panik atak və ya özündəngetmə hissi zamanı ətrafdakılar adətən ilk olaraq insana soyuq su verir və ya üzünə soyuq su çiləyirlər. Bəs bu üsul həqiqətən faydalıdır, yoxsa sadəcə illərdir davam edən bir vərdişdir?

Citypost.az xəbər verir ki, Mütəxəssislərin sözlərinə görə, soyuq suyun müəyyən hallarda həqiqətən də sakitləşdirici təsiri ola bilər. Bunun əsas səbəbi isə insan orqanizmində yerləşən vagus sinirinin aktivləşməsidir. Üzə soyuq su vurulduqda və ya bir neçə qurtum soyuq su içildikdə vagus siniri stimullaşır. Bu isə ürək döyüntüsünün yavaşımasına, sinir sisteminin sakitləşməsinə və orqanizmin stres reaksiyasının azalmasına kömək edə bilər.Stress və güclü emosional gərginlik zamanı orqanizmdə adrenalin, noradrenalin və kortizol kimi stres hormonlarının səviyyəsi yüksəlir. Nəticədə ürək daha sürətli döyünür, nəfəsalma tezləşir, əllərdə titrəmə, tərləmə və narahatlıq hissi yaranır. Soyuq suyun yaratdığı ani təsir bu reaksiyanın şiddətini müəyyən qədər azalda və insanın özünü daha rahat hiss etməsinə kömək edə bilər.

Psixoloqlar qeyd edirlər ki, soyuq hiss beyində diqqətin istiqamətini dəyişir. İnsan panikaya səbəb olan fikirlərdən bir qədər uzaqlaşır və diqqətini bədənində hiss etdiyi soyuqluğa yönəldir. Bu da panik atak zamanı yaranan narahatlığın azalmasına kömək edə bilər.Stress zamanı tez-tez rast gəlinən əlamətlərdən biri də ağız quruluğudur. Həyəcan nəticəsində nəfəsalma sürətlənir və ağız daha tez quruyur. Belə hallarda bir neçə qurtum sərin su içmək həm ağız quruluğunu aradan qaldırır, həm də nəfəsin tədricən normallaşmasına kömək edir.Lakin həkimlər xəbərdarlıq edirlər ki, soyuq su hər vəziyyətdə çıxış yolu deyil. Əgər insanda aşağıdakı əlamətlər müşahidə olunursa, bunu sadəcə stress və ya panik atak hesab etmək təhlükəlidir:

Sinədə güclü və sıxıcı ağrı;

Nəfəs darlığı;

Nitqin pozulması;

Üzün bir tərəfində əyilmə;

Qol və ya ayaqda qəfil zəiflik və ya hərəkət məhdudluğu;

Şüurun pozulması və ya huşun itməsi.

Həmçinin oxuyun

Şahin Qurbanovdan xəbər var...  

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Bu əlamətlər infarkt və ya insultun ilkin xəbərdaredici əlamətləri ola bilər. Belə vəziyyətdə vaxt itirmədən təcili tibbi yardım çağırmaq lazımdır. Bu hallarda yalnız su verməklə kifayətlənmək xəstənin həyatını risk altına qoya bilər.

Mütəxəssislər bildirirlər ki, bəzi insanlarda üzə soyuq su çiləmək soyuq su içməkdən daha sürətli təsir göstərə bilər. Bunun səbəbi üz nahiyəsində yerləşən sinir uclarının soyuğa daha həssas olması və vagus sinirinin daha tez aktivləşməsidir.Nəticə etibarilə, soyuq su stres və panik vəziyyətlərində orqanizmi müəyyən qədər sakitləşdirə bilər. Ancaq bu üsul ciddi ürək-damar və ya beyin qan dövranı problemlərinin müalicəsi deyil. Əgər şikayətlər güclü, uzunmüddətli və ya həyati təhlükə yaradan əlamətlərlə müşayiət olunursa, mütləq həkimə müraciət edilməli və təcili tibbi yardım çağırılmalıdır.

Yeganə