Normal analizə baxmayaraq niyə halsızsınız? Həkimlər AÇIQLAYIR
Tibb 29 İyul 2026, 10:30
521
Bir çox insan davamlı halsızlıq, yorğunluq və enerjisizlikdən şikayət etsə də, qan analizlərinin "normal" çıxdığını eşidir. Həkim qəbulundan sonra "qanınız yaxşıdır, narahat olmayın" cavabını alan insanlar isə problemin səbəbini tapa bilmədikləri üçün narahat olurlar. Halbuki mütəxəssislər bildirirlər ki, bəzi vacib göstəricilər yalnız hemoglobin səviyyəsinə baxmaqla qiymətləndirilə bilməz.
Citypost.az xəbər verir ki, əksər hallarda insanlar yalnız hemoglobin nəticəsinə diqqət yetirirlər. Məsələn, hemoglobin göstəricisi 11–12 qram/dl olduqda bəzi hallarda ciddi problem olmadığı düşünülə bilər. Lakin bu, orqanizmdə dəmir ehtiyatlarının kifayət qədər olduğu anlamına gəlmir. Çünki insanın özünü gümrah hiss etməsində təkcə hemoglobin deyil, həm də bədəndə saxlanılan dəmir ehtiyatları mühüm rol oynayır.Bu baxımdan mütəxəssislər ferritin analizinin xüsusi əhəmiyyət daşıdığını vurğulayırlar. Ferritin orqanizmdə dəmir ehtiyatını göstərən əsas laborator göstəricilərdən biridir. Ferritin səviyyəsi çox aşağı olduqda, hətta hemoglobin normal görünsə belə, insan özünü daim yorğun, halsız və enerjisiz hiss edə bilər.Əgər ferritin göstəricisi 2, 3, 5, 10, 15 və ya 20 ng/ml kimi aşağı rəqəmlərdədirsə, bu, orqanizmdə dəmir ehtiyatlarının tükəndiyini göstərə bilər. Belə hallarda insan səhər yuxudan yorğun oyanır, gün ərzində tez yorulur, diqqətini cəmləməkdə çətinlik çəkir, iş qabiliyyəti azalır və fiziki fəaliyyət zamanı özünü zəif hiss edir.
Mütəxəssislərin sözlərinə görə, yalnız ferritin deyil, B12 vitamini, fol turşusu (folat), D vitamini və digər mikroelementlərin səviyyəsi də qiymətləndirilməlidir. Bu maddələrin çatışmazlığı da uzunmüddətli halsızlıq, başgicəllənmə, unutqanlıq, əzələ zəifliyi və ümumi enerji azalmasına səbəb ola bilər.Bəzi hallarda isə ferritin səviyyəsinin normadan yüksək olması da diqqətdən kənarda qalmamalıdır. Ferritin yalnız dəmir ehtiyatını göstərmir, eyni zamanda orqanizmdə gedən iltihabi proseslərin göstəricisi kimi də yüksələ bilər. Əgər ferritin yüksəkdirsə, bunun səbəbi araşdırılmalıdır. Oynaqlarda iltihab, qaraciyər xəstəlikləri, öd yolları problemləri, müxtəlif infeksiyalar və digər iltihabi vəziyyətlər ferritin göstəricisinin yüksəlməsinə səbəb ola bilər.Bu səbəbdən yalnız bir analiz nəticəsinə əsasən qərar vermək düzgün yanaşma hesab edilmir. Yorğunluğun səbəbini müəyyən etmək üçün laborator nəticələr xəstənin ümumi vəziyyəti, şikayətləri və digər müayinələrlə birlikdə qiymətləndirilməlidir.
Mütəxəssislər xəbərdarlıq edirlər ki, özbaşına dəmir preparatları qəbul etmək də təhlükəli ola bilər. Çünki həqiqətən dəmir çatışmazlığı olmayan şəxslərdə lazımsız dəmir qəbulu orqanizmdə artıq dəmir toplanmasına və müxtəlif sağlamlıq problemlərinə səbəb ola bilər. Buna görə də hər hansı vitamin və ya mineral preparatına başlamazdan əvvəl mütləq həkim məsləhəti alınmalıdır.Əgər qan analiziniz normal görünsə də, uzun müddətdir özünüzü halsız hiss edir, tez yorulur, iş qabiliyyətinizin azaldığını düşünür və gündəlik fəaliyyətlərdə çətinlik çəkirsinizsə, yalnız hemoglobin göstəricisi ilə kifayətlənməyin. Ferritin, B12 vitamini, fol turşusu, D vitamini və digər vacib göstəricilərin də qiymətləndirilməsi yorğunluğun əsl səbəbini üzə çıxarmağa kömək edə bilər.
Həmçinin oxuyun
Unutmayın ki, davamlı yorğunluq bəzən sadəcə istirahət çatışmazlığından deyil, orqanizmin verdiyi mühüm bir xəbərdarlıq siqnalından qaynaqlana bilər. Vaxtında aparılan müayinə və düzgün diaqnoz həm həyat keyfiyyətinizi yüksəldə, həm də gələcək sağlamlıq problemlərinin qarşısını ala bilər.
Əli
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Şah damarının tutulması necə bilinir? HƏKİMLƏR AÇIQLADI
Şah damarının (karotid arteriyanın) tutulması barədə cəmiyyətdə çoxsaylı yanlış təsəvvürlər mövcuddur. Bir çox insan düşünür ki, boyunda ağrı, keyimə və ya gərginlik hiss edirsə, bu, mütləq şah damarının tutulmasının əlamətidir. Halbuki mütəxəssislərin sözlərinə görə, şah damarının daralması və ya tutulması çox vaxt heç bir əlamət vermədən inkişaf edir və məhz buna görə də ən təhlükəli damar xəstəliklərindən biri hesab olunur.Citypost.az xəbər verir ki, kardioloqlar bildirirlər ki, şah damarının tutulmasının ən böyük əlaməti əslində əlamətsiz keçməsidir. Yəni xəstə uzun illər özünü tam normal hiss edə bilər. Damar daxilində aterosklerotik lövhələr yavaş-yavaş böyüyür, lakin insan bunu hiss etmir. Problem yalnız damar ciddi...
29 İyul 2026, 09:30
Ürəyin erkən döyüntüsü təhlükəlidirmi?
Ürəyiniz bəzən sanki bir anlıq dayanır, sonra isə güclü zərbə ilə döyünür? Bir çox insan bu hissi yaşayanda infarkt keçirdiyini və ya ürəyində ciddi problem olduğunu düşünərək təşvişə düşür. Halbuki əksər hallarda bu hiss "ürək təkləməsi" adlandırılan vəziyyətlə əlaqədardır və çox zaman həyati təhlükə yaratmır.Citypost.az-ın məlumatına görə, mütəxəssislərin sözlərinə görə, ürək təkləməsi ürəyin normal ritmindən əvvəl baş verən əlavə döyüntüdür. Tibbi dildə buna ekstrasistol, erkən döyüntü və ya erkən atım deyilir. Bu anlayışların hamısı eyni vəziyyəti ifadə edir.Həkimlər bildirirlər ki, ürək təkləməsi zamanı insanlar müxtəlif hisslər keçirə bilər. Bəziləri ürəyinin "boşluğa düşdüyünü", bəziləri isə sinəsində qəfil və güclü bir zərbə...
29 İyul 2026, 08:30
Qızıl yel özünü necə göstərir?
Ayaqda qəfil başlayan şişkinlik, qızartı, güclü ağrı, hərəkət zamanı çətinlik, dəridə gərginlik, bəzən isə suluq və yara əmələ gəlməsi insanların tez-tez rastlaşdığı, lakin əksər hallarda ciddi qəbul etmədiyi əlamətlərdəndir. Halbuki bu əlamətlər dərinin və yumşaq toxumaların kəskin bakterial infeksiyası olan qızıl yel (roja) xəstəliyinin göstəricisi ola bilər. Mütəxəssislər bildirirlər ki, xəstəliyin vaxtında diaqnostikası və düzgün müalicəsi ağırlaşmaların qarşısını almaqda həlledici rol oynayır.Citypost.az-ın məlumatına görə, həkimlərin sözlərinə görə, qızıl yel əsasən ayaqlarda müşahidə olunur. Xəstəlik çox vaxt qəfil başlayır. Ayaq sürətlə şişir, qızarır, toxunduqda isti olur və güclü ağrı yaranır. Bəzi hallarda insan ayağının üstünə basa bilmir, yeriməkdə çətinlik çəkir. İnfeksiya...
28 İyul 2026, 11:26
Pilləkən qalxarkən dizlərinizdən səs gəlirsə, diqqətli olun
Son illər diz ağrıları və oynaq problemləri təkcə yaşlı insanlarda deyil, gənclər arasında da daha çox müşahidə olunur. Xüsusilə səhərlər yuxudan oyandıqdan sonra hərəkətə başlamaqda çətinlik çəkmək, pilləkən qalxarkən dizlərdən səs gəlməsi, uzun müddət oturduqdan sonra ayağa qalxarkən ağrı hiss edilməsi və gecələr ağrı səbəbindən rahat yata bilməmək artrozun ilk əlamətləri ola bilər. Mütəxəssislər bildirirlər ki, bu şikayətlərə vaxtında diqqət yetirilməzsə, xəstəlik irəliləyərək oynağın funksiyasını ciddi şəkildə poza bilər.Citypost.az xəbər verir ki, Ortoped-travmatoloqların sözlərinə görə, artroz oynaq qığırdağının tədricən aşınması ilə xarakterizə olunan xroniki xəstəlikdir. Sağlam qığırdaq sümüklərin bir-birinə sürtünməsinin qarşısını alır və hərəkəti asanlaşdırır. Lakin zaman keçdikcə və ya...
28 İyul 2026, 10:15
Mədəaltı vəzi niyə gec xəbər verir?
Mədəaltı vəzi xəstəliklərinin diaqnozu əksər hallarda gec qoyulur. Mütəxəssislərin sözlərinə görə, bunun əsas səbəbi mədəaltı vəzin yüksək kompensasiya qabiliyyətinə malik olmasıdır. Orqanın bir hissəsində problem yaransa belə, sağlam qalan hissə uzun müddət onun funksiyasını yerinə yetirə bilir. Nəticədə xəstəlik ilk mərhələlərdə ciddi əlamətlərlə özünü göstərmir və bir çox insan şikayətlərini adi həzm pozğunluğu hesab edərək həkimə müraciəti gecikdirir.Citypost.az xəbər verir ki, mütəxəssislər bildirirlər ki, mədəaltı vəzin əsas vəzifəsi qidaların həzmi üçün vacib olan fermentləri hazırlamaqdır. Bu fermentlərdən lipaza yağların, amilaza karbohidratların, proteaza isə zülalların parçalanmasına kömək edir. Fermentlərin ifrazı azaldıqda qidalar tam həzm olunmur və müxtəlif həzm problemləri meydana çıxır.İlk...
27 İyul 2026, 10:45
Yüksək təzyiq yuxudan başlayır?
Bir çox insan düşünür ki, arterial təzyiq yalnız gündüz saatlarında yüksəlir. Halbuki bəzi insanlarda səhər yuxudan oyanan kimi təzyiq yüksək olur və bu vəziyyət ürək-damar sağlamlığı üçün ciddi risk yarada bilər.Citypost.az xəbər verir ki, mütəxəssislərin sözlərinə görə, normal şəraitdə insan yatarkən orqanizm istirahət rejiminə keçir. Bu zaman ürək daha sakit işləyir, damarlar boşalır və arterial təzyiq gündüz göstəricilərinə nisbətən təxminən 10–20 faiz aşağı düşür. Tibbdə bu hal "gecə təzyiqinin enməsi" adlanır və ürək-damar sisteminin qorunması üçün olduqca vacib hesab olunur.Lakin hər kəsdə bu proses normal getmir. Əgər insan gecələr tez-tez oyanırsa, gec yatırsa, yuxusu parçalanırsa, güclü xoruldayırsa və ya yuxu...
27 İyul 2026, 09:38
