Ailə mübahisələrində iddianın iddiaçının yaşadığı yer üzrə verilməsi halları 

Azərbaycan Respublikasının mülki prosessual qanunvericiliyinə əsasən, ümumi qayda ondan ibarətdir ki, iddia cavabdehin qeydiyyatda olduğu və ya yaşadığı yer üzrə məhkəməyə təqdim edilir. 

Citypost.az xəbər verir ki, lakin qanunvericilik bəzi kateqoriyalı ailə mübahisələrində bu qaydadan istisnalar müəyyən etmişdir.

Mülki Prosessual Məcəllənin 36-cı maddəsinə uyğun olaraq, müəyyən hallarda iddiaçı özünün yaşadığı yer üzrə məhkəməyə müraciət etmək hüququna malikdir. Bu istisnalar əsasən ailə hüquq münasibətlərindən irəli gələn işlərə aiddir.

Belə ki, aşağıdakı hallarda iddia iddiaçının yaşadığı yer üzrə verilə bilər:

Aliment tələbləri (uşağın və ya keçmiş həyat yoldaşının saxlanması ilə bağlı iddialar);

Atalığın müəyyən edilməsi və ya mübahisələndirilməsi;

Azadlıqdan məhrum etmə cəzası çəkən şəxslə nikahın pozulması ilə bağlı iddialar;

İddiaçının yanında yetkinlik yaşına çatmayan uşaqlar olduqda;

İddiaçının sağlamlıq vəziyyəti səbəbilə cavabdehin yaşadığı yerə getməsinin çətin və ya mümkünsüz olduğu hallarda;

Nikahın pozulması ilə bağlı digər xüsusi hallarda qanunun icazə verdiyi istisnalar.

Həmçinin oxuyun

Şahin Qurbanov yaxşı kabab bişirir... Xəstəxana direktoru ifşa olundu

Deputat Zaur Şükürov: "Azərbaycan cənub marşrutlarındakı riskləri balanslaşdıran əsas qovşaqdır"   

Ali Məhkəmə Rauf Aslanovun “bazar”ını bağladı  

Şahin Qurbanov da soyadını dəyişir?...  

Qeyd etmək vacibdir ki, bu hüquqi imkanlar yalnız qadınlara deyil, eyni şərtlər daxilində kişilərə də şamil olunur. Yəni qanun gender fərqi qoymadan hər iki tərəfə eyni hüquqi təminatları verir.

Beləliklə, ailə mübahisələrində məhkəmə aidiyyətinin müəyyən edilməsi yalnız ümumi qayda ilə deyil, həm də iddiaçının maraqlarının və sosial vəziyyətinin qorunması məqsədi daşıyan istisnalarla tənzimlənir.

Yeganə