Rusiyaya miqrant axını azalıb

2026-cı ilin birinci rübündə Rusiyaya daxil olan miqrantların sayı 15 faiz azalıb, ləğv edilmiş yaşayış icazələrinin sayı isə təxminən iki dəfə artıb.

AZƏRTAC xəbər verir ki, bu barədə Rusiya Dövlət Dumasının sədri Vyaçeslav Volodin məlumat verib.

O bildirib ki, bu ilin yanvar-mart ayları arasında 8 mindən çox yaşayış icazəsi ləğv edilib ki, bu da ötən ilin eyni dövrü ilə müqayisədə 90 faiz artım deməkdir. Verilən müvəqqəti yaşayış icazələrinin sayı da 27,5 faiz, daimi yaşayış hüququ alanların sayı isə 27,8 faiz azalıb.

Volodin vurğulayıb ki, Dövlət Duması yaz sessiyası ərzində miqrasiya qanunvericiliyini sərtləşdirmək üçün yeni tədbirlər görməyi planlaşdırır. Qanun layihəsi müəyyən bir il ərzində rəsmi olaraq 10 aydan az işləmiş miqrant işçilər üçün müvəqqəti yaşayış icazələrinin və daimi yaşayış hüququnun ləğv edilməsi imkanını nəzərdə tutur. Təşəbbüs, həmçinin xarici vətəndaşların və onların ailələrinin gəlirləri üzərində nəzarətin artırılmasını tələb edir.

Həmçinin oxuyun

Buqələmun  - Şahin Qurbanovu da Vilyam Hacıyevin taleyi gözləyir?

Şahin Qurbanov yaxşı kabab bişirir... Xəstəxana direktoru ifşa olundu

Deputat Zaur Şükürov: "Azərbaycan cənub marşrutlarındakı riskləri balanslaşdıran əsas qovşaqdır"   

Ali Məhkəmə Rauf Aslanovun “bazar”ını bağladı  

Sənədə əsasən, miqrantlar regional əmsal nəzərə alınmaqla, özlərini və ailə üzvlərini ən azı yaşayış minimumu səviyyəsində təmin etməlidirlər. Tələblərə əməl edilməməsi iş icazələrinin və ya patentlərinin yenilənməsindən imtina ilə nəticələnəcək və bundan sonra onlar 15 gün ərzində yetkinlik yaşına çatmayan uşaqları ilə birlikdə Rusiyanı tərk etməli olacaqlar.

Bundan əlavə, qanun layihəsi gəlirlər haqqında məlumatların vergi orqanlarından Daxili İşlər Nazirliyinə avtomatik ötürülməsini nəzərdə tutur və miqrant işçilərin uşaqlarının Rusiyada yaşaması üçün əlavə tələblər tətbiq edir.