Politoloq: "İranın qonşularına qarşı siyasəti ciddi nəticələrə gətirib çıxara bilər"  

Politoloq Turan Rzayev Citypost.az-a açıqlamasında İranın son dövrlərdə bölgədəki hərbi və diplomatik fəaliyyətlərini şərh edib.

O bildirib ki, İranın qonşulara qarşı təcavüzkar siyasəti artıq aktuallaşıb və ciddi nəticələr doğura bilər:"Faktiki olaraq, biz bu gün öz qonşularına qarşı təxribatçı addımlar atan bir İran görürük. Amerika və İsrailin bu ölkəyə təzyiqlərinə cavab olaraq, İran Körfəz ölkələrinə, İraqa, Kiprə, hətta Türkiyə və Azərbaycan istiqamətində dron və raket hücumları həyata keçirir. Azərbaycan ərazisində baş verən hücumlar göstərir ki, İran beynəlxalq hüquqa riayət etməyən, destruktiv siyasət yürüdən ölkədir", deyə Turan Rzayev vurğulayıb.

O əlavə edib ki, Azərbaycan İranın təxribatlarına qarşı diplomatik və hərbi ciddiyyətini nümayiş etdirib:"Azərbaycan heç bir hücum və ya təzyiqə məruz qalmadan, yalnız öz ərazisini qorumaqla İranın səhv siyasətinə qarşı xəbərdarlıq edib. Ordumuz güclü və müasir texnologiyaya malikdir, həmçinin Türkiyə ilə strateji müttəfiqlik əlaqələrimiz mövcuddur. Bu, göstərir ki, Azərbaycana edilən hücum paralel olaraq Türkiyəyə də yönəldilsə, regionda ciddi nəticələrə səbəb olacaq. İran unutmamalıdır ki, Azərbaycan əhalisi və dövlət qurumları bu məsələlərə səssiz qalmayacaq", – deyə politoloq əlavə edib.

Turan Rzayev vurğulayıb ki, İranın hazırkı siyasəti qonşuları ilə münasibətlərdə gərginlik yaradır və bundan sonra regiondakı dinamikanı dəyişə bilər:"Azərbaycan regionda sülhü qorumaq istəyir, amma lazım gəldikdə öz gücünü göstərməkdən çəkinməyəcək. İranın atdığı addımlar yalnız özünə ciddi fəsadlar gətirəcək və qonşular üçün təhlükə yaradacaq",  deyə o bildirib.

Həmçinin oxuyun

Bir sıra birinci instansiya məhkəmələrinə hakimlər təyin edilib - SİYAHI 

Prezident İlham Əliyev: Azərbaycan enerji ehtiyatlarının etibarlı tranziti ölkəsi rolunu oynayır 

Hacıbaba Bağırovun ailə həyatı barədə açılmamış sirlər  

Vüqar Qurbanovla iş birliyində olmuş baş həkim kimdir ?

Turan