Zəlimxan Məmmədli: İran üç yerə bölünəcək  

Siyasətçi Zəlimxan Məmmədli Citypost.az saytına açıqlamasında İranın yaxın gələcəkdə dağılacağını və bu prosesin həm region, həm də dünya üçün təhlükəsiz bir ssenari olacağını bildirib.

Z. Məmmədli İranın içindən deyil, xaricdən gətirilmiş süni ideologiyalarla formalaşan siyasi sistem səbəbilə dağılmasının labüd olduğunu vurğulayıb.

Onun sözlərinə görə, İranın daxilindəki inqilab prosesləri xalq iradəsini əks etdirməyib, əksinə kənardan yönləndirilmiş və vədləri yerinə yetirilməyən siyasət nəticəsində formalaşıb. Məmmədli bildirib ki, İranın xarici siyasəti – xüsusilə ABŞ və İsrailə qarşı yönəlik çağırışlar – regiona xarici güclərin müdaxiləsi üçün münbit şərait yaradıb və bu vəziyyət dayandırılmayıb.

Siyasətçi hesab edir ki, İranın gələcəkdə üç əsas hissəyə bölünəcəyi ehtimalı realdır: farslar, kürdlər və Güney Azərbaycan. Məmmədli Güney Azərbaycanın bir vahid dövlət kimi formalaşmasının həm türk milləti üçün, həm də Azərbaycan üçün strateji əhəmiyyət daşıdığını bildirib. O, qeyd edib ki, Güney Azərbaycan türkləri son 30-35 ildə milli kimliklərini qoruyaraq öz hüquqlarını bərpa etmək istiqamətində ciddi addımlar ata biliblər və bu proses Quzey Azərbaycanla mənəvi birləşməyə gətirib çıxarıb.

Zəlimxan Məmmədli əlavə edib ki, Türk Dövlətləri Təşkilatı və Türkiyə ilə Azərbaycanın birlikdə fəaliyyəti Güney Azərbaycan məsələsinin dünya səviyyəsində tanınmasına və hüquqi statusunun leytləşməsinə töhfə verə bilər. Onun fikrincə, regiondakı strateji oyunlar və xarici dövlətlərin maraqları nəzərə alınaraq, Azərbaycan Güney Azərbaycan türklərinin birləşməsi üçün önəmli siyasi, diplomatik və iqtisadi addımlar ata bilər.

Həmçinin oxuyun

Bir sıra birinci instansiya məhkəmələrinə hakimlər təyin edilib - SİYAHI 

Prezident İlham Əliyev: Azərbaycan enerji ehtiyatlarının etibarlı tranziti ölkəsi rolunu oynayır 

Hacıbaba Bağırovun ailə həyatı barədə açılmamış sirlər  

Vüqar Qurbanovla iş birliyində olmuş baş həkim kimdir ?

Turan