Eldəniz Əmirov: Uşağın yeri əmək bazarında deyil, məktəbdə və ailəsinin yanındadır  

İqtisadçı-ekspert Eldəniz Əmirov uşaq əməyinin istismarı probleminə diqqət çəkərək bildirib ki, bir ölkənin inkişaf səviyyəsini müəyyən etməyin ən sadə göstəricilərindən biri uşaqların harada olmasıdır – məktəbdə, yoxsa əmək bazarında.

Citypost.az xəbər verir ki, ekspert sosial şəbəkə hesabında paylaşdığı fikirlərdə qeyd edib ki, hazırda dünyada təxminən 138 milyon uşaq əmək fəaliyyətinə cəlb olunur. Onun sözlərinə görə, bəzi Afrika və Asiya ölkələrində uşaq əməyinin istismarı göstəricisi 20-30 faizə çatdığı halda, inkişaf etmiş Avropa ölkələrində bu rəqəm 1 faizdən də aşağıdır. Qlobal orta göstərici isə 8 faiz səviyyəsində qiymətləndirilir.

E.Əmirov bildirib ki, UNICEF-in məlumat bazasında Azərbaycan üzrə son beynəlxalq qiymətləndirmələrdə ölkədəki göstəricinin dünya ortalamasından xeyli aşağı olduğu qeyd edilir.

İqtisadçının fikrincə, son illərdə Azərbaycanda uşaq əməyinin istismarı hallarının əhəmiyyətli dərəcədə azalması müşahidə olunur. O hesab edir ki, əmək münasibətlərinin rəsmiləşdirilməsi, nəzarət mexanizmlərinin gücləndirilməsi və şəffaflığın artırılması bu prosesə müsbət təsir göstərib.

Həmçinin oxuyun

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Şahin Qurbanov yaxşı kabab bişirir... Xəstəxana direktoru ifşa olundu

Deputat Zaur Şükürov: "Azərbaycan cənub marşrutlarındakı riskləri balanslaşdıran əsas qovşaqdır"   

E.Əmirov vurğulayıb ki, gələcəkdə bu göstəricinin daha da azalması vacibdir. Onun sözlərinə görə, uşaqların əsas yeri əmək bazarında deyil, təhsil müəssisələrində, ailələrinin yanında və öz arzularına doğru addımladıqları mühitdədir.

İqtisadçı ekspert 1 İyun – Uşaqların Beynəlxalq Müdafiəsi Günü münasibətilə bütün uşaqları təbrik edərək onlara sağlam, xoşbəxt və qayğısız gələcək arzulayıb.