Əli Məmmədov: Taleh Yüzbəyov haterlərinə qalib gəldi

Taleh Yüzbəyovun çəkdiyi reklamı ilk izləyəndə məndə qeyri-adi heç bir təəssürat yaranmadı. Nə bəyəndim, nə də bəyənmədim. Sürüşdürüb keçdim. Məni təəccübləndirən isə sonradan yaşananlar oldu.

Məncə Taleh özü də qəbul edər ki, bu reklam onun çəkdiyi ən yaxşı reklam deyil. Ancaq özlərini feminist adlandıran qrupun xüsusi cənfəşanlığı sayəsində bir anda ölkənin əsas gündəmindən biri bu reklam oldu. Və məhz bu baxımdan Talehin öz haterlərinə qalib gəldiyi aşkardı. Çünki reklam silinsə belə reklamın hər iki tərəfi üçün də arzu olunan rezonansı doğurdu.

Gəlin etiraf edək ki, o reklam bəyənilməyə bilər, irad ola bilər, amma içində qadına qarşı heç bir təhqir yoxuydu. Məsələni bu qədər böyüdüb təhqir və linçə aparacaq qədər ağır bir səbəb yoxuydu ortada. Bundan daha betər nümunələr olub bu ölkədə. Heç birinə belə aqresiv münasibət göstərilməyib. 

Ümumiyyətlə, bizdəki feministlərin qadın hüquqları uğrunda mübarizə yox, məhz kişi düşmənliyi apardığını onları azca tanıyan hər kəs bilir. Bu baxımdan bir çoxunun psixoloq dəstəyinə ciddi ehtiyacı olduğunu onlarla hər təmasda olanda deyirəm.

Bu nümunədə də məsələ qadın hüquqlarını müdafiə etmək yox, sadəcə "köhnə dost"ları Talehi kütləvi halda yad edib, onu cəmiyyət qarşısında linç etdirərək reputasiyasını məhv etmək cəhdiydi. Hə, bir də əlbəttə ki, hələ mövcud olduqlarını xatırlatmaq, gündəmə gəlmək. Belə mübarizə üsulu isə nəinki qadına, heç bir insana yaraşmır.

İstənilən kişi düşmən bir kişiyə qarşı necə mübarizə aparacağını yaxşı bilir. Çünki insanlıq tarixi boyunca kişinin düşməni kişi olub, qadının düşməni də qadın (istisnalar xaricində). 

Kişilərin qadın düşmənləri yeni-yeni ortaya çıxdığı, istifadə etdikləri linç metodları hələ öyrəşmədiyimiz metodlar olduğu üçün kişilər olaraq şokdayıq. Hələ qərar verə bilməmişik ki, bu tayfayla necə mübarizə aparaq ki, həm layiqli cavab olsun, həm də qadın düşməni olmayaq. Hələ ki, düşdükləri səviyyəni acı bir təbəssümlə izləməkdən başqa əlimizdən heç nə gəlmir.

Kişi, qadın fərq etmir. Bizim üçün hər kəs insandır. İnsan olmağı bacaran hər kəs baş tacımızdır. Tanrı bütün insanları bizim feministlərin şərindən qorusun

Əli Məmmədov 

Kino aktyor

Həmçinin oxuyun

Şahin Qurbanovdan xəbər var...  

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?