BMT dövlətləri İranın Hörmüz boğazı üzərində suverenlik iddialarını tanımamağa çağırıb
Dünya 10 İyul 2026, 19:25
427
BMT-nin Beynəlxalq Dəniz Təşkilatının (IMO) İdarəetmə Şurası ölkələri İranın Hörmüz boğazı üzərində suverenlik iddialarını və gəmi hərəkətinə nəzarət etmək üçün yaratdığı qurumu tanımamağa çağırıb.
Citypost.az “Reuters“a istinadən xəbər verir ki, bu barədə təşkilatın cümə günü qəbul etdiyi sənəddə qeyd olunub.
Sənəddə bildirilir ki, dövlətlər İranın Hörmüz boğazı üzərində nəzarəti birtərəfli qaydada ələ keçirmək cəhdlərini rədd etməlidir. Şura həmçinin Tehranın boğazdan keçən gəmilərin hərəkətini idarə etmək məqsədilə yaratdığı qurumu da “birtərəfli qərar” kimi qiymətləndirib.
Məsələ bu həftə Londonda yerləşən Beynəlxalq Dəniz Təşkilatının 40 üzvdən ibarət İdarəetmə Şurasının iclasında müzakirə olunub. Müzakirələr zamanı Körfəz ölkələri, ABŞ və İran arasında Hörmüz boğazının gələcəyi ilə bağlı fikir ayrılığı yaşanıb.
Həmçinin oxuyun
ABŞ-ın İrana endirdiyi hava zərbələri və Vaşinqtonun Tehranı ticarət gəmilərinə hücumlarda ittiham etməsindən sonra bölgədə gərginlik yenidən artıb. Bu vəziyyət qlobal neft tədarükü və dəniz daşımaları ilə bağlı narahatlıqları gücləndirib, həmçinin ABŞ və İran arasında davam edən danışıqlar fonunda əldə olunmuş müvəqqəti atəşkəsin kövrək olduğunu bir daha göstərib.
Qeyd edək ki, BMT-nin Beynəlxalq Dəniz Təşkilatı (IMO) beynəlxalq gəmiçiliyin təhlükəsizliyi, mühafizəsi və dəniz mühitinin çirklənməsinin qarşısının alınmasına cavabdeh qurumdur və 176 üzv dövləti birləşdirir.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
İran ABŞ-ın hücumlarına cavab olaraq İsraili vuracaqları ilə hədələyib
İranın Ali Milli Təhlükəsizlik Şurasının katibi Məhəmməd Baqer Zolqədr İsraili aprel ayında dayandırılan müharibəyə yenidən cəlb etməklə hədələyib.ISNA-nın xəbərinə görə, Məhəmməd Baqer Zolqədr deyib ki, İran Amerikanın hücumlarına cavab olaraq İsraili hədəfə alacaq.Məhəmməd Baqer Zolqədr qeyd edib ki, ABŞ İranın infrastrukturunu hədəfə almağa davam edərsə, İsrail Tehranın cavabından “qurtulmayacaq”. (APA)
10 İyul 2026, 18:15
Tbilisidə müxalif siyasətçi 13 il azadlıqdan məhrum edildi
Tbilisidə terror aktı törətməyə cəhddə ittiham olunan müxalif "Güclü Gürcüstan" koalisiyasının liderlərindən biri Aleko Elisaşvili 13 il müddətinə azadlıqdan məhrum edilib.APA-nın yerli bürosu xəbər verir ki, hökmü Tbilisi Şəhər Məhkəməsi elan edib.Siyasətçi son sözlə çıxışında hökumət rəsmilərinin ünvanına təhqiredici ifadələr işlətdiyinə görə hakimin göstərişi ilə məhkəmə zalından çıxarılıb.Qeyd edək ki, Aleko Elisaşvili ötən ilin noyabrın 29-da saxlanılıb. O, Tbilisi Şəhər Məhkəməsinin binasına qanunsuz daxil olaraq dəftərxanada olan əşyaların və sənədlərin üzərinə benzin tökərək yanğın törətməyə cəhd edib. Müxalifətçi onu dayandırmağa çalışan məhkəmə icraçılarına üzərində olan odlu silahla müqavimət göstərib.Siyasətçiyə qarşı ağır nəticələrə səbəb olan terror aktının törədilməsinə cəhd ittihamı irəli...
10 İyul 2026, 18:00
Qazaxıstanın bir sıra ölkələrdəki səfirləri vəzifələrindən geri çağırıldı
Qazaxıstan Prezidenti Kasım-Jomart Tokayevın imzaladığı sərəncamlarla ölkənin bir sıra dövlətlərdəki diplomatik missiyalarının rəhbərləri vəzifələrindən azad ediliblər.Citypost.az Teleqraf-a istinadən xəbər verir ki, bu barədə "Akorda" məlumat yayıb.Bildirilib ki, Rapil Joşıbayev Qazaxıstanın Qırğızıstandakı, Arman İsaqaliyev Qətərdəki, Abzal Saparbekuly Macarıstandakı, Madi Atamqulov isə Serbiyadakı fövqəladə və səlahiyyətli səfiri vəzifələrindən geri çağırılıblar.
10 İyul 2026, 16:19
Təyyarədə qorxu dolu anlar: Sərnişinlər kabus yaşadı
Yunanıstandan Almaniyaya uçan sərnişin təyyarəsində qorxulu anlar yaşanıb. Uçuş zamanı mühərrikdə yaranan nasazlıq nəticəsində onun qopmuş hissəsi təyyarənin pəncərəsinə dəyərək şüşəni sındırıb. Hadisə nəticəsində bir sərnişin xəsarət alıb.Citypost.az Musavat.com xəbər verir ki, Yunanıstan mətbuatının yaydığı məlumata görə, Salonikidən Almaniyanın Münhen şəhərinə uçan Ryanair aviaşirkətinə məxsus sərnişin təyyarəsi Şimali Makedoniyanın paytaxtı Skopye yaxınlığında olarkən mühərriklərdən birində ciddi nasazlıq yaranıb.Pilotlar nasazlığın havada aradan qaldırılmasının mümkün olmadığını müəyyən etdikdən sonra təyyarəni təhlükəsiz şəkildə Saloniki hava limanına geri qaytarmaq qərarı veriblər.Eniş zamanı sərnişin salonunda güclü səs eşidilib və pəncərələrdən biri sınıb. Təhlükəsizlik məqsədilə sərnişinlərə oksigen maskaları təqdim olunub.Hadisədən sonra aparılan ilkin araşdırma zamanı müəyyən...
10 İyul 2026, 15:27
20 ilin ən ölümcül meşə yanğını: 11 nəfər öldü
İspaniyanın cənub-şərqində baş verən böyük meşə yanğını nəticəsində azı 11 nəfər ölüb.Citypost.az xəbər verir ki, yanğın zamanı daha 6 nəfər xəsarət alıb, təxminən 1000 sakin təhlükəsizlik məqsədilə təxliyə olunub.Hazırda 150-yə yaxın yanğınsöndürən alovun qarşısını almaq üçün mübarizəni davam etdirir.Yerli KİV-in məlumatına görə, bu, son 20 ildə İspaniyada qeydə alınan ən ölümcül meşə yanğınlarından biri hesab olunur. (Modern.az)
10 İyul 2026, 15:10
Polşada 10 mindən çox ABŞ əsgəri olacaq
Polşada ABŞ hərbçilərinin sayı qoşunların rotasiyası bərpa edildikdən sonra 10 mini ötəcək.Citypost.az xarici KİV-lərə istinadən xəbər verir ki, bu barədə Polşanın Baş nazirinin müavini və müdafiə naziri Vladislav Kosinyak-Kamış jurnalistlərə açıqlamasında bildirib."Armenpress"in məlumatına görə, nazir yaxın həftələrdə ABŞ qoşunlarının Polşadakı rotasiyasının bərpa olunacağını və ölkədə yerləşdirilən Amerika hərbçilərinin sayının 10 mindən çox olacağını deyib.Vladislav Kosinyak-Kamış vurğulayıb ki, ABŞ qoşunlarının Polşada yerləşməsi xərc deyil, ölkənin təhlükəsizliyinə yönəlmiş investisiyadır."Bu gün biz hər bir Amerika əsgərinin Polşada qalması üçün ildə təxminən 15 min dollar xərcləyirik. Bu, Polşanın təhlükəsizliyinə edilən ən yaxşı sərmayədir", – deyə müdafiə naziri bildirib.Qeyd edək ki, may ayında ABŞ Müdafiə...
10 İyul 2026, 10:53
