E.Əmirov: İsraildə siyasi qərarlar iqtisadi risklər fonunda formalaşır

Yaxın Şərqdə baş verən proseslər fonunda İsraildə siyasi və iqtisadi müstəvidə diqqət çəkən dəyişikliklər müşahidə olunur.

Citypost.az xəbər verir ki, iqtisadçı-ekspert Eldəniz Əmirov bildirib ki, bir ay əvvəl Benjamin Netanyahu ilə bağlı müzakirələr daha çox siyasi və hərbi aspektdə aparılırdısa, hazırda bu müzakirələrin ağırlıq mərkəzi tədricən iqtisadi sahəyə keçir.

Onun sözlərinə görə, münaqişələrin uzanması iqtisadi riskləri ön plana çıxarır və qəbul edilən qərarlar birbaşa büdcəyə, investisiya mühitinə və bazar gözləntilərinə təsir göstərir. Bu isə siyasi proseslərin artıq iqtisadi risk kimi qiymətləndirilməsinə səbəb olur.

Ekspert qeyd edib ki, ölkə daxilində siyasi dinamika da dəyişir. Netanyahu əvvəlki qədər yüksək ictimai dəstəyə malik olmasa da, sistem daxilində əsas qərarverici fiqur olaraq qalır. Müxalifətin parçalanmış vəziyyətdə olması isə alternativ siyasi mərkəzin formalaşmasına mane olur və mövcud idarəetmə modelinin davam etməsinə şərait yaradır.

E. Əmirov vurğulayıb ki, İsrail iqtisadiyyatı struktur baxımından güclü olsa da, artan təhlükəsizlik xərcləri və genişlənən büdcə yükü fiskal balans üzərində təzyiq yaradır. Qısa müddətdə bu proseslər idarə olunsa da, orta müddətli perspektivdə vəziyyətin necə inkişaf edəcəyi əsas suallardan biri olaraq qalır.

O əlavə edib ki, Netanyahu paradiqmasının əsas xüsusiyyəti qərarların iki paralel məntiqlə – təhlükəsizlik prioriteti və iqtisadi davamlılıq prinsipləri əsasında verilməsidir. Lakin bu balans hər zaman ideal qorunmur və bəzi hallarda siyasi qərarlar iqtisadi baxımdan daha optimal variantları üstələyir.

Həmçinin oxuyun

Prezident ailəsini şantaj edən Fərid Salmanov KİMDİR?

TƏBİB Səhiyyə Nazirliyinə birləşdirilir - İslahatlar DAVAM EDƏCƏK 

"Bütövlük nəğməsi"  - Sayman Aruzun ŞEİRİ

DAHİ – Şəmsi Vəfadarın YAZISI  

Açıqlamada həmçinin bildirilib ki, koalisiya modelinin qorunması üçün büdcə alətlərindən aktiv istifadə olunur ki, bu da xərclərin strukturuna təsir edir və iqtisadi qərarların siyasi razılaşmaların nəticəsinə çevrilməsinə səbəb olur.

Ekspertin fikrincə, investor davranışı da mövcud vəziyyətlə bağlı mühüm siqnallar verir: risklər artsa da, bazardan tam çıxış müşahidə olunmur, lakin kapital daha ehtiyatlı davranır və gözləmə mövqeyi güclənir. Bu isə iqtisadi aktivliyin tempinə təsir edir.

Sonda qeyd olunub ki, İsrail iqtisadiyyatı ilə siyasi qərarvermə arasındakı məsafə azalır və bu modelin davamlılığı balansın necə qorunacağından asılı olacaq.

Yeganə