Zaur Şükürov:Qərəzli qətnamə, təhrif olunmuş reallıq
Siyasət 01 May 2026, 14:45
2145
Məlum olduğu kimi Avropa Parlamenti Ermənistanla bağlı “Ermənistanda demokratik dayanıqlığın dəstəklənməsi” adlı qətnamə qəbul edərək, növbəti dəfə Azərbaycanı hədəfə alıb. Qətnamədə Azərbaycana qarşı müddəalar tamamilə əsassız, kökündən yanlış və mövcud reallıqlardan uzaqdır. Avropa Parlamentinin regionda post-münaqişə dövründə normallaşma və sülh səylərini dəstəkləmək əvəzinə, qarşıdurma mövqeyi sərgiləməsi regiondakı sülh prosesinə və Azərbaycan-Avropa İttifaqı münasibətlərinə mənfi təsir göstərir.
Qətnamədə 2020-ci ildə 44 günlük Vətən Müharibəsindən və 2023-cü ildə Azərbaycanın beynəlxalq səviyyədə tanınmış əraziləri üzərində tam suverenliyinin bərpasından sonrakı inkişaflar qəsdən təhrif olunur.
“Ədalətsiz həbs” kimi ifadələrdən istifadə etməklə “hərbi əsir” kimi təqdim edilən məhbusların azadlığa buraxılması çağırışları hüquqi cəhətdən yanlış və qəbuledilməzdir. Azərbaycan xoşməramlılıq nümayiş etdirərək, 2020-ci il Vətən müharibəsi və 2023-cü il antiterror tədbirlərindən sonra məhbusların böyük əksəriyyətini geri qaytarıb. Hazırda həbsdə olanlar “hərbi əsir” deyil, terrorizm, sabotaj və müharibə cinayətləri də daxil olmaqla ağır cinayətlərə görə barələrində məhkəmə hökmü olan şəxslərdir.
Qətnamədə qeyd olunan “Dağlıq Qarabağ ermənilərinin maneəsiz və ləyaqətli şəkildə geri qayıtması” barədə cəfəng çağırışları rədd edirik. Azərbaycan dəfələrlə Konstitusiyasına və beynəlxalq öhdəliklərinə uyğun olaraq erməni əsilli sakinlərin hüquqlarını, təhlükəsizliyini və reinteqrasiyasını təmin etməyə hazır olduğunu bildirib. Ermənistan sakinlərinin ölkəni tərk etməsi məcburiyyət deyil, könüllü əsasda baş verib. Bundan əlavə, qətnamədə təxminən 1 milyon qaçqın və məcburi köçkün olan azərbaycanlının hüquqlarını tamamilə görməzdən gələrək, erməni sakinlərinin qayıtmasına selektiv şəkildə vurğu edilməsi qərəzli yanaşmanın bariz nümunəsidir.
“Mədəni irsin məhv edilməsi” ilə bağlı iddialar riyakarlıqdır. Təqribən 30 illik işğal dövründə Azərbaycanın mədəni və dini irsi sistematik şəkildə dağıdılıb, talan edilib və ya təhqir edilib. Bütün şəhərlər viran edilib, məscidlər, məzarlıqlar və tarixi abidələr yer üzündən silinib və bu halların heç birinə Avropa Parlamenti tərəfindən heç zaman diqqət belə yetirilməyib. Buna baxmayaraq, ölkəmiz tərəfindən həm işğaldan azad edilmiş ərazilərdə, həm də digər bölgələrdə, ayrıseçkilik etmədən ən müxtəlif tarixi və dini abidələr qorunur və bərpa olunur. Bu faktları görməzdən gəlmək ikili standartların nümunəsidir.
Ermənistandakı revanşistlərin səsləndirdiyi fitnəkar iddialarla uzlaşan belə bir mövqe sərgilənməsi dolayısı ilə həmin qüvvələrin və erməni separatçıları tərəfindən xalqımıza qarşı törədilən, insanlıq əleyhinə cinayətlər, müharibə cinayətləri, terrorçuluq, hakimiyyətin zorla ələ keçirilməsi və digər bu kimi ağır cinayətlərin dəstəklənməsi anlamına gəlir.
Qətnamədə belə riyakar və iftira dolu oxşar fikirlərin təkrarlanması bu fəaliyyətə cəlb olunmuş və maskalanmış Avropa siyasətçilərinin həqiqi üzünü bir daha nümayiş etdirdi.
Ermənistanla sülh prosesində əsas təşəbbüskar tərəf olan, sülh müqaviləsi layihəsini təklif edən, danışıqlar prosesinin uğurla nəticələnməsini və etimad quruculuğu tədbirlərini irəlilədən Azərbaycanın sabitliyi pozan tərəf kimi təsvir edilməsi riyakarlıqdan başqa bir şey deyil.
Həmçinin oxuyun
BMT-nin Beynəlxalq Ədalət Məhkəməsinin sabiq prokuroru, Azərbaycana qarşı daim saxta iddialarla çıxış edən, erməni lobbisinin alətinə çevrilmiş Luis Moreno Okamponun da yer aldığı qalmaqallı videoda səsləndirilən fikirlər isə istər bu siyasətçilərin, istərsə də bədnam Okamponun təxribatçı və korrupsiya əməllərini bir daha ifşa edir.
Azərbaycan Prezidenti cənab İlham Əliyevin heyrətamiz liderliyi sayəsində regionda yeni geosiyasi və geoiqtisadi reallıqların yaranmasını, Prezidentimizin sülh gündəliyi əsasında Azərbaycanla Ermənistan arasında tədricən formlaşmaqda olan normallaşma prosesini və nəhayət bütün bu reallıqların beynəlxalq platformalarda qəbul olunmasını həzm edə bilməyən qüvvələr hər vəchlə regionda sabitliyin yenidən pozulmasına cəhd edirlər.
Ümumiyyətlə, müəyyən Avropa institutları daxilində daha geniş qərəzli yanaşma hər kəsə yaxşı məlumdur. Ölkəmiz 2020-ci il Vətən Müharibəsindən sonra ayrı-seçkilik yanaşmalarının və əsassız ittihamların konstruktiv dialoqdan üstün tutulduğu bir şəraitdə, Avropa Şurası Parlament Assambleyası (AŞPA), Avronest Parlament Assambleyası və Avropa Parlamenti kimi bir sıra Avropa platformaları ilə əməkdaşlıq münasibətlərini yenidən nəzərdən keçirib. AŞPA-da təmsilçiliyimiz dayandırılmaqla, digər bir sıra qurumlarda iştirak səviyyəsi aşağı salınıb. Bu qərarlar Azərbaycanın ikili-standartlara qarşı prinsipial mövqeyini və milli maraqlarını qorumaq əzmini aydın şəkildə nümayiş etdirib.
Avropa Parlamentinin qətnaməsində yer almış Azərbaycan əleyhinə bu cəfəng və riyakar iddiaları qətiyyətlə pisləyir və rədd edirik. Bu fəaliyyətə cəlb olunmuş şəxslər unutmasınlar ki, ölkəmiz möhtərəm Prezidentimizin liderliyi ilə qarşıya qoyulan hədəflərə uğurla nail olur və regionda sülh, sabitlik, davamlı inkişaf naminə fəaliyyətə qarşı çıxan qüvvələrin niyyətləri yenə də puç olacaq.
Zaur Şükürov
Millət vəkili
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Vüqar Rəhimzadə: Bakı qlobal şəhərsalma mərkəzinə çevriləcək
Azərbaycan COP29 tədbirindən sonra iştirakçılarının sayına görə ikinci böyük və qlobal əhəmiyyətə malik tədbirə ev sahibliyi edəcək. Artıq hazırlıq işləri yüksək səviyyədə həyata keçirilib. Paytaxt Bakımız 180 ölkədən 32 mindən çox iştirakçını bir araya gətirib “Hər kəs üçün yaşayış yerləri: təhlükəsiz və dayanıqlı şəhərlər və yaşayış məskənləri” mövzusuna həsr olunan Ümumdünya Şəhərsalma Forumunun 13-cü Sessiyasına (WUF13) ev sahibliyinə hazırdır.Dövlət başçısı İlham Əliyev mayın 12-də Bakı Olimpiya Stadionunun ərazisində keçiriləcək tədbirlə bağlı görülən işlərlə tanış oldu. Qeyd olundu ki, tədbir məkanı Bakı Olimpiya Stadionu və onun ətrafında formalaşdırılan ümumi əməliyyat əhatə dairəsi üzrə 53 hektar təşkil edir. Bunun 43 hektarı əsas...
15 May 2026, 17:44
İlham Əliyev: Qlobal geosiyasi şəraitdə Orta Dəhlizin əhəmiyyəti daha da artır.
Türk dövlətləri ilə nəqliyyat sahəsində əməkdaşlığımız genişlənir.APA-nın Türküstana ezam olunmuş əməkdaşı xəbər verir ki, bu barədə Prezident İlham Əliyev Qazaxıstanın Türküstan şəhərində keçirilən Türk Dövlətləri Təşkilatının Dövlət başçılarının qeyri-rəsmi Zirvə görüşündə çıxışı zamanı bildirib.“Cari qlobal geosiyasi şəraitdə Orta Dəhlizin əhəmiyyəti daha da artır. Reallaşmaqda olan Zəngəzur dəhlizi Orta Dəhlizin əsas seqmentlərindən birinə çevriləcək”, - dövlət başçısı qeyd edib.
15 May 2026, 15:39
Zaur İbrahimli: ABŞ və Çin dünyanı bölə bilmədi
ABŞ və Çin arasında keçirilən Pekin danışıqları tərəflər arasında ciddi razılaşma ilə nəticələnməyib. Görünən odur ki, Çin istədiklərini əldə edə bilmədiyi üçün tərəflər arasında rəqabət daha da güclənəcək.Citypost.az xəbər verir ki, bu fikirləri politoloq Zaur İbrahimli sosial şəbəkə hesabında paylaşdığı qısa açıqlamada bildirib.Politoloqun sözlərinə görə, ABŞ və Çin bundan sonra bir-birini birbaşa hərbi əməliyyatlara keçmədən geosiyasi, iqtisadi və strateji müstəvidə üstələməyə çalışacaqlar.“Pekin Tayvansız dünyanı bölmək istəmir”, – deyə Z.İbrahimli vurğulayıb.Ekspert hesab edir ki, Pekin görüşləri iki ölkə arasında münasibətlərin yumşalmasına deyil, daha sərt rəqabət mərhələsinə keçidə səbəb olacaq.Əli...
15 May 2026, 10:30
M.Əsədullazadə: Çin özünü daha güclü göstərir
ABŞ Prezidenti Donald Trampın Çinə iki günlük səfəri və aparılan danışıqlar ümumilikdə müsbət istiqamətdə davam edir. Tərəflər arasında əsas fikir ayrılığı isə Tayvan məsələsində qalır. ABŞ-ın Tayvanla bağlı Çinə ciddi güzəştlərə gedəcəyi gözlənilmir. Çin sədri Si Sinpinqin Tayvan məsələsində Donald Trampa açıq etiraz və xəbərdarlıq etməsi regionda yeni eskalasiya ehtimalını artırır.Citypost.az xəbər verir ki, bu fikirləri Milli Cəbhə Partiyası sədrinin müavini, siyasi ekspert Məhəmməd Əsədullazadə sosial şəbəkə hesabında paylaşdığı açıqlamada bildirib.O qeyd edib ki, Çin Tayvana qarşı dəniz blokadası tətbiq edə bilər. Bununla yanaşı, Vaşinqton və Pekin əsasən iqtisadi və ticarət əlaqələrinin inkişafı istiqamətində mühüm razılaşmalar əldə etməyə çalışırlar.Ekspertin sözlərinə...
15 May 2026, 10:12
Sabiq deputat: Fransa Türkiyəyə qarşı təxribat hazırlayır
Fransa son dövrlər Cənubi Qafqaz və Türkiyə ətrafındakı bölgələrdə təkcə diplomatik deyil, həm də praktiki fəallığını artırır. Ermənistan və yunan Kipri ilə strateji müttəfiqlik, hərbi əməkdaşlıq haqqında sazişlərin bağlanması, həmçinin Cənubi Kiprdə “humanitar missiyalar” adı altında Fransa hərbi kontingentinin yerləşdirilməsi ilə bağlı yeni sazişin imzalanmasına hazırlıq bunu bir daha təsdiqləyir.Citypost.az xəbər verir ki, bu fikirləri sabiq deputat, siyasətçi Qulamhüseyn Əlibəyli sosial şəbəkə hesabında paylaşdığı açıqlamada bildirib.Onun sözlərinə görə, bu sazişlərin əsas məqsədi Fransanın Cənubi Qafqaz və Türkiyə ətrafındakı bölgələri hərbi baxımdan öz təsir dairəsinə salmaq, eyni zamanda Türkiyənin ətrafında geosiyasi “çəmbəri daraltmaqdır”.Q.Əlibəyli qeyd edib ki, Türkiyənin Cənubi Qafqazda söz sahibi...
15 May 2026, 10:04
Politoloq: ABŞ–Çin görüşü yeni riskləri ortaya çıxardı
Amerika–Çin görüşünün maraqlı detalları gün üzünə çıxmağa davam edir:Pekində 14–15 may tarixlərində keçirilən görüşlər xeyli yaddaqalan olub.Nəzərə alsaq ki, bu, Donald Trumpın 2017-ci ildən sonra Çinə ilk rəsmi səfəri və Xi Jinping ilə ilk böyük görüşü idi. Rəsmi açıqlamalarda “stabil münasibətlər”, “əməkdaşlıq” və “dostluq” vurğulansa da, pərdəarxasında tam fərqli mənzərə yaşanıb. New York Post və Daily Beast-in məlumatlarına görə, görüşlər zamanı ciddi xaos, təhlükəsizlik qalmaqalları və protokol böhranları baş verib. İkitərəfli görüş başlamazdan əvvəl çinli jurnalistlərin böyük qrupu qəfil şəkildə zala daxil olub. Qarışıqlıq zamanı Ağ Evin öncədən gəlmiş komandasından olan qadın əməkdaş yerə yıxılıb və insanların ayaqları altında qalıb. ABŞ...
15 May 2026, 09:27
