Qızlarını məktəbə yazdıran mollanı öldürdülər  

Bakı milyonçusu H.Z.Tağıyevin XIX əsrin sonlarında Bakıda qızlar üçün məktəb açmaq fikri bəzi dairələrdə çox tərəddüdlə qarşılandı.

H.Z.Tağıyev hətta məktəbin fəaliyyətə başlaması üçün icazə almaqdan ötrü İmperatriça Alexandra Fyodorovnaya müraciət etməli olmuşdur.

Məsələnin dini tərəfini isə H.Z.Tağıyev mübahisə ilə deyil, sübutlar əsasında həll etməyə qərar verdi.

O, bir  neçə nəfəri Məkkəyə, Mədinəyə, Kərbəlaya və Tehrana göndərdi. Oralardan toplanan sənədlərdə açıq şəkildə yazırdı ki, İslam qızların dünyavi təhsil almasını və ya hər hansı peşə öyrənməsini heç də qadağan etmir. Məktəbin binasının tikilməsi üçün qərar verildikdən sonra layihə polyak memarı İosif Qaslavskiyə həvalə edildi. 

Həmçinin oxuyun

Bakıda biznesmenlə bir qrup şəxs arasında insident - Video 

Bakıda liseydə şagirdin güllələdiyi müəllimin vəziyyəti açıqlanıb 

​Saleh Məmmədov vəzifəsindən azad edildi 

Prokurorun sürücü barədə təqdimatı rədd edildi  

Tarixi mənbələrdə qeyd edilir ki, bu bina öz sadələyi, ciddiliyi və əzəməti ilə Nikolayev küçəsinin memarlığında yeni və parlaq bir səhifə açdı. İlk tədris ilində məktəbə 58 qız qəbul olundu. Onlardan 35 nəfəri kasıb və yoxsula ailələrin övladları idi.

Qızların paltarlarını, yataxana və gündəlik iaşə xərclərini H.Z.Tağıyev öz hesabında ödəyirdi. Amma bu hadisə cəmiyyətdə hamı tərəfindən birmənalə şəkildə sözün əsl mənasında sevinclə qarşılanmadı. İki qızını bu məktəbdə oxumağa yollayan dövrünün tanınmış mütərəqqi bir din xadimi mühafizəkarlar tərəfindən qətlə yetirildi. H.Z.Tağıyevin qız məktəbi ideyasının bir insanın ölümünə səbəb olması qızlar arasında məktəbə olan  marağı heç də azaltmadı və onun bu ideyası iflasa uğramadı.

Müşərrəfxanım