Eldəniz Əmirov:İmtahan sistemi yaddaş müsabiqəsinə çevrilib

İqtisadçı ekspert Eldəniz Əmirov imtahan sistemi ilə bağlı paylaşım edib.

Citypost.az xəbər verir ki, O bildirib ki, hər il Dövlət İmtahan Mərkəzinin (DİM) keçirdiyi imtahanlardan sonra sualların çətinliyi ilə bağlı müzakirələr yaranır. Ekspertin fikrincə, suallar çətin və ya asan olmasından asılı olmayaraq, nəticə dəyişmir — qəbul yerlərinin sayı qədər ən yüksək nəticə göstərən abituriyentlər seçilir.

Əmirov qeyd edib ki, güclü abituriyent həm çətin, həm də asan suallarda üstün nəticə göstərə bilir. Onun sözlərinə görə, imtahan sisteminin əsas məqsədi məhz fərqləndirməni təmin etməkdir.

Həmçinin oxuyun

DAHİ – Şəmsi Vəfadarın YAZISI  

Vüqar Qurbanovun gizli göstərişlərini Şahin Qurbanov icra edirmiş   

Həmid Herişçinin iç üzü açıldı

Aydınlığa aydınlıq gətirən... Unudulmaz Aydın Səlimzadə - ŞƏMSİ VƏFADAR YAZIR

Lakin ekspert hesab edir ki, əsas problem sualların səviyyəsi deyil, imtahanların ümumi mahiyyətidir. O bildirib ki, mövcud qəbul sistemi böyük ölçüdə yaddaş və əzbərləmə üzərində qurulub. Bu isə nəticədə daha çox məlumatı yadda saxlayanların yüksək bal toplamasına və prestijli ixtisaslara qəbul olunmasına gətirib çıxarır.

Ekspert vurğulayıb ki, ali təhsil sistemi yaddaşı deyil, düşünmə, analiz, yaradıcılıq və problem həll etmə bacarıqlarını ölçməlidir. Onun fikrincə, əsas müzakirə mövzusu sualların çətinliyi deyil, imtahan sisteminin yanaşması olmalıdır.