Hüquqşünas: “Fərhad Mehdiyevin ailə faciəsi ilə bağlı ittihamlarda tələsmək olmaz”  

Hüquqşünas Rəhim Xoyski hüquqşünas və professor Fərhad Mehdiyevin qızının faciəli ölümü ilə bağlı ictimai müzakirələrə münasibət bildirib.

Citypost.az xəbər verir ki, onun sözlərinə görə, övlad itkisi ilə üzləşən ailəyə qarşı əsassız ittihamlar irəli sürmək doğru deyil. Hüquqşünas qeyd edib ki, hadisənin başvermə səbəbləri və məsuliyyət məsələləri yalnız məhkəmə-avtotexniki ekspertizasının nəticələrindən sonra tam aydın olacaq.

R.Xoyski bildirib ki, sürücülük hüququnun olmaması inzibati məsuliyyət yaratsa da, bu hal avtomatik olaraq qəza törədən şəxsin günahkar olması anlamına gəlmir. O vurğulayıb ki, qəzanın baş verməsində nasaz vəziyyətdə saxlanılan avtomobilin təhlükəsizlik qaydalarına əməl edib-etməməsi, qəza nişanının qoyulub-qoyulmaması və digər amillər ekspertiza tərəfindən araşdırılmalıdır.

Hüquqşünasın sözlərinə görə, əgər müəyyən olunsa ki, nasaz avtomobil üçün tələb olunan təhlükəsizlik tədbirləri görülməyib və bu, qəzanın baş verməsinə səbəb olub, həmin şəxs cinayət məsuliyyəti daşıya bilər. Əks halda məsuliyyətin bölüşdürülməsi və ya fərqli hüquqi qiymət verilməsi mümkündür.

Həmçinin oxuyun

Şahin Qurbanovdan xəbər var...  

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Rəhim Xoyski həmçinin ictimaiyyətə müraciət edərək, ailənin yaşadığı ağır faciəni nəzərə almağa və hadisə ilə bağlı etik çərçivədən kənar mülahizələr səsləndirməməyə çağırıb. O bildirib ki, hüquqi qiymətləndirmə yalnız istintaq və ekspertiza nəticələrindən sonra aparılmalıdır.

Yusif