Psixoloji şiddət də qanun pozuntusudur?

Ailə münasibətlərində fiziki zorakılıq qədər psixoloji şiddət də ciddi hüquq pozuntusu hesab olunur. Mütəxəssislər bildirirlər ki, təhqir, alçaltma, hədələmə, daimi təzyiq göstərilməsi, emosional manipulyasiya və şəxsin mənəvi vəziyyətinə mənfi təsir edən digər davranışlar qanunvericilikdə psixoloji zorakılıq kimi qiymətləndirilə bilər.

Citypost.az xəbər verir ki, hüquqşünas və mediatorların sözlərinə görə, psixoloji şiddət fiziki zorakılıqdan fərqli olaraq daha çətin sübuta yetirilir. Çünki burada bədəndə görünən xəsarət izləri olmur. Buna baxmayaraq, qanunvericilik psixoloji zorakılığı da vətəndaşın hüquq və azadlıqlarının pozulması kimi qəbul edir və belə hallarda zərərçəkən şəxsin hüquqlarının müdafiəsi üçün hüquqi mexanizmlər mövcuddur.

Mütəxəssislər hesab edirlər ki, ailədaxili mübahisələrdə ilk mərhələdə daha sivil üsullardan istifadə olunması məqsədəuyğundur. Bu baxımdan mediasiya institutu xüsusi əhəmiyyət daşıyır. Mediasiya tərəflərin məhkəməyə getmədən, peşəkar mediatorun iştirakı ilə mübahisəni qarşılıqlı razılıq əsasında həll etməsinə imkan yaradır.

Qeyd olunur ki, bir çox hallarda tərəflər arasında yaranan psixoloji gərginliyin aradan qaldırılması, hüquqların qorunması və hətta ailənin dağılmasının qarşısının alınması mediasiya vasitəsilə mümkün olur. Mediator tərəflərin mövqelərini dinləyərək onları ortaq məxrəcə gəlməyə təşviq edir və münaqişənin dərinləşməsinin qarşısını almağa çalışır.

Lakin tərəflər mediasiya prosesində razılığa gələ bilmədikdə, qanun onlara məhkəməyə müraciət etmək hüququ verir. Bu halda mediasiyanın keçirildiyi və nəticəsiz başa çatdığı barədə müvafiq arayış təqdim olunur və məhkəmə qaydasında iddia qaldırıla bilər.

Hüquqşünaslar bildirirlər ki, psixoloji şiddətlə bağlı məhkəməyə müraciət edilərkən iddia ərizəsinə mümkün qədər çox sübut əlavə olunmalıdır.

Həmçinin oxuyun

Şahin Qurbanovdan xəbər var...  

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Bunlara tərəflər arasında olan yazışmalar, səs yazıları, video və foto materiallar, şahid ifadələri, eləcə də psixoloq və ya psixiatr rəyləri aid edilə bilər.

Bundan əlavə, şəxsin psixoloji vəziyyətində yaranmış problemləri təsdiqləyən tibbi sənədlər, müalicə müəssisələrinin arayışları və mütəxəssis rəyləri də məhkəmə baxışı zamanı mühüm əhəmiyyət daşıyır. Bu sənədlər psixoloji təzyiq nəticəsində şəxsin mənəvi və emosional vəziyyətində yaranmış dəyişikliklərin sübuta yetirilməsinə kömək edir.

Mütəxəssislər vurğulayırlar ki, psixoloji zorakılıq uzunmüddətli dövrdə insanın sağlamlığına, sosial həyatına və ailə münasibətlərinə ciddi mənfi təsirlər göstərə bilər. Buna görə də belə hallarla üzləşən şəxslər problemi görməzdən gəlməməli, hüquqlarını qorumaq üçün vaxtında hüquqi və psixoloji dəstək almalıdırlar.

Qanunvericiliyə əsasən, hər bir vətəndaş fiziki olduğu kimi, psixoloji zorakılıqdan da müdafiə olunmaq hüququna malikdir və bu hüququn təmin olunması üçün həm mediasiya, həm də məhkəmə mexanizmlərindən istifadə edə bilər.

Əli