Biznes hesablarına kiberhücum edən şəxs saxlanılıb
Cəmiyyət 22 İyul 2026, 15:37
341
Daxili İşlər Nazirliyinin Kibercinayətkarlıqla Mübarizə Baş İdarəsinə müxtəlif hüquqi şəxslərə məxsus biznes hesablarına xüsusi proqram təminatları vasitəsilə qanunsuz müdaxilə edilərək pul vəsaitlərinin ələ keçirilməsi barədə müraciətlər daxil olub.
DİN-in Mətbuat xidmətindən Citypost.az-a verilən xəbərə görə, keçirilmiş əməliyyat-texniki tədbirlərlə qeyd olunan cinayət əməlini törətməkdə şübhəli bilinən 2008-ci il təvəllüdlü Zakir Nəhmədov müəyyən edilərək saxlanılıb. Araşdırmalarla müəyyən edilib ki, Z.Nəhmədov xüsusi proqram təminatları hazırlayaraq müxtəlif MMC-lərə məxsus biznes hesablarına aid identifikasiya məlumatlarını ələ keçirib.
Daha sonra həmin məlumatlardan istifadə etməklə biznes hesablarına giriş üçün elektron təsdiq sorğuları göndərib. Sorğuların göndərilmə mənbəyi yoxlanılmadan onlar təsdiqlədikdən sonra Z.Nəhmədov hesablara qanunsuz giriş əldə edərək orada olan pul vəsaitlərini ələ keçirib.
Sonradan o, cinayət yolu ilə əldə etdiyi vəsaitlərin mənbəyini gizlətmək və “iz” itirmək məqsədilə həmin pulları kriptovalyutaya çevirərək leqallaşdırıb. İlkin araşdırma zamanı Z.Nəhmədovun zərərçəkmişlərə 100 min manatdan artıq ziyan vurduğu məlum olub.
Həmçinin oxuyun
Faktla bağlı Baş İdarədə Cinayət Məcəlləsinin müvafiq maddələri ilə cinayət işi başlanılıb, araşdırmalar davam etdirilir.
"Bir daha vətəndaşlara və sahibkarlıq subyektlərinə müraciət edərək bildiririk ki, identifikasiya məlumatları, internet bankçılığı və digər elektron ödəniş vasitələri ilə bağlı daxil olan sorğuların mənbəyini yoxlamadan təsdiqləməsinlər. Heç bir halda giriş məlumatlarını, təsdiq kodlarını və elektron imza məlumatlarını üçüncü şəxslərlə paylaşmasınlar. Şübhəli sorğular və keçidlər, həmçinin hesablarla bağlı naməlum əməliyyatlar müşahidə etdikdə dərhal xidmət göstərən banka və polis orqanlarına məlumat versinlər. Unutmaq olmaz ki, təsdiq edilən hər bir elektron sorğu hesablarınız üzrə maliyyə əməliyyatlarının həyata keçirilməsinə zəmin yarada bilər", DİN-in məlumatında deyilir.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Bakıda avtoyuma məntəqəsindən maşın qaçıran şəxs saxlanılıb
Avtoyuma məntəqəsindən avtomobil qaçıran şəxs saxlanılıb.Citypost.az DİN-ə istinadən xəbər verir ki, paytaxtın Xətai rayonu ərazisində zərərçəkənə məxsus "Subaru" markalı avtomobil oğurlanıb. Polis əməkdaşlarının həyata keçirdikləri tədbirlərlə talama cinayətini törətməkdə şübhəli bilinən A.Həsənov Kürdəmir rayonu istiqamətində hərəkətdə olarkən saxlanılıb. Araşdırmalarla şübhəli şəxsin müştərinin avtoyuma məntəqəsinə təhvil verdiyi avtomobili qanunsuz olaraq götürərək hadisə yerindən uzaqlaşdığı məlum olub.Faktla bağlı araşdırma aparılır.
22 İyul 2026, 16:09
Biznes hesablarına kiberhücum edən şəxs saxlanılıb
Özbəkistanın Baş prokuroru Niqmatilla Yuldoşevin rəhbərlik etdiyi nümayəndə heyəti Azərbaycana işgüzar səfəri çərçivəsində Kəlbəcər və Gəncədə olub.Bu barədə Citypost.az-a Baş Prokurorluqdan məlumat verilib.Bildirilib ki, qonaqlar Kəlbəcər şəhərində və İstisu ərazisində aparılan genişmiqyaslı bərpa və yenidənqurma işləri, həyata keçirilən infrastruktur layihələri, regionun sosial-iqtisadi inkişafı və dayanıqlı məskunlaşmanın təmin olunması istiqamətində görülən tədbirlərlə yaxından tanış olublar.Kəlbəcər rayonunda Prezidentin xüsusi nümayəndəsi Bəşir Hacıyev tərəfindən rayonda həyata keçirilən bərpa-quruculuq layihələri, yaradılan müasir infrastruktur, əhalinin mərhələli şəkildə doğma yurdlarına qayıdışının təmin edilməsi istiqamətində görülən işlər, eləcə də qarşıdakı inkişaf perspektivləri barədə qonaqlara ətraflı məlumat verilib.Prezident İlham Əliyev tərəfindən müəyyən edilmiş inkişaf strategiyasına uyğun olaraq Qarabağ...
22 İyul 2026, 15:58
Yeni iqlim qanunu layihəsi ictimaiyyətə təqdim edildi
"İqlim haqqında" qanun layihəsi ictimai müzakirəyə təqdim olunub.Citypost.az xəbər verir ki, bu barədə Ekologiya və Təbii Sərvətlər Nazirliyi məlumat yayıb.Layihə ictimai müzakirənin təmin edilməsi məqsədilə Nazirliyin eco.gov.az saytında "Elanlar" bölməsinə yerləşdirilib.Vətəndaş cəmiyyəti institutları, mütəxəssis və ekspertlər, hüquqi şəxslər, ayrı-ayrı vətəndaşlar layihə ilə tanış ola, rəy, irad və təkliflərini bu elan yerləşdirildiyi tarixdən 20 sentyabr 2026-ci il tarixinədək [email protected] ünvanına göndərə bilərlər....
22 İyul 2026, 15:24
Tarif Şurası bir sıra dərman vasitələri üzrə qiymətləri müəyyənləşdirib
Azərbaycanda bir sıra dərman vasitələri üzrə qiymətlər müəyyənləşdirilib.Citypost.az xəbər verir ki, bu barədə qərar Tarif Şurasının bugünkü iclasında qəbul edilib.İclasda 143 dərman vasitəsinin qiymətinin yuxarı həddi Nazirlər Kabinetinin müvafiq qərarı ilə təsdiq olunmuş qaydalara və Şuranın 2015-ci il 21 iyul tarixli Qərarı ilə təsdiq edilmiş Təlimata uyğun olaraq tənzimlənib.Ticarət adı, farmasevtik forması, təsiredici maddəsinin adı, dozası, ticarət qablaşdırması, miqdarı, istehsal ölkəsi nəzərə alınmaqla, qiymətlərinin yuxarı həddi təsdiq edilmiş dərman vasitələrinin tam siyahısı Tarif Şurasının rəsmi internet saytının "Dərman vasitələri" bölməsində yerləşdirilib.Qərar iyulun 23-dən qüvvəyə minir....
22 İyul 2026, 15:13
Pakistandan olan bir qrup hüquqşünas Azərbaycan Konstitusiya Məhkəməsinin sədri ilə görüşüb
Hüquq və ədliyyə məsələləri üzrə dövlət naziri Barrister Akil Malikin başçılıq etdiyi Pakistan nümayəndə heyəti Azərbaycanın Konstitusiya Məhkəməsinin sədri Fərhad Abdullayevlə görüşüb.Citypost.az xəbər verir ki, bu barədə Pakistanın Azərbaycandakı səfirliyinin "X" sosial şəbəkəsindəki səhifəsində paylaşım edilib.Pakistan nümayəndə heyətinin tərkibində hakimlər Mianqul Həsən Auranqzeb, Mirzə Vikes Rauf və Cavad Həsən də təmsil olunublar.
22 İyul 2026, 15:06
Metro gücləndirilmiş iş rejiminə keçir
"Neftçi" və "Qarabağ" futbol klublarının beynəlxalq oyunları ilə əlaqədar "Bakı Metropliteni" QSC-nin iş rejimi dəyişdiriləcək.Bu barədə Citypost.az-a səhmdar cəmiyyətindən məlumat verilib.Bildirilib ki, hər iki qarşılaşmaya azarkeş marağı nəzərə alınaraq, metropoliten ardıcıl olaraq 2 gün gücləndirilmiş qrafikdə fəaliyyət göstərəcək.Metropolitenin əməliyyat planına uyğun olaraq, ilk gücləndirmə tədbirləri bu gün "Neftçi" - "Dinamo" (Belarus) matçının keçiriləcəyi 8-ci km stadionu yaxınlığında yerləşən "Xalqlar dostluğu" stansiyasında tətbiq ediləcək. Burada xüsusi növbətçilik cədvəli əsasında stansiyaya əlavə işçi qüvvəsi ayrılacaq, nəzarət mexanizmləri diqqətdə saxlanılacaq.Sabah isə "Qarabağ" - ÇSKA (Bolqarıstan) görüşünün baş tutacağı Tofiq Bəhramov adına Respublika stadionunun yaxınlığındakı "Gənclik", o cümlədən "28 May" və "Nərimanov" stansiyalarında əlavə...
22 İyul 2026, 15:00
